ໄຟໄໝ້ທ່າເຮືອເບຣຸດຈຸດດຽວກັບທີ່ລະເມີດມະຫາວິນາດ

ເວັບໄຊ dailynews ລາຍງານ ເມື່ອວັນທີ 10 ກັນຍາ 2020ວ່າ ເກີດໄຟໄໝ້ຮຸນແຮງຂຶ້ນບໍລິເວນທ່າເຮືອໃນນະຄອນເບຣຸດ ປະເທດລີບັງ ເມື່ອວັນພະຫັດທີ່ຜ່ານມາ ໂດຍປັດຈຸບັນ, ຍັງບໍ່ຮູ້ສາເຫດການເກີດໄຟໄໝ້ຄັ້ງນີ້ຊັດເຈນ ແຕ່ເປັນຈຸດດຽວກັບທີ່ເຄີຍເກີດເຫດການລະເບີດຮຸນແຮງເມື່ອວັນທີ 4 ສິງຫາ ທີ່ຜ່ານມາ. ຈຸດທີ່ເປັນໂກດັງເກັບສິນຄ້າແອມໂມເນຍໄນເຕຣດ ຈົນເກີດການລະເບີດຮຸນແຮງທຳລາຍລ້າງພື້ນທີ່ເປັນບໍລິເວນກວ້າງເຖິງຈະຢູ່ຫ່າງໄກຫຼາຍກິໂລແມັດກໍ່ຕາມ.

ລາຍງານຂ່າວລະບຸວ່າ ກຸ່ມຄວັນດຳ ແລະ ເປວໄຟລອຍຂຶ້ນສູ່ທ້ອງຟ້າຈາກຈຸດເກີດເຫດ ໂດຍທະຫານລີບັງແຈ້ງວ່າ ຕົ້ນເພີງເກີດຂຶ້ນທີ່ໂກດັງເກັບສິນຄ້ານໍ້າມັນ ແລະ ຢາງລົດໃຫຍ່ໃນພື້ນທີ່ປອດພາສີຂອງທ່າເຮືອ ແລະ ຍັງເປັນເຊື້ອເພີງຢ່າງດີ ເຈົ້າໜ້າທີ່ເລັ່ງລະດົມດັບເພີງ ແລະ ຕ້ອງໃຊ້ເຮລິຄອບເຕີເຂົ້າມາຊ່ວຍດັບເພີງ.

ເຈົ້າເມືອງເບຣຸດ ທ່ານ ມາຣ໌ວານ ແອບບາວ ຮຽກຮ້ອງໃຫ້ປະຊາຊົນຢູ່ຫ່າງຈາກພື້ນທີ່ ເພື່ອໃຫ້ເຈົ້າໜ້າທີ່ດັບເພີງທຳງານໄດ້ຢ່າງສະດວກ.

ຮຽບຮຽງຂ່າວ: ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.