spot_img
Homeຂ່າວທ້ອງຖິ່ນໂຕເລກເສດຖະກິດນະຄອນຫຼວງຂະຫຍາຍໂຕຫຼຸດແຜນ 3,2%

ໂຕເລກເສດຖະກິດນະຄອນຫຼວງຂະຫຍາຍໂຕຫຼຸດແຜນ 3,2%

Published on

ໜັງສືພິມວຽງຈັນທາມ ລາຍງານໃຫ້ຮູ້ວ່າເຈົ້າຄອງນະຄອນຫຼວງວຽງຈັນ (ນວ) ແຈ້ງໃຫ້ຮູ້ວ່າ: ໂຕເລກເສດຖະກິດ ຢູ່ ນວ ຂະຫຍາຍໂຕຫຼຸດແຜນ 3,2% ຍ້ອນໄດ້ຮັບຜົນກະທົບຈາກການລະບາດຂອງພະຍາດ COVID-19 ເຊິ່ງຂະຫຍາຍຕົວພຽງ 6,3%, ຕາມຄາດໜາຍທີ່ວາງໄວ້ແມ່ນ 9,5%.

ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ໄດ້ສະເໜີປັບບາງຕົວເລກຄາດໝາຍຂອງແຜນພັດທະນາເສດຖະກິດ-ສັງຄົມປະຈໍາປີ 2020 ຕໍ່ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນນະຄອນຫຼວງວຽງຈັນຊຸດທີ I ທີ່ໄດ້ຈັດຂື້ນມື້ວານນີ້ວ່າ: ເພື່ອໃຫ້ສອດຄ່ອງກັບຄວາມເປັນຈິງ, ອົງການປົກຄອງ ນວ ໄດ້ສະເໜີຂໍດັດແກ້ຕົວເລກອັດຕາການເຕີບໂຕ ຂອງເສດຖະກິດ (GDP) ຈາກແຜນການທີ່ສະພາປະຊາຊົນນະຄອນຫຼວງວຽງຈັນ ຈາກ 54.080 ຕື້ກີບ ມາເປັນ 52.​509 ຕື້ກີບ, ດັດແກ້ ຕົວເລກ (GDP) ສະເລ່ຍຕໍ່ຫົວຄົນ ຈາກ 6.120 ໂດລາ ມາເປັນ 6.004 ໂດລາ, ດັດແກ້ອັດຕາເພີ່ມຂອງຂະແໜງກະສິກໍາ-ປ່າໄມ້ຈາກ 4,5% ລົງມາເປັນ 3,2%, ດັດແກ້ອັດຕາເພີ່ມຂອງຂະແໜງອຸດສາຫະກໍາ ຈາກ 12,5% ລົງມາເປັນ 7,8%, ດັດແກ້ອັດຕາເພີ່ມຂອງ ຂະແໜງການບໍລິການ (ລວມທັງພາສີ-ອາກອນຜະລິດ ຕະພັນສຸດທິ) ຈາກ 10% ລົງມາເປັນ 5,1%.

ທ່ານ ສິນລະວົງ ໄດ້ສະເໜີຕື່ມອີກວ່າ:  ນອກນັ້ນຍັງຈະດັດແກ້ຫຼຸດແຜນລາຍຮັບ ຕາມແຜນສະພາປະຊາຊົນ ນະຄອນຫຼວງວຽງ ຈັນ ຮັບຮອງ ຈາກ 5.245,78 ຕື້ກີບ ມາເປັນ 4.044,46 ຕື້ກີບ (ຫຼຸດລົງ 1.201,32 ຕື້ກີບ), ດັດແກ້ຫຼຸດແຜນລາຍຈ່າຍ ຂອງ ນວ ຕາມແຜນສະພາປະຊາຊົນນະຄອນຫຼວງວຽງຈັນ ຮັບຮອງ ຈາກ (702,15 ຕື້ກີບ) ມາເປັນ 669,84 ຕື້ກີບ (ຫຼຸດລົງ 32,31 ຕື້ກີບ) ໃນນັ້ນ: ດັດແກ້ຫຼຸດລາຍຈ່າຍບໍລິຫານ ປົກກະຕິ ຈາກ 551,28 ຕື້ກີບ ມາເປັນ 549,35 ຕື້ກີບ (ຫຼຸດລົງ 1,93 ຕື້ກີບ) ແລະ ດັດແກ້ລາຍຈ່າຍໃນ ການລົງທຶນ ຈາກ 150,87 ຕື້ກີບ ມາເປັນ 120,49 ຕື້ກີບ (ຫຼຸດບ້ວງທຶນອື່ນໆລົງ 30,38 ຕື້ກີບ) ແລະ ອື່ນໆ.

 

ຮຽບຮຽງຂ່າວ: ພຸດສະດີ

 

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...