spot_img
Homeຂ່າວທ້ອງຖິ່ນການກໍ່ສ້າງດອນຊາຍມຸງຄຸນ ເມືອງຈອມເພັດ ຄືບໜ້າຫລາຍກວ່າ 90%

ການກໍ່ສ້າງດອນຊາຍມຸງຄຸນ ເມືອງຈອມເພັດ ຄືບໜ້າຫລາຍກວ່າ 90%

Published on

ອີງຕາມການລາຍງານຈາກເພສຂ່າວ ຂປລ ໃຫ້ຮູ້ວ່າ: ເມື່ອບໍ່ດົນມາ ນີ້, ທ່ານ ສຸກັນ ບຸນຍົງ ປະທານແນວລາວສ້າງຊາດແຂວງ, ຫົວໜ້າຄະນະຮັບຜິດຊອບໂຄງການກໍ່ ສ້າງຟື້ນຟູດອນຊາຍມຸງຄຸນ ພ້ອມດ້ວຍຄະນະຮັບຜິດຊອບຂັ້ນແຂວງ, ນະຄອນ-ຫລວງພະບາງ ແລະ ເມືອງຈອມເພັດ ລົງກວດກາຄວາມໜ້າ ການກໍ່ສ້າງດອນຊາຍມຸງຄຸນ. ພາຍ ຫລັງ ໄດ້ລົງມືກໍ່ສ້າງມາແຕ່ຕົ້ນເດືອນທັນວາ 2021 ໂດຍແມ່ນ ບໍລິສັດ ຊໍການຊ່າງ (ປະ ເທດໄທ) ເປັນຜູ້ຮັບຜິດຊອບກໍ່ສ້າງ ໃນເນື້ອທີ່ 1 ເຮັກຕາເຄິ່ງ, ມາຮອດປັດຈຸບັດ ການກໍ່ສ້າງສໍາເລັດແລ້ວຫລາຍກວ່າ 90%.

ທ່ານ ບຸນຄົງ ສຸກສະຫວັດ ຮອງຫົວໜ້າ ພະແນກໂຍທາທິການ ແລະ ຂົນສົ່ງແຂວງຫລວງພະບາງ, ຄະນະຮັບຜິດຊອບໂຄງການກໍ່ສ້າງຟື້ນຟູດອນຊາຍມຸງຄຸງ ນະຄອນ ຫລວງພະບາງ ໄດ້ໃຫ້ສຳພາດວ່າ: ໂຄງການກໍ່ສ້າງຟື້ນຟູດອນຊາຍມຸງຄຸນ ໄດ້ຜ່ານການຄົ້ນຄວ້າຈາກອົງການປົກຄອງແຂວງ ພາຍຫລັງທີ່ຖືກຜົນກະທົບຈາກການສ້າງເຂື່ອນໄຟຟ້ານໍ້າຂອງ ແຂວງໄຊຍະບູລີ. ດອນຊາຍມຸງຄຸນ ທີ່ໄດ້ຮັບການກໍ່ສ້າງຄືນໃໝ່ ມີຄວາມຍາວກວ່າ 330 ແມັດ, ກວ້າງເກືອບ 50 ແມັດ, ມີຂັ້ນໄດຂຶ້ນ 6 ຈຸດ, ໃນນັ້ນ ເບື້ອງນະຄອນ ຫລວງພະບາງ 3 ຈຸດ, ແຕ່ລະຈຸດກວ້າງ 8 ແມັດ ແລະ ເບື້ອງເມືອງຈອມເພັດ 3 ຈຸດ ແຕ່ລະຈຸດກວ້າງ 5 ແມັດ, ກ່ອນການກໍ່ສ້າງ ໄດ້ມີການອອກແບບໃຫ້ມີຄວາມເນີນ, ຄວາມສູງ ເພື່ອບໍ່ໃຫ້ນໍ້າຖ້ວມ ແລະ ທົນທານຕໍ່ແຮງກະທົບຂອງນໍ້າ. ສຳລັບໜ້າວຽກປັດຈຸບັນ, ກຳລັງປັບຄວາມລະອຽດຂອງດອນ ແລະ ຄາດວ່າຈະມີການມອບ-ຮັບໃນກາງເດືອນມີນານີ້ ໂດຍລວມແມ່ນສຳເລັດກ່ອນແຜນການທີ່ຕັ້ງໄວ້ຄື ວັນທີ 7 ເມສາ 2022.

ໂອກາດລົງກວດກາຄັ້ງນີ້, ທ່ານ ສຸກັນ ບຸນຍົງ ກໍໄດ້ສະແດງຄວາມຊົມເຊີຍວິຊາການຮັບຜິດຊອບ ທີ່ເຮັດສຳເລັດວຽກງານຕາມໜ້າວຽກທີ່ກຳນົດ ແລະ ສຳເລັດກ່ອນແຜນ ການ, ທັງໄດ້ເນັ້ນໃຫ້ອົງການປົກຄອງນະຄອນ ຫລວງພະບາງ ແລະ ເມືອງຈອມເພັດ ວາງແຜນການປັບປຸງທິວທັດຕາມແຄມແມ່ນ້ຳຂອງ ໃຫ້ມີຄວາມເປັນລະບຽບ ແລະ ກະກຽມແຜນປັບປຸງດອນຊາຍມຸງຄຸນໃຫ້ມີຄວາມງົດງາມ ແລະ ຍືນຍົງ. ພ້ອມນີ້, ທ່ານໄດ້ເນັ້ນໃຫ້ສື່ມວນຊົນ ແລະ ຫ້ອງການມໍລະດົກ ພ້ອມກັນຄົ້ນຄວ້າຂໍ້ມູນ ເພື່ອນຳສະເໜີໃຫ້ປະຊາຊົນເຂົ້າໃຈເຖິງຄວາມສຳຄັນຂອງດອນຊາຍມຸງຄຸນ ແລະ ຜົນກະທົບໃນໄລຍະຜ່ານມາ ເພື່ອໃຫ້ທຸກຄົນໃນສັງຄົມ ມີຄວາມເຂົ້າໃຈແຈ້ງ ຕໍ່ການສ້າງ ດອນຊາຍມຸງຄຸນ ຄືນໃໝ່.

ບົດຄວາມຫຼ້າສຸດ

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...