spot_img
Homeສຸຂະພາບ ແລະ ສີ່ງແວດລ້ອມແພດ-ໝໍຈາກໂຮງໝໍເສດຖາທິຣາດ ກວດສຸຂະພາບໃຫ້ຜູ້ອາຍຸສູງ ໂດຍບໍ່ເສຍຄ່າ ປະຈໍາປີ 2016

ແພດ-ໝໍຈາກໂຮງໝໍເສດຖາທິຣາດ ກວດສຸຂະພາບໃຫ້ຜູ້ອາຍຸສູງ ໂດຍບໍ່ເສຍຄ່າ ປະຈໍາປີ 2016

Published on

ຄະນະອໍານວຍການ ໂຮງໝໍເສດຖາທິຣາດ ຮ່ວມກັບ ກະຊວງແຮງງານ ແລະ ສະຫວັດີການສັງຄົມ ດ້ວຍການອຸປະຖໍາຈາກ ບໍລິສັດວຽງທອງການຢາ ຜູ້ນໍາເຂົ້າຜະລິດຕະພັນນົມເສີມເພື່ອສຸຂະພາບ ອາເປຕອນ (APPETON) ໃນມູນຄ່າຫຼາຍກວ່າ 60 ລ້ານກີບ ໄດ້ຈັດກິດຈະກໍາກວດສຸຂະພາບໂດຍບໍ່ເສຍຄ່າ ໃຫ້ຜູ້ອາຍຸສູງ ປະຈໍາປີ 2016 ເພື່ອສະເຫຼີມສະຫຼອງວັນສາກົນຜູ້ອາຍຸສູງ ວັນທີ 01 ຕຸລາ ທີ່ໄດ້ໝູນວຽນມາຄົບຮອບອີກວາລະນຶ່ງ.

ກິດຈະກໍາດັ່ງກ່າວ ໄດ້ຈັດຂຶ້ນໃນຕອນເຊົ້າວັນທີ 12 ຕຸລາ 2016 ທີ່ສູນການຄ້າ ລາວ-ໄອເຕັກ ນະຄອນຫຼວງວຽງຈັນ ໂດຍການເປັນປະທານຮ່ວມຂອງ ທ່ານ ຮສຈ. ດຣ. ຄໍາເປ ພົງສະຫວັດ ຜູ້ອໍານວຍການໂຮງໝໍເຊດຖາທິຣາດ ທ່ານ ແສງອາລຸນ ຫຼວງລາດ ຮອງເລຂາຄະນະກໍາມາທິການແຫ່ງຊາດ ເພື່ອຄົນພິການ ແລະ ຜູ້ອາຍຸສູງ ກະຊວງແຮງານ ແລະ ສະຫວັດດີການ-ສັງຄົມ ທ່ານ ນາງ ລໍາພອຍ ສີອັກຄະຈັນ ຫົວໜ້າພະແນກແຮງງານ ແລະ ສະຫວັດດີການ-ສັງຄົມ ນະຄອນຫລວງວຽງຈັນ ທ່ານ ທອງເພື່ອນ ຂັນຕິວົງ ປະທານບໍລິສັດວຽງທອງການຢາ ມີບັນດາຊ່ຽວຊານ ພະນັກງານແພດໝໍ ແລະ ພາກສ່ວນທີ່ກ່ຽວຂ້ອງ ພ້ອມດ້ວຍພໍ່ແມ່ປະຊາຊົນຜູ້ອາຍຸສູງເຂົ້າຮ່ວມຫຼາຍກວ່າ 1.000 ຄົນ.

ທ່ານອໍານວຍການໂຮງໝໍເສດຖາທິຣາດ ໄດ້ກ່າວວ່າ ການຈັດກິດຈະກໍາກວດສຸຂະພາບຜູ້ອາຍຸສູງໃນຄັ້ງນີ້ ຖືເປັນປີທີ 6 ເພື່ອເປັນການປຸກລະດົມປະຊາຊົນລາວບັນດາເຜົ່າ ໂດຍສະເພາະແມ່ນພະນັກງານອາວຸໂສ ພະນັກງານການນໍາອາວຸໂສບໍານານ ທະຫານ ຕໍາຫຼວດ ແລະ ປະຊາຊົນທົ່ວໄປ ໄດ້ເຂົ້າເຖິງການບໍລິການຂອງແພດໝໍຢ່າງທົ່ວເຖິງ ເຊິ່ງຜູ້ເຂົ້າຮ່ວມງານແມ່ນໄດ້ຮັບການກວດສຸຂະພາບໂດຍບໍ່ເສຍຄ່າ ເພື່ອຊອກຫາພະຍາດຕ່າງໆເຊັ່ນ ພະຍາດຄວາມດັນເລືອດສູງ ແລະ ແທກຮອບແອວ ເພື່ອຊອກຫາ-ປະເມີນພະຍາດອ້ວນ ພະຍາດຫອບຫືດ ພະຍາດມະເຮັງ ພະຍາດເບົາຫວານ ພະຍາດຫົວໃຈ-ຫຼອດເລືອດ ພະຍາດກະດູກຜ່ອຍ ການກວດສຸຂະພາບຕາ ແລະ ອື່ນໆ ພ້ອມທັງຮັບຟັງການບັນຍາຍຈາກຊ່ຽວຊານ ວິຊາການກ່ຽວກັບວິທີການປິ່ນປົວ ແລະ ປ້ອງກັນພະຍາດບໍ່ຕິດຕໍ່ ໂດຍສະເພາະແມ່ນພະຍາດເບົາຫວານ ການປ້ອງກັນພະຍາດຫົວໃຈວາຍກະທັນຫັນ ການປ້ອງກັນການເກີດເປັນພະຍາດອໍາມະພາດ ອໍາມະພຶກ ແລະ ຮຽນຮູ້ວິທີປ້ອງກັນ ວິທີຄວບຄຸມບາງພະຍາດທີ່ບໍ່ຕິດຕໍ່ ເຊິ່ງອາດຈະແອບແຝງຢູ່ໃນກຸ່ມຜູ້ອາຍຸສູງ ອີກທັງໄດ້ຮັບຟັງການແນະນໍາຈາກທີມງານແພດ ພະຍາບານທີ່ມີປະສົບການ ຈາກໂຮງໝໍເສດຖາທິຣາດ ໃນການເລືອກຮັບປະທານອາຫານທີ່ມີປະໂຫຍດຕໍ່ຮ່າງກາຍ ແລະ ການອອກກໍາລັງກາຍທີ່ປອດໄພ ເຊິ່ງຕະຫຼອດໄລຍະຂອງການຈັດກິດຈະກໍາດັ່ງກ່າວ ຜູ້ເຂົ້າຮ່ວມງານຍັງໄດ້ຮັບອາຫານວ່າງ ແລະ ເຄື່ອງດື່ມເພື່ອສູຂະພາບ ໂດຍບໍ່ເສຍຄ່າ ແລະ ຍັງໄດ້ແຂ່ງຂັນຖາມ-ຕອບວິທະຍາສາດກ່ຽວກັບການຮັກສາສຸຂະພາບ ແລະ ການປ້ອງກັນພະຍາດຕາມລະດູການ ທີ່ອາດຈະເກີດຂຶ້ນ ເພື່ອຮັບລາງວັນຈາກທາງຄະນະກໍາມະການຈັດງານອີກດ້ວຍ.

 

ແຫລ່ງຂ່າວ:

ວຈທດ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...