spot_img
Homeຂ່າວທ້ອງຖິ່ນໂຄວິດ-19 ກະທົບແຮງງານລາວມີຜູ້ວ່າງງານເພີ່ມຂຶ້ນເກືອບ 63 ພັນຄົນ

ໂຄວິດ-19 ກະທົບແຮງງານລາວມີຜູ້ວ່າງງານເພີ່ມຂຶ້ນເກືອບ 63 ພັນຄົນ

Published on

ຕາມສະຖິຕິແຮງງານທີ່ກັບມາຈາກຕ່າງປະເທດ ແລະ ຜູ້ວ່າງງານເນື່ອງຈາກການໂຈະ ແລະ ປິດກິດຈະການຂອງຫົວໜ່ວຍແຮງງານພາຍໃນປະເທດໃຫ້ຮູ້ວ່າ; ຜູ້ອອກແຮງງານລາວເກືອບ62.999 ຄົນ, ຍິງ 32.000 ຄົນຖືກວ່າງງານ, ໃນນັ້ນວ່າງງານພາຍໃນປະເທດຈໍານວນ 5.832 ຄົນ, ກັບຈາກຕ່າງປະເທດ 50.389 ຄົນ ແລະບໍ່ບອກຂໍ້ມູນຈໍານວນ 7.778 ຄົນ. ທ່ານ ນາງ ໃບຄຳ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ) ກ່າວປະກອບຄໍາເຫັນເນື່ອງໃນໂອກາດວັນກໍາມະກອນ ສາກົນຄົບຮອບ135ປີ.(1/5/1886-1/5/2021).

ທ່ານລັດຖະມົນຕີໃຫ້ຮູ້ຕື່ມວ່າ: ປີ 2020 ກະຊວງຮຮສ ໄດ້ປະຕິບັດອຸດໜູນວ່າງງານໃຫ້ແກ່ຜູ້ອອກແຮງງານ ແລະຫົວໜ່ວຍແຮງງານ ທີ່ໄດ້ຮັບຜົນກະທົບຈາກໂຄວິດ-19 ຈໍານວນ 326 ຫົວໜ່ວຍແຮງງານ, ມີຜູ້ໄດ້ຮັບຜົນປະໂຫຍດຈໍານວນ 20.659 ຄົນ ຍິງ 13.270 ຄົນ, ເປັນເງິນ 18,93 ຕື້ກວ່າກີບ.

ນອກນັ້ນ,ກະຊວງ ຮຮສ ຍັງໄດ້ຊ່ວຍເຫຼືອແຮງງານລາວທີ່ກັບຄືນປະເທດຍ້ອນຜົນກະທົບໂຄວິດ-19 ໂດຍແຈກຢາຍອາຫານ ແລະເຄື່ອງດື່ມຢູ່ດ່ານຂົວມິດຕະພາບແຫ່ງທີ 1 ທີ່ນະຄອນຫຼວງວຽງຈັນ. ນອກນັ້ນຍັງໄດ້ຈັດກອງປະຊຸມປຶກສາຫາລື ເພື່ອຊ່ວຍແຮງງານທີ່ໄດ້ຮັບຜົນກະທົບໃຫ້ມີໂອກາດເຂົ້າສູ່ຕໍາແໜ່ງງານຕ່າງໆພາຍໃນ. ປີ 2020 ໄດ້ມອບເງິນ 100 ກວ່າລ້ານກີບໃຫ້ໜ່ວຍງານສະເພາະກິດນະຄອນຫຼວງວຽງຈັນ ແລະແຂວງຈໍາປາສັກ ເພື່ອຊ່ວຍເຫຼືອແຮງງານທີ່ກັບຄືນຈາກຕ່າງປະເທດ, ໄດ້ສົມທົບກັບອົງ ການແຮງງານສາກົນ (ILO) ແລະອົງການຈັດຕັ້ງສາກົນເພື່ອການເຄື່ອນຍ້າຍຖິ່ນຖານ (IOM), ມອບເຄື່ອງປ້ອງກັນພະຍາດໂຄວິດ-19, ເຄື່ອງໃຊ້ ແລະອາຫານແຫ້ງ ໃຫ້ແຮງງານຢູ່ສູນກັກກັນຕ່າງໆ ມູນຄ່າລວມຫຼາຍກວ່າ 600 ກວ່າລ້ານກີບ ແລະ ອື່ນໆ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...