spot_img
Homeຂ່າວພາຍ​ໃນອາ​ຮຸ່ຍ ເປີດ 4 ສາ­ຂາ​ຈຳ­ໜ່າຍ​ຜະ­ລິດ​ຕະ​ພັນ​ຫັດ­ຖະ­ກຳ​ຢູ່​ຈີນ

ອາ​ຮຸ່ຍ ເປີດ 4 ສາ­ຂາ​ຈຳ­ໜ່າຍ​ຜະ­ລິດ​ຕະ​ພັນ​ຫັດ­ຖະ­ກຳ​ຢູ່​ຈີນ

Published on


ອາ​ຮຸ່ຍ ເປີດ 4 ສາ­ຂາ​ຈຳ­ໜ່າຍ​ຜະ­ລິດ​ຕະ​ພັນ​ຫັດ­ຖະ­ກຳ​ຢູ່​ຈີນ
ອາ​ຮຸ່ຍ ເປີດ 4 ສາ­ຂາ​ຈຳ­ໜ່າຍ​ຜະ­ລິດ​ຕະ​ພັນ​ຫັດ­ຖະ­ກຳ​ຢູ່​ຈີນ

ທ່ານ ອາ​ຮຸ່ຍ ນັກ­ທຸ­ລະ­ກິດ​ຊາວ​ຈີນ​ທີ່​ເປັນ​ຂາ​ປະ­ຈຳ​ຊື້​ເຄື່ອງ​ຜະ­ລິດ​ຕະ​ພັນໄມ້​ອ້າຍ​ອຸ່ນ​ເຮືອນ ປະ­ຈຸ​ບັນ​ໄດ້​ເປີດ​ສາ­ຂາ​ຈຳ­ໜ່າຍ​ສິນ­ຄ້າ​ຢູ່​ຈີນ​ແລ້ວ​ມີ 4 ສາ­ຂາ ເພື່ອ​ນຳ​ເອົາ​ສິນ­ຄ້າ​ປະ­ເພດ​ໂຕະ, ຕັ່ງ ແລະ ອື່ນໆ ອີກ​ຫຼາຍ​ຢ່າງ​ທີ່​ເຮັດ​ດ້ວຍ​ໄມ້​ເສດປະ­ເພດ​ໄມ້​ດູ່,ໄມ້​ຂ່າ​ທີ່​ຕົກ­ແຕ່ງ​ຈາກ​ສີ­ມື​ອັນ​ປາ­ນີດ ແລະ ມີ​ຫຼາຍ​ສີ­ສັນ​ສາ­ມາດ​ດຶງດູດ​ລູກ​ຄ້າ​ຊາວ​ຈີນ​ເປັນ​ຢ່າງ​ດີ.

ທ່ານ ອາ​ຮຸ່ຍ ນັກ­ທຸ­ລະ­ກິດ​ຈີນ​ໄດ້​ໃຫ້​ສຳ­ພາດ​ຕໍ່​ທີມ​ຂ່າວ​ເສດ­ຖະ­ກິດŒ-ສັງ­ຄົມ ຫວ່າງ​ບໍ່​ດົນ​ມາ​ນີ້​ວ່າ: ເພື່ອ​ສ້າງ​ຄວາມ​ສະ­ດວກ​ໃນ​ການ​ນຳ​ສິນ­ຄ້າ ກໍ​ຄື​ຜະ­ລິດ​ຕະພັນ​ຫັດ­ຖະ­ກຳ​ໄມ້​ໄປ​ວາງ​ຂາຍ​ຢູ່​ຈີນ   ຈິ່ງ​ໄດ້​ເປີດ​ສາ­ຂາ​ໄວ້​ຢູ່ 4 ແຫ່ງ​ຄື: ຢູ່​ນະ­ຄອນຫຼວງ​ປັກ​ກິ່ງ, ຊຽງ​ໄຮ, ກວາງ​ເຈົາ ແລະ ຈາງ​ຊູ ເມືອງ​ຫານ​ຈຸ ແຂວງ​ຈານ​ຊູ ໃນ​ປີໜຶ່ງ​ຈະ​ນຳ​ສິນ­ຄ້າ​ເຂົ້າ​ວາງ​ຂາຍ​ປີ​ລະ 4Œ-5 ຄັ້ງ ແລະ ຜະ­ລິດ​ຕະ​ພັນທີ່​ນຳ­ໄປ​ວາງ​ຂາຍ​ໃຫ້​ລູກ​ຄ້າ​ກໍ​ແມ່ນປະ­ເພດ ໂຕະ, ຕັ່ງ, ໂອ​ໄມ້ ແລະ ຍັງ​ອີກຫຼາຍໆ​ຢ່າງ​ທີ່​ເຮັດ​ດ້ວຍ​ໄມ້​ເສດ​ປະ­ເພດໄມ້​ດູ່, ໄມ້​ຂ່າ​ທີ່​ຕົກ­ແຕ່ງ​ຕາມ​ລາຍ​ໄມ້ຈາກ​ສີ­ມື​ອັນ​ປາ­ນີດ​ຂອງ​ລາວ​ກໍ​ຄື​ຂອງອ້າຍ​ອຸ່ນ​ເຮືອນ.

