spot_img
Homeຂ່າວຕ່າງປະເທດໂດນັລ ທຣໍ້າ ກາຍເປັນປະທານາທິບໍ ດີຄົນທຳອິດທີ່ຖືກຍື່ນຖອດຖອນຈາກຕຳແໜ່ງເຖິງ 2 ຄັ້ງ

ໂດນັລ ທຣໍ້າ ກາຍເປັນປະທານາທິບໍ ດີຄົນທຳອິດທີ່ຖືກຍື່ນຖອດຖອນຈາກຕຳແໜ່ງເຖິງ 2 ຄັ້ງ

Published on

ສະມາຊິກສະພາຜູ້ແທນປະຊາຊົນສະຫະລັດ ມີມະຕິຕົກລົງຖອດຖອນປະທານາທິບໍດີ ໂດນັລ ທຣໍ້າ ອອກຈາກຕໍາແໜ່ງໃນຂໍ້ຫາສົ່ງເສີມໃຫ້ຜູ້ປະທ້ວງບຸກຫໍສະພາແຫ່ງຊາດ ເຮັດໃຫ້ທ່ານ ທຣໍ້າ ເປັນປະທານາທິ ບໍດີຄົນທຳອິດໃນປະຫວັດສາດຂອງອາເມລິກາທີ່ຖືກຍື່ນຖອດຖອນເຖິງ 2 ຄັ້ງ.

ສຳນັກຂ່າວ BBC ລາຍງານວ່າ ພັກເດໂມແຄດເລີ່ມຂະບວນການຖອດຖອນທ່ານ ທຣໍ້າ ເມື່ອວັນທີ 13 ມັງກອນ 2021 ໂດຍມີສະມາ ຊິກຂອງພັກຄຣີພັບລິກັນຂອງທ່ານ ທຣໍ້າ ເຂົ້າຮ່ວມຈຳນວນ 10 ຄົນ ພວກເຂົາກ່າວວ່າປະທານາທິບໍດີອາເມລິກາ ວ່າ ເປັນຜູ້ກະຕຸ້ນໃຫ້ເກີດການກະບົດໂດຍການປຸກປັ່ນໃຫ້ຜູ້ສະໜັບສະໜູນເຂົາບຸກເຂົ້າຫໍສະພາແຫ່ງຊາດໃນລະຫວ່າງທີ່ສະມາຊິກສະພາກຳລັງປະຊຸມເພື່ອຮັບຮອງໄຊຊະນະຂອງທ່ານ ໂຈ ໄບເດນ ເມື່ອວັນທີ 6 ມັງກອນ 2021 ທີ່ຜ່ານມາ ເຊິ່ງເຫດການດັ່ງກ່າວເຮັດໃຫ້ມີຜູ້ເສຍຊີວິດ 5 ຄົນ.

ຫຼັງຈາກການສົນທະນາຫຼາຍຊົ່ວໂມງ ໃນທີ່ສຸດສະມາຊິກສະພາໄດ້ຜ່ານມະຕິ 232-197 ເພື່ອປົດປະທາ ນາທິບໍດີ ທຣໍ້າ.

ເມື່ອສະພາຜູ້ແທນປະຊາຊົນລົງມະຕິຍື່ນຖອດຖອນເລື່ອງຈະຖືກສົ່ງຕໍ່ໄປທີ່ສະພາສູງເພື່ອຕັດສິນວ່າປະທານາທິບໍດີ ໂດນັລ ທຣໍ້າ ມີຄວາມຜິດ ຫຼື ບໍ່?

ຕາມກົດໝາຍລະບຸວ່າ ຕ້ອງມີສຽງຢ່າງໜ້ອຍ 2 ໃນ 3 ສຽງຂອງສະພາສູງຕັດສິນວ່າ ທ່ານ ທຣໍ້າ ມີຄວາມຜິດ ນັ້ນໝາຍຄວາມວ່າຕ້ອງມີສະມາຊິກອາວຸໂສພັກຄຣີພັບລິກັນຢ່າງໜ້ອຍ 17 ຄົນ ລົງມະຕິເອົາຄວາມຜິດກັບທ່ານ ທຣໍ້າ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...