spot_img
Homeຂ່າວພາຍ​ໃນແປກກວ່ານີ້ມີອີກບໍ່? ລັດທິອິນເດຍແນະນໍາຄົນດື່ມປັດສະວະງົວຕ້ານໄວຣັສ ເຜີຍຟ້າລົງໂທດຄົນກິນຊີ້ນ

ແປກກວ່ານີ້ມີອີກບໍ່? ລັດທິອິນເດຍແນະນໍາຄົນດື່ມປັດສະວະງົວຕ້ານໄວຣັສ ເຜີຍຟ້າລົງໂທດຄົນກິນຊີ້ນ

Published on

ອົງກອນໃນອິນເດຍທີ່ຊື່ວ່າ “ຮິນດູມາຫະສະພາ” ແນະນໍາການເອົາໂຕລອດຈາກໄວຣັສໂຄວິດ-19 ດ້ວຍວິທີການຈັດງານລ້ຽງດື່ມນໍ້າປັດສະວະຂອງງົວ ແລະ ກິນເຄັກຈາກຂີ້ງົວ.

ທ້າວ ຈັກຣາບນີ ມະຫາຣາດ ຕົວແທນຈາກຮິນດູມະຫາສະພາ ເຜີຍກັບສື່ອິນເດຍຊື່ ເດິ ພຣິ້ນ ວ່າ ການຈັດງານລ້ຽງດື່ມ ແລະ ກິນຜະລິດຕະພັນຈາກມູນງົວ ຈະເຮັດໃຫ້ຜູ້ຄົນພົ້ນຈາກໂລກໂຄວິດ-19 ໄດ້ ເຊິ່ງງານລ້ຽງທີ່ວ່ານີ້ ບໍ່ໄດ້ມີແຕ່ການດື່ມປັດສະວະຂອງງົວເທົ່ານັ້ນ ແຕ່ຍັງມີການສີດສະເປປັດສະວະງົວໃສ່ຜູ້ຮ່ວມງານພ້ອມ. ທ້າວ ຈັກຣາບນີ ກ່າວວ່າ “ຖ້າໃຊ້ວິທີນີ້ ໄວຣັສຕາຍແນ່ນອນ”.

ບໍ່ພຽງແຕ່ເທົ່ານັ້ນ ທ້າວ ຈັກຣາບນີ ຍັງບອກອີກວ່າ ຄົນທີ່ຮັບປະທານມັງສະວິລັດຢູ່ແລ້ວ ກໍຈະລອດພົ້ນຈາກໄວຣັສໂຄວິດ-19 ພ້ອມ ແຕ່ເພື່ອປ້ອງກັນແຕ່ດົນໆ ກໍແນະນໍາໃຫ້ດື່ມປັດສະວະງົວເຊັ່ນກັນ.

ທ້າວ ຈັກຣາບນີ້ ບອກອີກວ່າ ທີ່ຜ່ານ ອິນເດຍເກືອບບໍ່ພົບຜູ້ຕິດເຊື້ອໄວຣັສດັ່ງກ່າວເລີຍ ແຕ່ຫຼັງຈາກຜູ້ບໍລິຫານລັດເຕລັງການາ ເຊິ່ງຕັ້ງຢູ່ພາກກາງຂອງປະເທດ ຈັດງານສະແດງກິນຊີ້ນສັດ ເພື່ອໃຫ້ປະຊາຊົນໝັ້ນໃຈວ່າຊີ້ນສັດທີ່ປຸງສຸກແລ້ວ ບໍ່ມີເຊື້ອໄວຣັສ ກໍພົບວ່າຜູ້ຕິດເຊື້ອໃນອິນເດຍເພີ່ມສູງຂຶ້ນ ສາເຫດເປັນຍ້ອນສິ່ງສັກສິດສົ່ງໄວຣັສມາຊ່ວຍເຫຼືອສັດທັງຫຼາຍ ທີ່ຮ້ອງຂໍຄວາມຊ່ວຍເຫຼືອຕໍ່ທວຍເທບ.

ຢ່າງໃດກໍຕາມ ວິທີການເຫຼົ່ານີ້ຍັງບໍ່ມີຜົນຢືນຢັນທາງວິທະຍາສາດມາຮອງຮັບວ່າຊ່ວຍປ້ອງກັນໄວຣັສໂຄວິດ-19 ໄດ້ແທ້ ທັງຍັງອາດຈະເປັນອັນຕະລາຍຕໍ່ສຸຂະພາບຂອງຜູ້ຮັບປະທານອີກດ້ວຍ ຈຶ່ງແນະນໍາໃຫ້ໃຊ້ວິຈາລະນະຍານໃຫ້ຫຼາຍໆ.

ນອກຈາກນີ້, ການຈັດງານລ້ຽງດື່ມປັດສະວະ ແລະ ຮັບປະທານເຄັກມູນງົວ ເຊິ່ງເປັນການລວມຕົວຂອງຄົນຈໍານວນຫຼາຍນັ້ນ ອາດຈະເພີ່ມຄວາມສ່ຽງການແຜ່ກະຈາຍຂອງໄວຣັສໂຄວິດ-19 ອີກດ້ວຍ ຖ້າຫາກມີສະມາຊິກທີ່ຕິດໄວຣັສມາຮ່ວມ.

 

ຮຽບຮຽງໂດຍ: ລັດສະໝີ ພອນວິໄລ

ແຫຼ່ງຂ່າວ: Vice

 

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...