spot_img
Homeຂ່າວຕ່າງປະເທດແຮງງານມຽນມາຢູ່ລາວເດີນທາງກັບປະເທດ ແລະ ໄດ້ກວດພົບເຊື້ອໂຄວິດ-19

ແຮງງານມຽນມາຢູ່ລາວເດີນທາງກັບປະເທດ ແລະ ໄດ້ກວດພົບເຊື້ອໂຄວິດ-19

Published on

ວັນທີ 26 ສິງຫາ 2021 ເວັບໄຊ Eleven ລາຍງານ: ແຮງງານມຽນມາຈຳນວນ 2,132 ຄົນທີ່ເຮັດວຽກຢູ່ເຂດເສດຖະກິດພິເສດສາມຫຼ່ຽມທອງຄໍາ, ເມືອງຕົ້ນເຜິ້ງ ແຂວງບໍ່ແກ້ວ ໄດ້ເດີນທາງກັບຄືນປະເທດຜ່ານເມືອງທ່າຂີ້ເຫຼັກ ຂອງປະເທດມຽນມາໃນຊ່ວງທ້າຍເດືອນກໍລະກົດ ຫາເດືອນສິງຫາ ໃນນັ້ນ, ມີ 196 ຄົນ ກວດພົບຕິດເຊື້ອໂຄວິດ-19.

ເນື່ອງຈາກແຮງງານມຽນມາປະສົບບັນຫາການຈ້າງງານໃນເຂດເສດຖະກິດພິເສດສາມຫຼ່ຽມທອງຄຳ ຍ້ອນການລະບາດຂອງພະຍາດໂຄວິດ-19ຮອບໃໝ່, ເຮັດໃຫ້ພວກເຂົາຕັດສິນໃຈກັບຄືນປະເທດ ຕັ້ງແຕ່ວັນທີ 30 ກໍລະກົດ – 24 ສິງຫາ 2021, ຂະນະທີ່ທາງການມຽນມາ ກໍໄດ້ຕົກລົງເຫັນດີໃນການຮັບເອົາພົນລະເມືອງຂອງຕົນກັບຄືນປະເທດ ພາຍໃຕ້ການປະຕິບັດຕາມມາດຕະການປ້ອງກັນ ແລະ ສະກັດກັ້ນພະຍາດໂຄວິດ-19.

ຄະນະກໍາມະການປ້ອງກັນ, ຄວບຄຸມ ແລະ ປິ່ນປົວພະຍາດ ໂຄວິດ-19 ຂອງເມືອງ ທ່າຂີ້ເຫຼັກຂອງມຽນມາ ໄດ້ດໍາເນີນການກວດສຸຂະພາບໃຫ້ກັບແຮງງານດັ່ງກ່າວນັບແຕ່ຕົ້ນເດືອນສິງຫາເປັນຕົ້ນມາ. ໃນນັ້ນ, ມີແຮງງານຈຳນວນ 196 ຄົນ ກວດພົບເຊື້ອພະຍາດໂຄວິດ-19.

ຢ່າງໃດກໍຕາມ, ປັດຈຸບັນບັນດາຜູປ່ວຍພະຍາດໂຄວິດເຫຼົ່ານັ້ນກຳລັງໄດ້ຮັບການປິ່ນປົວຮັກສາທີ່ເມືອງທ່າຂີ້ເຫຼັກ ສ່ວນແຮງງານທີ່ປອດເຊື້ອທີ່ເຫຼືອແມ່ນຖືກຈັດສົ່ງກັບຄືນບ້ານເກີດ ແຕ່ກໍຍັງແຮງງານມຽນມາອີກຫຼາຍພັນຄົນທີ່ຍັງຕົກຄ້າງຢູ່ລາວ ແລະ ຕ້ອງການເດີນທາງກັບຄືນປະເທດບ້ານເກີດ ເຊິ່ງທາງເຈົ້າໜ້າທີ່ທັງສອງປະເທດຈະໄດ້ຈັດຕັ້ງປະຕິບັດໂຄງການຮັບ-ສົ່ງບັນດາແຮງງານດັ່ງກ່າວຕາມຄວາມຕ້ອງການຂອງພວກເຂົາເຈົ້າ.

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...