ສຳ­ລັບ​ການ​ຕອບ​ຮັບ​ຂອງ​ລູກ​ຄ້າ​ຢູ່ແຕ່​ລະ​ສາ­ຂາ​ແມ່ນ​ດີ​ພໍ​ສົມ­ຄວນ​ຈິ່ງ​ເຮັດໃຫ້​ຈຳ­ນວນ​ສັ່ງ​ຊື້ ແຕ່​ລະ​ປີ​ເພີ່ມ​ຂຶ້ນ​ຕາມລຳ­ດັບ ມາ​ຮອດ​ປະ­ຈຸ​ບັນ​ເປັນ​ປີ​ທີ 4 ແລ້ວ​ໃນ​ການ​ສັ່ງ​ຊື້​ສົ່ງ​ເຂົ້າ​ໄປ​ຂາຍ​ຢູ່​ຈີນ ຊຶ່ງ​ກະ­ແສ​ລູກ​ຄ້າ​ລາຍ​ໃຫຍ່​ຊາວ​ຈີນເຂົ້າຊື້​ໃນ​ແຕ່​ລະ​ປີ​ແມ່ນ​ມີ​ຄວາມ​ຄຶກ­ຄື້ນ​ພໍ​ສົມຄວນ.

ທ່ານ ອາ​ຮຸ່ຍ ຍັງ​ກ່າວ​ຕື່ມ​ວ່າ: ຜະ­ລິດຕະ​ພັນ​ຫັດ­ຖະ­ກຳ​ໄມ້​ທີ່​ນຳ­ໄປ​ຈຳ­ໜ່າຍ​ໄດ້ກາຍ­ເປັນ​ທີ່​ຮູ້­ຈັກ​ກັນ​ດີ​ຂອງ​ຕະ­ຫຼາດ ໂດຍ​ສະ­ເພາະ​ແມ່ນ​ຢູ່​ຈີນ ສະ­ນັ້ນ ຫາກທາງ​ການ​ຂອງ​ຈີນ​ມີ​ການ​ເປີດ​ຕະ­ຫຼາດວາງ­ສະ­ແດງ​ສິນ­ຄ້າ​ຜະ­ລິດ​ຕະ​ພັນ​ໄມ້ ແມ່ນ​ຈະ​ໄດ້​ເຂົ້າ​ຮ່ວມ​ເກືອບ​ທຸກ​ຄັ້ງ ແລະ ໃນ​ການ​ເຂົ້າ​ຮ່ວມ​ປະ​ກວດ​ແຕ່​ລະ​ຄັ້ງແມ່ນ​ຈະ​ໄດ້​ຮັບ​ລາ­ງວັນ​ຢູ່​ໃນ​ລະ­ດັບ​ດີ​ຕະຫຼອດ​ມາ.

ການ​ເປີດ​ສາ­ຂາ​ຢູ່ 4 ແຫ່ງ​ນີ້ ຍິ່ງ​ເພີ່ມຕະ­ຫຼາດ​ໃຫ້​ເປັນ​ທີ່​ຮູ້­ຈັກ​ກັນ​ຢ່າງ​ກວ້າງຂວາງ​ຕໍ່​ລູກ​ຄ້າ​ທີ່​ຢາກ​ຊື້​ຜະ­ລິດ​ຕະ​ພັນ​ໄມ້ນຳ​ໃຊ້​ໄວ້​ປະ­ດັບ​ເອ້­ຍ້ອງ​ເຮືອນ​ຊານ, ໜ້າຮ້ານ ແລະ ບ່ອນ​ທີ່​ສຳ­ຄັນ​ຕາມ​ຄວາມເໝາະ​ສົມໃນ­ຕໍ່­ໜ້າ​ຫາກ​ລູກ​ຄ້າ​ມີ​ການຕອບ​ຮັບ​ສູງ ຄາດ​ຈະ​ເປີດ​ສາ­ຂາ​ໃໝ່​ຕື່ມອີກ. ທ່ານ ອາ​ຮຸ່ຍ ກ່າວ.

ທີ່ມາ http://www.sedthakid.la/khao/18646.spc

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...