ໄພ​ງຽບ​ຈາກ​ກ່ອງ​ໂຟມ

0
107

2

   ຫລາຍ​ຄົນ​ອາດຈະ​ເຄີຍ​ຊິນ​ກັບ​ການ​ຮັບປະທານ​ອາຫານ​ແບບ​ໃສ່​ກ່ອງ​ໂຟມ​ ເພາະ​ສະ​ດວກ ວ່ອງໄວ ກິນ​ທີ່​ໃດ​ກໍ​ໄດ້ ປະ​ຫຍັດ​ເວລາ​ເຮັດ​ອາຫານ ແລະ ​ທີ່​ສຳຄັນ​ກິນແລ້ວ ກໍ​ບໍ່​ຕ້ອງ​ລ້າງ​ອີກ​​ ແຕ່​ຫລາຍໆຄົນ ຮູ້ຫລືບໍ່ວ່າ ການ​ຄວາມສະດວກ​ສະບາຍ ກ່ອງ​ໂຟມ​ກໍ​ແຝງ​ໄປ​ດ້ວຍ​ໄພ​ຮ້າຍ​ທີ່​ອາດ​ຂ້າຊີວິດ​ທ່ານໄດ້​ໃນ​ທີ່​ສຸດ

ແພດ​ຜູ້​ຊ່ຽວຊານ​ດ້ານ​ບັນ​ຈຸ​ພັນທ໌ ບໍລິສັດ​ບັນ​ຈຸ​ພັນເພື່ອ​ສິ່ງ​ແວດ​ລ້ອມ ໄດ້​ໃຫ້​ຄວາມ​ຮູ້​ວ່າ ກ່ອງ​ໂຟມ​ທີ່​ໃຊ້​ຕາມ​ທ້ອງຕະຫລາດທົ່ວໄປເປັນ​ຂອງ​ເສຍ​ເຫລືອສີດຳໆ​ ຈາກ​ກະ​ບວນ​ການ​ກັ່ນ​ນ້ຳ​ມັນ​ປິ​ໂຕ​ລຽມ ປະກອບ​ກັບ​ສານສະໄຕລີນ (Styrene) ມີ​ໂຄງ​ສ້າງ​ໂມ​ເລ​ກຸນ​ຄ້າຍ​ຮອລ໌​ໂມນ​ເອດ​ໂຕ​ເຈນ (Estrogen) ໃນ​ເພດ​ຍິງ ອາຫານ​ຕາມ​ສັ່ງ​ທີ່​ບັນ​ຈຸ​ກ່ອງ​ໂຟມ ຈຶ່ງ​ເປັນ​ແຫລ່ງ​ສະ​ສົມ​ສານສະໄຕລີນ ຊຶ່ງ​ເປັນ​ສານ​ທີ່​ອອກ​ລິດ​ເຮັດໃຫ້​ສະຫມອງ​ມຶນ​ງົງ ສະຫມອງ​ເສື່ອມ​ງ່າຍ ​ຫງຸດ​ຫງິດ​ງ່າຍ ມີ​ຜົນ​ເຮັດໃຫ້​ປະຈຳ​ເດືອນ​ມາ​ບໍ່​ປົກກະຕິ ແລະ ​ເປັນ​ສານ​ກໍ່​ມະ​ເຮັງ​ອີກ 3 ຊະນິດ ຖ້າ​ເປັນ​ຜູ້​ຊາຍ​ຮັບປະທານ​ເຂົ້າໄປ​ຫລາຍ​ໆ ມີ​ໂອ​ກາດ​ສ່ຽງ​ເປັນ​ພະຍາດ​ມະ​ເຮັງຕອ່ມລູກໝາກ ຂະນະ​ທີ່​ຜູ້ຍິງ​ມີ​ໂອ​ກາດ​ເປັນ​ມະ​ເຮັງ​ເຕົ້າ​ນົມ ແລະ ​ທັງ​ສອງ​ເພດບໍ່ວ່າຍິງຊາຍ​ມີ​ໂອ​ກາດ​ສູງ​ຕໍ່​ການ​ເປັນ​ມະ​ເຮັງ​ຕັບ ເຖິງແມ່ນວ່າ ຈະ​ບໍ່​ໄດ້​ດື່ມ​ແອນ​ກໍ​ຮອລ໌​ເປັນ​ປະຈຳ​ກໍ​ຕາມ

