spot_img
Homeຂ່າວພາຍ​ໃນແຂວງຫລວງພະບາງ ເສດຖະກິດຂະຫຍາຍຕົວ 9,2%

ແຂວງຫລວງພະບາງ ເສດຖະກິດຂະຫຍາຍຕົວ 9,2%

Published on

fri25apr5
ທ່ານ ດຣ ຄຳແພງ ໄຊສົມແພງ

ໃນໂອກາດເຂົ້າຮ່ວມກອງ ປະຊຸມຄະນະລັດຖະບານ ບວກກັບເຈົ້າແຂວງ ປະຈຳ ປີ 2013-2014, ເຊິ່ງຈັດຂຶ້ນ ແຕ່ວັນທີ 22-25 ເມສາ 2014 ນີ້, ຢູ່ທີ່ຫ້ອງປະຊຸມຂອງຫ້ອງ ວ່າການລັດຖະບານ, ທ່ານ ດຣ ຄຳແພງ ໄຊສົມແພງ,ກຳ ມະການສູນກາງພັກ, ເລຂາ ພັກແຂວງ, ເຈົ້າແຂວງໆຫຼວງ ພະບາງ ໄດ້ຕອບສຳພາດສື່ ມວນຊົນກ່ຽວກັບສະພາບການພັດທະນາເສດຖະກິດສັງຄົມ ຂອງແຂວງຕະຫລອດໄລຍະທີ່ຜ່ານມາວ່າ: ຜ່ານການຈັດຕັ້ງ ປະຕິບັດແລະສູ້ຊົນຕົວຈິງເຮັດໃຫ້ເສດຖະກິດແຂວງຫຼວງພະ ບາງຂະຫຍາຍຕົວຢ່າງຕໍ່ເນື່ອງ ແລະ ປີຜ່ານມາຢູ່ໃນລະດັບ 9,2%, ທຽບໃສ່ແຜນການປະຕິບັດໄດ້ 95%, ລວມຍອດ ຜະລິດຕະພັນພາຍໃນບັນລຸ 4.741 ຕື້ກີບ ໃນນີ້ປະກອບມີຜະລິດຕະພັນຈາກກະສິກຳ, ອຸດສາຫະກຳ, ການບໍລິການ, ການທ່ອງທ່ຽວ 77,60 ຕື້ກີບ, ລວມຍອດລາຍຈ່າຍ 124,98 ຕື້ກີບ, ນອກນັ້ນສະພາແຫ່ງ ຊາດໄດ້ອະນຸມັດງົບປະມານ ການລົງທຶນຂອງລັດທັງຫມົດ 197 ໂຄງການມູນຄ່າ 78,76 ຕື້ກີບ, ໃນນີ້ການລົງທຶນພາຍ ໃນ 74,50 ຕື້ກີບ ແລະ ທຶນ ຕ່າງປະເທດ 4,26 ຕື້ກີບ,  ຜ່ານການຈັດຕັ້ງປະຕິບັດຕົວ ຈິງສຳເລັດແລ້ວ 100% ນັ້ນມີ 31 ໂຄງການລວມ 5,44 ຕື້ ກີບ ສ່ວນທີ່ຍັງເຫລືອແມ່ນຍັງ  ສືບຕໍ່ຈັດຕັ້ງປະຕິບັດ, ການ ຈັດຕັ້ງປະຕິບັດສ່ວນຫລາຍ ແລ້ວກໍ່ແມ່ນເລັ່ງໃສ່ການພັດ ທະນາພື້ນຖານໂຄງລ່າງ, ຖະຫນົນຫົນທາງ, ໄຟຟ້າ, ລະ ບົບນ້ຳປະປາ, ສ້າງໂຮງຮຽນ, ໂຮງຫມໍ, ສຸກສາລາ, ລະບົບ ຄົມມະນາຄົມ ແລະ ການສື່ ສານ, ເວົ້າລວມແລ້ວກໍ່ແມ່ນ ສຸມໃສ່ພັດທະນາຊົນນະບົດ ແລະ ລົບລ້າງຄວາມທຸກຍາກ  ໃນເຂດຊົນນະບົດ, ຫ່າງໄກ ສອກຫລີກ, ຊົນເຜົ່າເຊິ່ງໃນ ທົ່ວແຂວງມີຈຳນວນບ້ານທັງ ຫມົດ 500 ກວ່າບ້ານ, ໃນນີ້ມີ ບ້ານທຸກຍາກ 197 ແຫ່ງທຽບ ໃສ່ໄລຍະດຽວຂອງປີຜ່ານມາ ຫລຸດລົງ 63 ບ້ານ, ມີບ້ານພັດ ທະນາ 203 ບ້ານ, ໃນປັດຈຸ ບັນນີ້ກຳລັງສຸມພະລັງງານ ແລະ ທຶນຮອນຢ່າງມະຫາ ສານເຂົ້າໃນການລົບລ້າງ ຄວາມທຸກຍາກ, ແນໃສ່ເພື່ອ ສ້າງບ້ານ ແລະ ກຸ່ມບ້ານພັດ ທະນາຕາມທິດ ແລະ ການຊີ້ ນຳຂອງພັກ-ລັດຖະບານໂດຍ ສະເພາະແມ່ນສຸມໃສ່ການປະ ຕິບັດວຽກງານ 3 ສ້າງເຫັນວ່າ ເປັນຂະບວນຟົດຟື້ນ ແລະ ມີຜົນສຳເລັດຫຼາຍດ້ານຕາມ ແນວທາງນະໂຍບາຍຂອງພັກ ລັດຖະບານວາງອອກ.

ທີ່ມາ ຫນັງສືພິມກອງທັບປະຊາຊົນລາວ

ບົດຄວາມຫຼ້າສຸດ

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...