spot_img
Homeຂ່າວພາຍ​ໃນແຜນຟື້ນຟູການສ້າງເຮືອນໃຫ້ປະຊາຊົນຢູ່ເມືອງສະໜາມໄຊ 700 ຫຼັງ

ແຜນຟື້ນຟູການສ້າງເຮືອນໃຫ້ປະຊາຊົນຢູ່ເມືອງສະໜາມໄຊ 700 ຫຼັງ

Published on

ແຜນຟື້ນຟູຜົນກະທົບຈາກໄພພິບັດ ຢູ່ເມືອງສະໜາມໄຊ, ບໍລິສັດຜູ້ພັດທະນາໂຄງການ PNPC ໄດ້ຊົດເຊີຍຜົນເສຍຫາຍເປັນເງິນທັງໝົດ 828 ຕື້ກວ່າກີບ, ເຈົ້າແຂວງອັດຕະປື ເປີດເຜີຍການສ້າງເຮືອນໃຫ້ປະຊາຊົນຢູ່ເມືອງສະໜາມໄຊ 700 ຫຼັງ ຍັງບໍ່ທັນແລ້ວຄາດວ່າທ້າຍປີນີ້ຈະໃຫ້ສໍາເລັດ.

6 ເດືອນຕົ້ນປີ 2022 ແຂວງອັດຕະປື ອັດຕາຂະຫຍາຍຕົວລວມຍອດຜະລິດຕະພັນພາຍໃນ (GDP) ຢູ່ໃນລດັບ 3,3%, ສາມາດຈັດເກັບລາຍຮັບໄດ້ທັງທົດ 129 ຕື້ກີບ. ຂະນະທີ່ການກໍ່ສ້າງເຮືອນໃຫ້ແກ່ປະຊາຊົນຢູ່ເມືອງສະໜາມໄຊ ຈຳນວນ 700 ຫຼັງ ຈະໃຫ້ສຳເລັດໃນທ້າຍປີນີ້.

ທ່ານ ເລັດ ໄຊຍະພອນ, ເຈົ້າແຂວງອັດຕະປື ໄດ້ເປີດເຜີຍຕໍ່ສື່ມວນຊົນໃນວັນທີ 22 ກໍລະກົດ ຜ່ານມາໃຫ້ຮູ້ວ່າ: ໃນໄລຍະ 6 ເດືອນຕົ້ນປີ 2022 ເສດຖະກິດຂອງແຂວງອັດຕະປືຂະຫຍາຍຕົວ ຢູ່ໃນລະດັບ 3,3%, ລວມຍອດຜະລິດຕະພັນພາຍໃນ ສະເລ່ຍຕໍ່ຫົວຄົນ ບັນລຸ 15,15 ລ້ານກີບ.

ນອກຈາກນີ້, ຍັງສາມາດຈັດເກັບລາຍຮັບໄດ້ທັງໝົດ 129 ຕື້ກວ່າກີບ ເທົ່າກັບ 80% ຂອງແຜນການປີ, ລາຍຈ່າຍປະຕິບັດໄດ້ 147 ຕື້ກວ່າກີບ ເທົ່າກັບ 46% ຂອງແຜນການປີ, ມູນຄ່າການສົ່ງອອກ ປະຕິບັດໄດ້ 68 ລ້ານກວ່າໂດລາ ເທົ່າກັບ 41% ຂອງແຜນການປີ, ແຜນປູກເຂົ້ານາປີ ໃນເນື້ອທີ່ 24.990 ເຮັກຕາ ມາຮອດປັດຈຸບັນແມ່ນຕົກກ້າສຳເລັດ 100%, ປັກດຳສຳເລັດແລ້ວກວ່າ 70% ຄາດວ່າກາງເດືອນສິງຫານີ້ ຈະປັກດຳສຳເລັດ 100%.
ທ່ານໃຫ້ຮູ້ຕື່ມວ່າ: ສຳລັບແຜນຟື້ນຟູຜົນກະທົບຈາກໄພພິບັດ ຢູ່ເມືອງສະໜາມໄຊ, ບໍລິສັດຜູ້ພັດທະນາໂຄງການ PNPC ໄດ້ຊົດເຊີຍຜົນເສຍຫາຍເປັນເງິນທັງໝົດ 828 ຕື້ກວ່າກີບ ທຶນຈຳນວນດັ່ງກ່າວແມ່ນໄດ້ນຳໃຊ້ເຂົ້າໃນການກໍ່ສ້າງພື້ນຖານໂຄງລ່າງ ເພື່ອຟື້ນຟູຊີວິດການເປັນຢູ່ຂອງປະຊາຊົນເປັນຕົ້ນ ກໍ່ສ້າງຖະໜົນຫົນທາງ, ໄຟຟ້າ-ນໍ້າປະປາ, ໂຮງຮຽນ, ໂຮງໝໍ, ກໍ່ສ້າງເຮືອນ ຈຳນວນ 700 ຫຼັງ, ໂຄງການປູກຝັງ-ລ້ຽງສັດ, ຊົນລະປະທານ ຕິດພັນກັບການສ້າງວຽກເຮັດງານທຳໃຫ້ແກ່ປະຊາຊົນ, ສັງລວມແລ້ວການຈັດຕັ້ງປະຕິບັດວຽກງານຟື້ນຟູໄພພິບັດຢູ່ເມືອງສະໜາມໄຊ ເຫັນວ່າມີຜົນສຳເລັດດີພໍສົມຄວນ ປັດຈຸບັນແມ່ນເລັ່ງໃສ່ໂຄງການກໍ່ສ້າງເຮືອນ 700 ຫຼັງ ໃຫ້ສຳເລັດຕາມແຜນການທີ່ວາງໄວ້ຄືທ້າຍປີນີ້ ໃຫ້ສຳເລັດ 100%.

