spot_img
Homeຂ່າວພາຍ​ໃນໄປສະນີໄທ ກວດພົບຢາອີ ມູນຄ່າຫຼາຍກວ່າ 50 ລ້ານບາດ ສົ່ງຈາກເຢຍລະມັນ ມາ ລາວ ຫໍ່ຊ້ອນໃນເມັດກາເຟ

ໄປສະນີໄທ ກວດພົບຢາອີ ມູນຄ່າຫຼາຍກວ່າ 50 ລ້ານບາດ ສົ່ງຈາກເຢຍລະມັນ ມາ ລາວ ຫໍ່ຊ້ອນໃນເມັດກາເຟ

Published on

ວັນທີ 10 ມັງກອນ 2022 ເວລາ 15:00 ທີ່ຈຸດກວດສອບໄປສະນີ ຢູ່ທີ່ສູນໄປສະນີກຸງເທບ, ຫ້ອງການພາສີກຸງເທບ ໄດ້ມີຖະແຫຼງຂ່າວ ການກວດຍຶດຢາເສບຕິດທີ່ໃຫ້ໂທດປະເພດ 1 ຄື ຢາເສບຕິດປະເພດ ເອັກຕາຊີ (Xtacy) ຫຼື ຢາອີ ໂດຍນໍາເຂົ້າມາຈາກປະເທດເຢຍລະມັນ ເພື່ອຜ່ານແດນໄທມາຍັງ ສປປ. ລາວ ເຊິ່ງມີມູນຄ່າຫຼາຍກວ່າ 50 ລ້ານບາດ.

ທ່ານ ໄຊຍຸດ ຄໍາຄຸນ ທີ່ປຶກສາດ້ານການພັດທະນາລະບົບຄວບຄຸມພາສີ ຢູ່ໄທ ກ່າວວ່າ ຂະນະທີ່ເຈົ້າໜ້າທີ່ໄປສະນີກໍາລັງຄັດແຍກພັດສະດຸທີ່ກໍາລັງຈະຖືກສົ່ງລະຫວ່າງປະເທດ ໄປຍັງປາຍທາງ ກໍໄດ້ພົບກ່ອງພັດສະດຸຈໍານວນ 2 ກ່ອງ ເຊິ່ງສົ່ງມາຈາກປະເທດເຢຍລະມັນ ໄປຍັງປາຍທາງນັ້ນກໍຄື ສ.ປ.ປ ລາວ ໂດຍເຮັດໃຫ້ຄືກັບວ່າ ມັນແມ່ນຊັອກໂກແລັດ ແລະ ເມັດກາເຟ ແຕ່ຈາກການກວດສອບເອັກສະເລຈາກໜ້າຈໍຄອບພິວເຕີ ພົບວ່າມີຄວາມໜ້າສົງໄສ ຍ້ອນສິ່ງຂອງໃນກ່ອງມີການຊ້ອນທັບກັນ ຈຶ່ງທໍາການກວດສອບ ແລະ ແກະພັດສະດຸທັງ 2 ກ່ອງເພື່ອພິສູດ, ຜົນປາກົດວ່າ ເປັນຢາເສບຕິດປະເພດ 1 ຄື ເອັກຕາຊີ ຫຼື ຢາອີ ບັນຈຸຢູ່ໃນຖົງກາເຟສໍາເລັດຮູບ ແລະ ມີຖົງຊັອກໂກແລັດທັບໄວ້, ໂດຍທີ່ກ່ອງທໍາອິດມີຢາອີຢູ່ 7 ຖົງ ສ່ວນກ່ອງທີ 2 ມີຢາອີ 12 ຖົງ ລວມຈໍານວນທັງໝົດແມ່ນ 50,290 ເມັດ, ນໍ້າໜັກ 23 ກິໂລກຣັມ ມີມູນຄ່າປະມານ 50 ລ້ານບາດ (ປະມານ 17,5 ຕື້ ກີບ).

ເຊື່ອວ່າ ບຸກຄົນນໍາສົ່ງເປັນຄົນດຽວກັນ ໂດຍປາຍທາງເປັນບຸກຄົນໃນ ລາວ ເອງ, ສໍາລັບສິນຄ້າທັງ 2 ກ່ອງນີ້ ເປັນຜະລິດຕະພັນທີ່ສົ່ງຜ່ານທາງເຮືອ ຈຶ່ງເຮັດໃຫ້ສິນຄ້າທັງ 2 ກ່ອງ ຕ້ອງຜ່ານການຄັດແຍກຈາກໄທ ກ່ອນສົ່ງຕໍ່ມາຍັງ ສປປ. ລາວ ເຊິ່ງເປັນຄັ້ງທໍາອິດທີ່ກວດພົບຢາເສບຕິດໃນພັດສະດຸລະຫວ່າງປະເທດ.

ໂດຍຫຼັງຈາກນີ້, ທາງການໄທ ຈະປະສານໄປຍັງໜ່ວຍງານທີ່ກ່ຽວຂ້ອງ ລວມເຖິງປະເທດຕົ້ນທາງ ແລະ ປາຍທາງ ເພື່ອດໍາເນີນການສືບສວນ ຈັບກຸມຂະບວນຄ້າຢາເສບຕິດຂ້າມຊາດລາຍນີ້ຕໍ່ໄປ.

ຂໍ້ມູນຈາກ: mgronline

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...