spot_img
Homeຂ່າວຕ່າງປະເທດອະດີດນາຍົກລັດຖະມົນຕີ ມາເລເຊຍ ຈຳໂທດຕິດຄຸກ 12 ປີ

ອະດີດນາຍົກລັດຖະມົນຕີ ມາເລເຊຍ ຈຳໂທດຕິດຄຸກ 12 ປີ

Published on

ອີງຕາມການລາຍງານສຳນັກຂ່າວ CNA ໃນວັນທີ 28 ກໍລະກົດ 2022, ສານ​ຂອງ​ມາ​ເລ​ເຊຍ​ໄດ້​ຕັດສິນ​ລົງ​ໂທດ​ອະດີດ​ນາຍົກລັດຖະມົນຕີ​ມາ​ເລ​ເຊຍ ນາຈິບ ລາຊັກ (Najib Razak) ​ໃຫ້​ຈຳ​ຄຸກ 12 ປີ ​ແລະ ປັບ​ໃໝ 210 ລ້ານຮິງກິດ ຫຼື ຫຼາຍກວ່າ 654 ຕື້ກີບ ຈາກການມີສ່ວນຮ່ວມໃນການສໍ້ໂກງກອງທຶນ 1MDB.

ຄະດີດັ່ງກ່າວເປັນກໍລະນີທີ່ພົບເງິນ 42 ລ້ານຮິງກິດ ຈາກ SRC International ເຊິ່ງເປັນກອງທຶນ 1MDB ຖືກໂອນເຂົ້າບັນຊີສ່ວນຕົວຂອງ ທ່ານ ນາຈິບ ໃນຊ່ວງປີ 2014-2015 ເຊິ່ງ ທ່ານ ນາຈິບ ຖືກຟ້ອງຮ້ອງຈາກກໍລະນີນີ້ລວມ 7 ຂໍ້ຫາໄດ້ແກ່ຂໍ້ຫາລະເມີດການໄວ້ວາງໃຈ 3 ຂໍ້ຫາ ລຸແກ່ອຳນາດ 1 ຂໍ້ຫາ ແລະ ຢອກເງິນອີກ 3 ຂໍ້ຫາ.

ໂດຍສານມາເລເຊຍ ຕັດສິນໂທດໃນຂໍ້ຫາລະເມີດຄວາມໄວ້ວາງໃຈຂໍ້ຫາລະ 10 ປີ, ເຊັ່ນດຽວກັບຂໍ້ຫາຟອກເງິນທີ່ຖືກຕັດສິນຈຳຄຸກຂໍ້ຫາລະ 10 ປີ ສ່ວນຂໍ້ຫາ ລຸແກ່ອຳນາດ ສານຕັດສິນຈຳຄຸກ 12  ແລະ ປັບ 654 ຕື້ກີບ ແຕ່ໃຫ້ຮັບໂທດໄປພ້ອມກັນເຮັດໃຫ້ທ່ານ ນາຈິບ ເຫຼືອໂທດຈຳຄຸກ 12 ປີ, ແລະ ປັບ 654 ຕື້ກີບ ແລະ ໂທດຈະປ່ຽນເປັນໂທດຈຳຄຸກ 5 ປີແທນ ຫາກທ່ານ ນາຈິບ ມີເງິນພຽງພໍໃນການຈ່າຍຄ່າປັບ.

ທ່ານ ນາຈິບ ກາຍເປັນຜູ້ນຳມາເລເຊຍ ຄົນທຳອິດທີ່ຖືກສານຕັດສິນວ່າມີຄວາມຜິດໃນຄະດີ ສໍ້ໂກງ ເຊິ່ງຄະດີທີ່ສານຕັດສິນຄັ້ງນີ້ເປັນພຽງສ່ວນໜຶ່ງຂອງຂໍ້ກ່າວຫາວ່າ: ທ່ານ ນາຈິບ ພົວພັນກັບການສໍ້ໂກງກອງທຶນ 1 MDB ທີ່ມີຂໍ້ມູນວ່າກອງທຶນດັ່ງກ່າວຍັກຍອກເງິນໄປເຖິງ 4,500 ລ້ານໂດລາສະຫະລັດ.

ແຫຼ່ງຂ່າວ: CNA

ບົດຄວາມຫຼ້າສຸດ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...