spot_img
Homeຂ່າວຕ່າງປະເທດແຮງງານອິນເດຍນອນພັກເທິງລາງໂຊກຮ້າຍຖືກລົດໄຟຢຽບເສຍຊີວິດ 15 ຄົນ

ແຮງງານອິນເດຍນອນພັກເທິງລາງໂຊກຮ້າຍຖືກລົດໄຟຢຽບເສຍຊີວິດ 15 ຄົນ

Published on

ອີງຕາມການລາຍງານ ຈາກເວັບໄຊຂ່າວ komchadluek.net ໃຫ້ຮູ້ວ່າ ໂຄສົກສະຖານີລົດໄຟອິນເດຍລາຍງານວ່າມີຜູ້ເສຍຊີວິດ 15 ຄົນ ແລະ ຜູ້ໄດ້ຮັບບາດເຈັບ 5 ຄົນ ໃນນັ້ນບາດເຈັບສາຫັດ 2 ຄົນ ຈາກເຫດການຂະບວນລົດໄຟບັນທຸກນໍ້າມັນແລ່ນຢຽບພວກເຂົາໃນຂະນະທີ່ກຳລັງນອນຫຼັບເທິງລາງລົດໄຟ.

ອຸບັດເຫດດັ່ງກ່າວເກີດຂຶ້ນໃນຕອນເຊົ້າຂອງວັນທີ 5 ພຶດສະພາ 2020 ທີ່ຜ່ານມາ ໃນຂະນະທີ່ລົດໄຟບັນທຸກນໍ້າມັນຂະບວນນີ້ກຳລັງເດີນທາງຈາກສະຖານີລົດໄຟ ເຈລາປາລີ (Cherlapally) ໃນລັດເຕລັງຄານາ ທາງຕອນໃຕ້ຂອງປະເທດ ມຸ່ງໜ້າສູ່ລັດມະຫາຣາຊ.

ຕາມການລາຍງານຈາກສື່ທ້ອງຖິ່ນ ຜູ້ປະສົບເຄາະຮ້າຍເຫຼົ່ານີ້ເປັນແຮງງານຕ່າງຖິ່ນທີ່ເດີນທາງມາຈາກລັດມັດທະຍະປະເທດ ທາງຕອນກາງຂອງອິນເດຍ.

ເຈົ້າໜ້າທີ່ຕຳຫຼວດໄດ້ກ່າວກັບສື່ທ້ອງຖິ່ນວ່າ “ເນື່ອງຈາກມາດຕະການປິດເມືອງທົ່ວປະເທດໃນອິນເດຍ ເຮັດໃຫ້ແຮງງານເຫຼົ່ານີ້ຕ້ອງພາກັນຍ່າງກັບບ້ານເກີດ ແຕ່ຮູ້ສຶກໝົດແຮງລະຫວ່າງທາງ ຈຶ່ງຕັດສິນໃຈນອນພັກຢູ່ເທິງລາງລົດໄຟ”

ທາງດ້ານເຈົ້າໜ້າທີ່ປະຊາສຳພັນຂອງສະຖານີລົດໄຟ ໄດ້ລະບຸວ່າ ຜູ້ໄດ້ຮັບບາດເຈັບຖືກນຳຕົວສົ່ງໄປທີ່ໂຮງໝໍລັດໃນເມືອງ ອໍຣັງຄາບັດ ຂອງລັດມາຫາຣາຊແລ້ວ. ສ່ວນນາຍົກລັດຖະມົນຕີກະຊວງການລົດໄຟ ກໍ່ໄດ້ອອກມາທະວິດຂໍ້ຄວາມ ສະແດງຄວາມເສຍໃຈຢ່າງຍິ່ງຕໍ່ການສູນເສຍຄັ້ງນີ ແລະ ເຂົາກຳລັງຕິດຕາມສະຖານະການຢ່າງໃກ້ຊິດ ພ້ອມກຳລັງຄົ້ນຄວ້າເພື່ອໃຫ້ການຊ່ວຍເຫຼືອເທົ່າທີ່ສາມາດເຮັດໄດ້.

 

ຮຽບຮຽງຂ່າວ: ພຸດສະດີ 

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...