ສຳລັບ​ສານສະ​ໄຕ​ລີນ ຖື​ເປັນ​ສານ​ອັນຕະລາຍ​ທີ່ປະເທດ​ສະຫະ​ລັດອາເມລິກາ ຫາກໍ່​ປະ​ກາດ​ຂຶ້ນ​ບັນ​ຊີ​ວ່າເປັນສານ​ກໍ່​ມະ​ເຮັງ ແມ່ຍິງ​ມີ​ລູກ​ທີ່​ຮັບປະທານ​ອາຫານ​ບັນ​ຈຸ​ໃນ​ກ່ອງ​ໂຟມ ລູກ​ມີ​ໂອ​ກາດ​ສະຫມອງ​ເສື່ອມ​ ອະໄວຍະວະ​ບາງ​ສ່ວນ​ພິ​ການ  ສ່ວນ​ຄົນ​ທົ່ວ​ໄປ​ຖ້າ​ຮັບປະທານ​ອາຫານ​ກ່ອງ​ໂຟມ​ທຸກ​ມື້ ມື້​ລະກ່ອງ ຕິດ​ຕໍ່​ກັນ​ເປັນ​ເວລາ 10 ປີ ຈະ​ມີ​ໂອ​ກາດ​ສ່ຽງ​ເປັນ​ມະ​ເຮັງ​ສູງ​ກວ່າ​ຄົນ​ປົກກະຕິ​ເຖິງ 6 ເທົ່າ
ທັງ​ນີ້ ຜູ້​ບະ​ຫລິ​ໂພກ​ມີ​ໂອ​ກາດ​ໄດ້ຮັບສານສະ​ໄຕ​ລີນ ໃນ​ກ່ອງ​ໂຟມ​ໄດ້​ງ່າຍ​ເຖິງ 5 ປັດ​ໄຈ​ໄດ້​ຄື:
1. ອຸນຫະພູມ​ທີ່​ຮ້ອນ​ຂຶ້ນ​ ຫລື ​ເຢັນ​ລົງ ເຮັດໃຫ້​ສະ​ໄຕ​ລີນ​ຊຶມ​ເຂົ້າ​ສູ່​ອາຫານ​ໄດ້​ສູງ
2. ຖ້າ​ປຸງ​ອາຫານ​ໂດຍ​ໃສ່​ນ້ຳ​ມັນ, ນ້ຳ​ສົ້ມ​ສາຍ​ຊູ​, ແອນ​ກໍ​ຮອລ໌ ຈະ​ດູດ​ສານສະ​ໄຕ​ລີນ ຈາກ​ກ່ອງ​ໂຟມ​ໄດ້​ຫລາຍກວ່າ​ປົກກະຕິ
3. ຖ້າ​ຊື້​ອາຫານ​ໃສ່​ກ່ອງ​ຖິ້ມ​ໄວ້​ດົນ​ໆ ບໍ່​ໄດ້​ຮັບປະທານ ອາຫານ​ຈະ​ດູດ​ສານສະ​ໄຕ​ລີນ ​ໄດ້​ຫລາຍ
4. ຖ້າ​ນຳ​ອາຫານ​ທີ່​ບັນ​ຈຸ​ໂຟມ​ເຂົ້າ​ໄມ​ໂຄ​ເວ​ຟ ສະ​ໄຕ​ລີນ​ຈະ​ໄຫລ​ອອກ​ມາ​ໃນ​ປະລິມານ​ຫລາຍ
         

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.