spot_img
Homeຂ່າວພາຍ​ໃນລົດບັນທຸກຫນັກ ຢຽບຂົວໄຮ່ຢ່ອນຫັກພັງ ຄາດສ້ອມແປງຄືນໃຊ້ເວລາ 3 ເດືອນ

ລົດບັນທຸກຫນັກ ຢຽບຂົວໄຮ່ຢ່ອນຫັກພັງ ຄາດສ້ອມແປງຄືນໃຊ້ເວລາ 3 ເດືອນ

Published on

pk pk2

ລົດບັນທຸກຫນັກ ຢຽບຂົວໄຮ່ຢ່ອນຫັກພັງ ຄາດສ້ອມແປງຄືນໃຊ້ເວລາ 3 ເດືອນ ຂົວໄຮ່ຢ່ອນທີ່ຢູ່ຕາມທາງຫລວງແຫ່ງຊາດເລກ 10 ເມືອງທຸລະຄົມແຂວງວຽງຈັນ ເຮັດຫນ້າທີ່ ເຊື່ອມເມືອງດັ່ງກ່າວສູ່ນະຄອນຫລວງວຽງຈັນໄດ້ຫັກພັງລົງຊົ່ວພິບຕາ ເມື່ອມີລົດບັນທຸກຫນັກ 52 ໂຕນແລ່ນເຂົ້າໃນວັນທີ 20 ພະຈິກທີ່ຜ່ານມາ, ຂະນະທີ່ຂົວດັ່ງກ່າວຮັບນ້ຳຫນັກໄດ້ພຽງ 25 ໂຕນເທົ່ານັ້ນ, ດ້ານພະ ແນກໂຍທາທິການ ແລະ ຂົນສົ່ງແຂວງລະບຸ ຈະໃຊ້ເວລາສ້ອມແປງຄືນ 3 ເດືອນຈຶ່ງສຳເລັດ. ເຖິງຈະມີກົດລະບຽບສັ່ງຫ້າມລົດບັນທຸກເກີນນ້ຳຫນັກ ແລ່ນຜ່ານເສັ້ນທາງ, ແຕ່ບັນຫາດັ່ງກ່າວ ກໍ່ຍັງມີໃຫ້ເຫັນເປັນປະຈຳ ເຊິ່ງເປັນຕົ້ນເຫດ ເຮັດໃຫ້ເສັ້ນທາງ ແລະ ຂົວເປ່ເພໄວກວ່າກຳຫນົດການໃຊ້ງານ, ດັ່ງຂົວໄຮ່ຢ່ອນ ເຖິງວ່າຈະເປັນຂົວເກົ່າທີ່ໃຊ້ງານມາຫຼາຍປີ ແຕ່ລົດບັນທຸກເກີນການຮັບນ້ຳຫນັກຂອງຂົວກໍ່ຍັງບໍ່ຝືນຜ່ານຈຶ່ງເປັນເຫດໃຫ້ຂົວດັ່ງກ່າວຫັກພັງລົງຊົ່ວພິບຕາ. ການຫັກພັງຂອງຂົວໄຮ່ຢ່ອນ ໃນເບື້ອງຕົ້ນ ໄດ້ສ້າງຄວາມຍາກລຳບາກໃຫ້ແກ່ການສັນຈອນໄປ-ມາ ຂອງຜູ້ໃຊ້ລົດໃຊ້ຖະຫນົນໃນເຂດເມືອງທຸລະຄົມ ແຂວງວຽງຈັນທີ່ເຊື່ອມຕໍ່ນະຄອນຫຼວງວຽງຈັນ ເຖິງວ່າປັດຈຸບັນພາກສ່ວນກ່ຽວຂ້ອງໄດ້ແກ້ໄຂ ເຮັດໃຫ້ການສັນຈອນໄດ້ໃນລະດັບຫນຶ່ງ ແຕ່ກໍ່ຍັງພົບກັບຄວາມຫຍຸ້ງຍາກຢູ່. ທ່ານ ພູວອນ ບຸນວິໄລ ຮອງຫົວຫນ້າພະແນກໂຍທາທິການ ແລະ ຂົນສົ່ງແຂວງກ່າວວ່າ: ໃນ ເວລາປະມານ 14:00 ຂອງວັນທີ 20 ພະຈິກທີ່ຜ່ານມາໄດ້ມີລົດບັນທຸກຫມາຍເລກຖະບຽນ ບ.ກ 0387ຄຳມ່ວນ ຂອງບໍລິສັດໂສພາວັນຂົນສົ່ງຢູ່ນະຄອນຫລວງວຽງຈັນໄດ້ແລ່ນຜ່ານຂົວໄຮ່ຢ່ອນ, ລົດຄັນນີ້ບັນທຸກຊີມັງ 35 ໂຕນ ແລະ ບວກກັບນ້ຳຫນັກລົກອີກ17ໂຕນເຮັດໃຫ້ ຂົວດັ່ງກ່າວເຊິ່ງເປັນຂົວເບເລປະເພດ DD (ສອງແຖວ,ສອງຊັ້ນ) ຍາວ36 ແມັດ ແລະ ຮັບນ້ຳຫນັກໄດ້ພຽງ 25 ໂຕນຫັກພັງລົງຄາທີ່ແລະເຮັດໃຫ້ການສັນ ຈອນທາງເສັ້ນນີ້ຖືກຕັດຂາດໄປຂະນະຫນຶ່ງ, ຂະນະດຽວກັບພະແນກໂຍທາທິການແລະຂົນສົ່ງ ແຂວງວຽງຈັນໄດ້ສັ່ງໃຫ້ບໍສັດຂົວ-ທາງແຂວງວຽງຈັນເຂົ້າໄປແກ້ໄຂດ່ວນດ້ວຍການວາງທໍ່ ແລະ ຖົມ ດິນແດນເພື່ອສ້າງທາງເວັ້ນແລະສາມາດເປີດການສັນຈອນໃຫ້ເປັນປົກກະຕິໃນເວລາ10ໂມງເຊົ້າຂອງ ມື້ຕໍ່ມາ. ທ່ານຮອງຫົວຫນ້າພະແນກໂຍທາທິການແລະຂົນສົ່ງແຂວງກ່າວອີກວ່າ: ສຳລັບການສ້ອມແປງ ຂົວຄືນໃຫມ່ໃຫ້ໃຊ້ງານໄດ້ເຫມືອນສະພາບເດີມນັ້ນຈະຕ້ອງໃຊ້ເວລາເຖິງ 3 ເດືອນ ໂດຍຈະເລີ່ມສ້ອມແປງ ແຕ່ວັນທີ 25 ພະຈິກ ຫາ 25 ມັງກອນ2013 ຈຶ່ງຈະສຳເລັດ, ການສ້າງທາງເວັ້ນແລະຄວາມເສຍຫາຍທັງຫມົດປະມານ 240 ລ້ານກ່ວາກີບແມ່ນມອບໃຫ້ບໍລິ ສັດໂສພາວັນຂົນສົ່ງເປັນຜູ້ຮັບຜິດຊອບທັງຫມົດ.

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...