spot_img
Homeຂ່າວພາຍ​ໃນໂປແລນ ປະເທດທຳອິດຂອງນາໂຕ້ທີ່ສົ່ງເຮືອບິນຂັບໄລ່ຊ່ວຍຢູເຄຣນ

ໂປແລນ ປະເທດທຳອິດຂອງນາໂຕ້ທີ່ສົ່ງເຮືອບິນຂັບໄລ່ຊ່ວຍຢູເຄຣນ

Published on

ໂປແລນປະກາດສົ່ງເຮືອບິນຂັບໄລ່ Mig-29 ປະມານ 12 ລຳ ໄປຊ່ວຍຢູເຄຣນ ນີ້ແມ່ນປະເທດທຳອິດຂອງນາໂຕ້ທີ່ສົ່ງເຮືອບິນຮົບໄປຊ່ວຍຢູເຄຣນ.

ອ້າງອີງຕາມສຳນັກຂ່າວ ABC Australia News ໄດ້ລາຍງານວ່າ: ວັນທີ 16 ມີນາ 2023 ທ່ານ ອັນແຊ ດູລາ (Andrzej Duda) ປະທານາທິບໍດີໂປແລນ ກ່າວວ່າ ຈະສົ່ງມອບ ເຮືອບິນຂັບໄລ່ Mig-29 ທີ່ຜະລິດໂດຍໂຊວຽດ ຈຳນວນ 4 ລຳ ແລະ ສ່ວນທີ່ເຫຼືອຈະໄດ້ຈັດສົ່ງໃນພາຍຫຼັງ.

ນອກຈາກໂປແລນຈະເປັນປະເທດທຳອິດຂອງນາໂຕທີ່ສົ່ງເຮືອບິນຮົບໃຫ້ກັບຢູເຄຣນ ແລະ ຍັງເປັນປະເທດທຳອິດຂອງນາໂຕ້ທີ່ຈັດຫາລົດຖັງ Leopard 2 ທີ່ຜະລິດໃນເຢຍລະມັນໃຫ້ກັບຢູເຄຣນອີກດ້ວຍ ໂດຍປະທານາທິບໍດີໂປແລນບໍ່ໄດ້ບອກວ່າປະເທດອື່ນໆຈະເຮັດຕາມ ແຕ່ວ່າກໍມີປະເທດສະໂລມາເກຍວ່າຈະສົ່ງເຮືອບິນ MiGs ໃຫ້ກັບຢູເຄຣນ.

ທັງໂປແລນ ແລະ ສະໂລວາເກຍ ລະບຸວ່າ ພວກເຂົາພ້ອມທີ່ຈະສົ່ງມອບເຮືອບິນຂອງຕົນ ນີ້ແມ່ນພຽງສ່ວນໜຶ່ງຂອງກຸ່ມພັນທະມິດລະຫວ່າງປະເທດ.

ກ່ອນການຮຸກຮານຂອງຣັດເຊຍ ຢູເຄຣນໄດ້ມີເຮືອບິນ Mig-29 ຈຳນວນຫຼາຍລຳທີ່ຍັງສືບທອດຕໍ່ກັນມາໃນຊ່ວງການລົ່ມສະຫຼາຍຂອງໂຊວຽດ ແຕ່ຍັງບໍ່ມີການລາຍງານຢ່າງຊັດເຈນວ່າ ມີຈັກລຳທີ່ປະຈຳການຢູ່ຫຼັງຈາກມີສົງຄາມມາ 1 ປີແລ້ວ.

ທ່ານ ໂວໂລດີເມຍ ເຊເລນສະກີ ປະທານາທິບໍດີ ໃຫ້ຮ້ອງຂໍໃຫ້ຜູ້ສະໜັບສະໜູນ ກໍຄືບັນດາປະເທດຕາເວັນຕົກ ແບ່ງປັນເຮືອບິນຮົບໃຫ້ແກ່ຢູເຄຣນຫຼາຍຂຶ້ນເລື່ອຍໆ.

ໂປແລນໄດ້ໃຫ້ການສະໜັບສະໜູນຊ່ວຍເຫຼືອທີ່ສຳຄັນຂອງຢູເຄຣນໃນຊ່ວງສົງຄາມ ເປັນບ່ອນພັກຂອງທະຫານອາເມຣິກາຫຼາຍພັນຄົນ ແລະ ໃນຊ່ວງການອົບພະຍົບຂອງຜູ້ລີ້ໄພ ໂປແລນກໍຮັບປະຊາຊົນຢູເຄຣນມາຫຼາຍກວ່າປະເທດອື່ນໆ.

ບາງປະເທດໃນເອີຣົບກາງ ທີ່ເຄີຍໄປຮຸກຮານ ແລະ ຍຶດຄອງຣັດເຊຍມາຫຼາຍສັດຕະວັດແລ້ວ ກໍຍັງຢ້ານຣັດເຊຍ ເຖິງວ່າຈະເປັນສະມາຊິດຂອງນາໂຕ້ກໍຕາມ.

ບົດຄວາມຫຼ້າສຸດ

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...