spot_img
Homeຂ່າວພາຍ​ໃນການພົວພັນຮ່ວມມື ລາວ-ເບລາຣຸສ ສືບຕໍ່ເພີ່ມທະວີເຂົ້າສູ່ລວງເລິກ

ການພົວພັນຮ່ວມມື ລາວ-ເບລາຣຸສ ສືບຕໍ່ເພີ່ມທະວີເຂົ້າສູ່ລວງເລິກ

Published on

ການພົວພັນຮ່ວມມື ລາວ-ເບລາຣຸສ ສືບຕໍ່ເພີ່ມທະວີເຂົ້າສູ່ລວງເລິກ

 

ທ່ານ ​ດຣ. ທອງ​ລຸນ ສີ​ສຸ​ລິດ ຮອງ​ນາຍົກລັດຖະມົນຕີ ລັດຖະມົນຕີ​ວ່າການ​ກະຊວງ​ການ​ຕ່າງປະເທດ ໄດ້​ຕ້ອນຮັບ​ການ​ເຂົ້າ​ຢ້ຽມ​ຂ່ຳນັບ​ຂອງ​ທ່ານ Nikolai Snopkov ລັດຖະມົນຕີ​ວ່າການ ກະຊວງ​ເສດຖະກິດ ແຫ່ງ ສາທາລະນະ​ລັດ​ເບ​ລາ​ຣຸ​​ສ ພ້ອມ​ດ້ວຍ​ຄະນະ ໃນ​ຕອນ​ບ່າຍ​ວັນ​ທີ 8 ເມສາ 2013 ຢູ່​ກະຊວງ​ການ​ຕ່າງປະເທດ ເນື່ອງ​ໃນ​ໂອກາດ​ທີ່​ຄະນະ​ຜູ້​ແທນ​ດັ່ງກ່າວ ໄດ້​ເດີນທາງ​ມາ​ຢ້ຽມຢາມ ແລະ ເຮັດ​ວຽກ​ຢູ່ ​ສປປ ລາວ ແຕ່​ວັນ​ທີ 7-9 ເມສາ 2013.

ໂອກາດ​ນີ້ ທັງ​ສອງ​ຝ່າຍ​ກໍ​ໄດ້​ສະແດງ​ຄວາມ​ຍິນ​ດີ ທີ່​ເຫັນ​ວ່າການ​ພົວພັນ ແລະ ການ​ຮ່ວມ​ມື​ລະຫວ່າງ ​ສປປ ລາວ ແລະ ສ.ເບ​ລາ​ຣຸ​​ສ ໃນ​ຂອບ​ເຂດ​ສອງ​ຝ່າຍ ກໍ​ຄື​ຫຼາຍ​ຝ່າຍ ໄດ້​ມີ​ບາດກ້າວ​ຂະຫຍາຍຕົວ​ດີ​ຂຶ້ນ​ເປັນ​ລຳດັບ ພ້ອມ​ນີ້ ທັງ​ສອງ​ຝ່າຍ​ຍັງ​ໄດ້​ສະແດງ​ເຈດ​ຕະ​ນາ​ລົມ​ອັນ​ໜັກ​ແໜ້ນ ທີ່​ຈະ​ເສີມ​ຂະຫຍາຍ​ການ​ຮ່ວມ​ມື​ກັນ​ໃນ​ອະນາຄົດ ທາງ​ດ້ານ​ການເມືອງ ເສດຖະກິດ-ການ​ຄ້າ ການ​ລົງທຶນ ແລະ ການທ່ອງທ່ຽວ ໂດຍ​ອີງ​ໃສ​ທ່າແຮງ​ຂອງ​ສອງ​ປະເທດ ແລະ ເພື່ອ​ຜົນ​ປະໂຫຍດ​ລວມ​ຂອງ​ສອງ​ຊາດ ລາວ-ເບ​ລາ​ຣຸ​​ສ.

ການ​ສົນທະນາ​ໄດ້​ດຳເນີນ​ໄປ​ດ້ວຍ​ບັນຍາກາດ​ອັນ​ອົບ​ອຸ່ນ ສະໜິດສະໜົມ ແລະ ໃນ​ຕອນ​ທ້າຍ ທ່ານ​ຮອງ​ນາຍົກລັດຖະມົນຕີ ກໍ​ໄດ້​ອວຍພອນ​ໃຫ້​ທ່ານ Nikolai Snopkov ພ້ອມ​ດ້ວຍ​ຄະນະ ຈົ່ງ​ເດີນທາງ​ກັບ​ຄືນ​ປະເທດ​ດ້ວຍ​ຄວາມ​ສະຫວັດດີ​ພາບ.

ທ່ານ Nikolai Snopkov ໄດ້​ນຳພາ​ຄະນະ ເຊິ່ງ​ປະກອບ​ດ້ວຍ​ຜູ້​ແທນ​ຂັ້ນ​ສູງ​ຂະແໜງການ​ຄ້າ ເສດຖະກິດ ກະສິກຳ ຕ່າງປະເທດ ເດີນທາງ​ຢ້ຽມຢາມ ພົບ​ປະ ແລະ ແລກປ່ຽນ​ທັດສະນະ​ແຫ່ງ​ການ​ເພີ່ມ​ທະວີ​ການ​ພົວພັນ ແລະ ການ​ຮ່ວມ​ມື​ກັບ​ພາກສ່ວນ​ທີ່​ກ່ຽວຂ້ອງ​ຂອງ​ລາວ ເຊິ່ງ​ແມ່ນ​ການ​ສືບຕໍ່​ຜົນສຳເລັດ​ຂອງ​ການ​ຢ້ຽມຢາມ ຂອງ​ຄະນະ​ຜູ້​ແທນ​ຂັ້ນ​ສູງ​ກະຊວງ​ການ​ຕ່າງປະເທດ​ເບ​ລາ​ຣຸ​​ສ ທີ່ ​ສປປ ລາວ ໃນ​ປີ 2012 ຜ່ານ​ມາ.

ທີ່ມາhttp://www.vientianemai.net

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...