“ໄຟເຊີ-ໄບອອນເທັກ” ຢືນຢັນວັກຊີນປ້ອງກັນໂຄວິດຂອງບໍລິສັດປອດໄພຕໍ່ເດັກອາຍຸ 5-11 ປີ

0
509
FILE PHOTO: FILE PHOTO: A woman holds a small bottle labeled with a "Coronavirus COVID-19 Vaccine" sticker and a medical syringe in front of displayed Pfizer logo in this illustration taken, October 30, 2020. REUTERS/Dado Ruvic/File Photo/File Photo

ເວັບໄຊ ປະຊາຊາດທຸລະກິດ ລາຍງານວ່າ: ບໍລິສັດຜະລິດວັກຊີນ “ໄຟເຊີ” ແລະ “ໄບອອນເທັກ” ຢືນຢັນວ່າ ວັກຊີນປ້ອງກັນໂຄວິດ-19 ຂອງບໍລິສັດມີຄວາມປອດໄພຕໍ່ເດັກນ້ອຍໃນຊ່ວງອາຍຸລະຫວ່າງ 5-11 ປີ ເຊິ່ງປັດຈຸບັນທັງສອງບໍລິສັດກຳລັງຮຽກຮ້ອງໃຫ້ສະຫະລັດອາເມລິກາ, ເອີຣົບ ລວມທັງຫຼາຍປະເທດໃນໂລກ ອະນຸມັດການສັກວັກຊີນດັ່ງກ່າວໃຫ້ແກ່ເດັກນ້ອຍໂດຍໄວທີ່ສຸດ.

ຜູ້ຈັດການບໍລິສັດໄຟເຊີ ແລະ ໄບອອນເທັກ ກ່າວວ່າ: ການທົດລອງວັກຊີນປ້ອງກັນໂຄວິດ-19 ທີ່ໄດ້ຜະລິດຮ່ວມກັນ ກັບກຸ່ມປະຊາກອນທີ່ມີອາຍຸລະຫວ່າງ 5-11 ປີ ໃນຊ່ວງການທົດລອງທັງສາມຂັ້ນພົບວ່າ ມີການຕອບສະໜອງຂອງລະບົບພູມຄຸ້ມກັນ ແລະ ຄວາມປອດໄພໃນລະດັບດຽວກັບທີ່ເຄີຍທົດລອງກັບປະຊາກອນໃນກຸ່ມອາຍຸ 16-25 ປີ.

ຂະນະທີ່ກ່ອນໜ້ານີ້ ອົງການອາຫານ ແລະ ຢາສະຫະລັດ (FDA) ກໍໄດ້ກຽມອະນຸມັດການສັກວັກຊີນປ້ອງກັນໂຄວິດ-19 ຂອງບໍລິສັດໄຟເຊີ-ໄບອອນເທັກ ສຳລັບເດັກທີ່ມີອາຍຸ 5-11 ປີ ໃນທ້າຍເດືອນຕຸລາທີ່ຈະມາເຖິງນີ້.