ແຫຼ່ງຂ່າວ: ປະຊາຊົນ

ບົດຄວາມຫຼ້າສຸດ

ຜູ້ນຳສະຫະລັດ ບັນລຸຂໍ້ຕົກລົງກັບຫວຽດນາມ ຈະເກັບພາສີສິນຄ້ານຳເຂົ້າຈາກຫວຽດນາມ 20%

ໂດນັລ ທຣຳ ຜູ້ນຳສະຫະລັດເປີດເຜີຍວ່າ ໄດ້ບັນລຸຂໍ້ຕົກລົງກັບຫວຽດນາມແລ້ວ ໂດຍສະຫະລັດຈະເກັບພາສີສິນຄ້ານຳເຂົ້າຈາກຫວຽດນາມ 20% ຂະນະທີ່ສິນຄ້າຈາກປະເທດທີ 3 ສົ່ງຜ່ານຫວຽດນາມຈະຖືກເກັບພາສີ 40% ສຳນັກຂ່າວບີບີຊີລາຍງານໃນວັນທີ 3 ກໍລະກົດ 2025 ນີ້ວ່າ:...

ປະຫວັດ ທ່ານ ສຸຣິຍະ ຈຶງຮຸ່ງເຮືອງກິດ ຮັກສາການນາຍົກລັດຖະມົນຕີ ແຫ່ງຣາຊະອານາຈັກໄທ

ທ່ານ ສຸຣິຍະ ຈຶງຮຸ່ງເຮືອງກິດ ຮັກສາການນາຍົກລັດຖະມົນຕີ ແຫ່ງຣາຊະອານາຈັກໄທ ສຳນັກຂ່າວຕ່າງປະເທດລາຍງານໃນວັນທີ 1 ກໍລະກົດ 2025, ພາຍຫຼັງສານລັດຖະທຳມະນູນຮັບຄຳຮ້ອງ ສະມາຊິກວຸດທິສະພາ ປະເມີນສະຖານະພາບ ທ່ານ ນາງ ແພທອງທານ...

ສານລັດຖະທຳມະນູນ ເຫັນດີຮັບຄຳຮ້ອງ ຢຸດການປະຕິບັດໜ້າທີ່ ຂອງ ທ່ານ ນາງ ແພທອງ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ເລີ່ມແຕ່ມື້ນີ້ເປັນຕົ້ນໄປ

ສານລັດຖະທຳມະນູນ ເຫັນດີຮັບຄຳຮ້ອງຢຸດການປະຕິບັດໜ້າທີ່ຂອງ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ຕັ້ງແຕ່ວັນທີ 1 ກໍລະກົດ 2025 ເປັນຕົ້ນໄປ. ອີງຕາມເວັບໄຊ້ຂ່າວ Channel News...

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...