ໝົດບັນຫາມືເປື້ອນລ້າງບໍ່ອອກຈາກນ້ຳມັນເຄື່ອງ

0
388

1

ເຊື່ອ​ວ່າ​​ຫລາຍໆ​ທ່ານຄືຊິເຄີຍສ້ອມແປງລົດກັນແດ່ແລ້ວ​ບໍ່​ວ່າ​ຈະ​ເປັນ​ລົດ​ລຸ້ນ​ນ້ອຍ ຫຼື ຈະ​ເປັນ​ລົດ​ລຸ້ນ​ໃຫຍ່​ ຕ່າງ​ກໍ​ຕ້ອງ​ເຄີຍເບີ່ງແຍງຮັກສາ​ຢູ່​ຫລາຍເທື່ອ ໂດຍ​ບັນຫາ​ທີ່​ຕາມ​ມາ​ຫລັງ​ຈາກ​ໄດ້​ແປງ​ລົດ​​ສຳເລັດ​ແລ້ວ​​ມັກ​ຈະ​ພົບ​ກັບ​ບັນຫາ​ທີ່​ຕາມ​ມາ​​ຢ່າງ​​ຄາບ​ນ້ຳ​ມັນ​ເຄື່ອງດຳໆ​ແຖມ​ຍັງ​ໜຽວ​ຕິດ​ມື​ຈົນ​ລ້າງ​ບໍ່​​ອອກ ເຊີ່ງ​ບັນຫາ​ເວລາ​ລົງ​ມື​ເຮັດ​ແລ້ວຄາບ​ນ້ຳ​ມັນ​ດຳໆ​ໜຽວໆ​​ມັກ​ຈະ​ຕິດ​ເຂົ້າໄປ​ທີ່​ເລັບມື​ອີກ​ເຫັນ​ແລ້ວ​ເບິ່ງ​ບໍ່​ສະ​ອາດ​ຕາ​ເລີຍ​ ​ບາງເທື່ອ​ລ້າງ​ທັງ ສະ​ບູ່ ນ້ຳ​ຢາ​ລ້າງ​ຈານ ແລະ​ ແຟັບ ແລ້ວມັນ​ກໍ​ຍັງ​ບໍ່​ອອກ ແຖມ​ສ່ຽງ​ຕໍ່​ມື​ລອກ ແສບ ຄັນ​ອີກ​ ມື້​ນີ້ເຮົາຈຶ່ງ​ມີ​ເຄັດ​ບໍ່ລັບ​ດີໆ​ມາ​ຝາກ​ກັບ​ບັນຫາ​ທີ່ຄົນຮັກລົດ​ມັກ​ການ​ແປງ​ລົດ​ດ້ວຍ​ໂຕ​ເອງ​ມາ​ຝາກ​ດ້ວຍ​ວິທີ​ງ່າຍໆ​ດ້ວຍ​ນ້ຳ​ມັນ​ພືດ​ທີ່​ມີ​ຕິດ​ຢູ່​ທຸກ​ຄົວ​ເຮືອນ​ແຖມ​ຂັ້ນ​ຕອນ​ກໍ​ແສ​ນ​ຈະ​ງ່າຍ​ອີກ​ທັງ​ຍັງ​ບໍ່​ສ່ຽງ​ຕໍ່​ມື​ລອກ​ ແລະ ​ຍັງ​ຈະ​ເຮັດໃຫ້​ມື​ນຸ່ມອອ່ນໜ້າ​ຈັບ​ຂຶ້ນ​ອີກ​ພ້ອມ ໂດຍ​ວິທີ​ລ້າງ​ມື​ດ້ວຍ​ນ້ຳ​ມັນ​ພືດ​ມີ​ດັ່ງ​ນີ້

1443071497

ກ່ອນ​ອື່ນ​ເລີຍ​ຍ່າງ​ໄປ​ທີ່​ບ່ອນ​ລ້າງ​ຈານ​ຈາກ​ນັ້ນ​ກໍ​ນຳ​ນ້ຳ​ມັນ​ພືດ​ທີ່​ຢູ່​ໃນ​ຫ້ອງ​ຄົວ​ມາ​ເທ​ໃສ່​ລົງ​ເທິງ​ຝ່າ​ມື​ບໍ່ຫລາຍປານໃດ ແລ້ວ​ຄ່ອຍ​ຖູໆ​ໃຫ້​ທົ່ວ​ມື​ ແລະ ​ບໍລິເວນ​ເລັບມື​ທີ່​ຄາບ​ນ້ຳ​ມັນ​​ຕິດ​ຢູ່ ຖ້າຫາກ​ກໍລະນີ​ທີ່​ນ້ຳ​ມັນ​ເຂົ້າ​ບໍ່​ເຖິງ​​ເລັບ​ໃຫ້​ລອງ​ຫຍິບ​ຟອຍ​ຖູ​ແຂ້ວ​ທີ່​ບໍ່​ໃຊ້​ແລ້ວ​ຂັດ​ລົງ​ບໍລິເວນ​​ເລັບມື ເມື່ອເຮົາເບີ່ງດ້ວຍ​ຕາ​ເປົ່າ​ວ່າ​ສະ​ອາດ​ແລ້ວ​ກໍ​ໃຫ້​ໃຊ້​ຜ້າ​ທີ່​ກຽມ​ມາ​ເຊັດ​ເຮັດ​ຄວາມ​ສະ​ອາດ​ມື ເທົ່າ​ນີ້​ຄາບ​ນ້ຳ​ມັນ​ກໍ​ຫລຸດ​ອອກຈາກ​ມື​​ແລ້ວ ຕໍ່​ຈາກ​ນັ້ນ​ກໍ​ທຳການ​ລ້າງ​ມື​ດ້ວຍ​ສະ​ບູ່ ຫຼື ​ນ້ຳ​ຢາ​ລ້າງ​ຈານ ເທົ່າ​ນີ້​ກໍ​ຈະ​ໄດ້​ມື​ສະ​ອາດ​ແລ້ວ

1443071618

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.