spot_img
Homeນານາສາລະແທ້ ຫຼື ບໍ່? ປະທານາທິບໍດີລັດເຊຍ ກັບ ທ່ານນາຍົກທອງລຸນເປັນໝູ່ກັນສະໄໝຮຽນ

ແທ້ ຫຼື ບໍ່? ປະທານາທິບໍດີລັດເຊຍ ກັບ ທ່ານນາຍົກທອງລຸນເປັນໝູ່ກັນສະໄໝຮຽນ

Published on

ສຳນັກຂ່າວ TASS ເປີດເຜີຍວ່າ ຖືເປັນການພົບກັນຢ່າງເປັນທາງການຄັ້ງທຳອິດລະຫວ່າງການນຳລະດັບສູງ 2 ປະເທດ ລັດເຊຍ-ລາວ ໃນກອງປະຊຸມສຸດຍອດລັດເຊຍອາຊຽນ ເມື່ອກາງເດືອນພຶດສະພາທີ່ຜ່ານມາ. ເຊິ່ງນາຍົກທອງລຸນ ກໍໄດ້ມີໂອກາດເຂົ້າພົບທ່ານວາລາດິເມຍ ປູຕິນ ປະທານາທິບໍດີລັດເຊຍ ທັງສອງໄດ້ໂອ້ລົມກັນຢ່າງສະໜິດສະໜົມເປັນພາສາລັດເຊຍ. ທ່ານປູຕິນຍັງກ່າວອີກ ຮູ້ຈັກຜູ້ນຳລາວໃນຖານະ ເພື່ອນທີ່ດີຜູ້ໜຶ່ງ ແລະທັງສອງເຄີຍຮຽນໃນໄລຍະເວລາດຽວກັນ ທີ່ບ້ານເກີດຂອງທ່ານປູຕິນ ນັ້ນກໍຄືເມືອງເລນິນກຣາດ. ເຊິ່ງຄວາມຈິງແລ້ວທ່ານທອງລຸນເອງກໍເຄີຍໄປສຶກສາທີ່ສະຫະພາບໂຊວຽດເປັນເວລາ 10ກວ່າປີ ທັງ ປ.ໂທສາຂາພາສາສາດ-ວັນນະຄະດີ (ທີ່ເມືອງເລນິນກຣາດ) ແລະ ປ.ເອກສາຂາປະຫວັດສາດຄວາມສຳພັນລະຫວ່າງປະເທດ (ທີ່ນະຄອນຫຼວງມົດສະກູ). ເນື່ອງໃນໂອກາດປີນີ້ ສາຍພົວພັນທາງການທູດລາວ-ລັດເຊຍກໍໄດ້ຄົບຮອບ 55ປີ ຖືເປັນນິມິດໝາຍອັນດີແຫ່ງການຮ່ວມມືກັນລະຫວ່າງສອງປະເທດທີ່ມີປະຫວັດສາດຍາວນານ ແລະ ລັດເຊຍກໍໄດ້ມີການຊ່ວຍເຫຼືອປະເທດລາວດ້ວຍດີຕະຫຼອດມາຕັ້ງແຕ່ສະໄໝສະຫະພາບໂຊວຽດ. ແຕ່ກໍໜ້າເສຍດາຍທີ່ກອງປະຊຸມສຸດຍອດອາຊຽນທີ່ລາວໄດ້ເປັນເຈົ້າພາບຄັ້ງນີ້ ທ່ານ ປູຕິນບໍ່ໄດ້ມາຮ່ວມ ແຕ່ສົ່ງນາຍົກລັດຖະມົນຕີມາເປັນຕົວແທນ ຕ້ອງລໍຟັງໂອກາດຕໍ່ໆໄປ.
ໂດຍ : ສະໜົມເອກ
ຈາກ unader.com

ບົດຄວາມຫຼ້າສຸດ

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...

ຮັດແໜ້ນການພົວພັນຮ່ວມມື ລັດຖະມົນຕີກະຊວງການຕ່າງປະເທດ ເຂົ້າພົບປະລັດຖະມົນຕີກະຊວງການຕ່າງປະເທດບຣູໄນ

ໂດຍຕອບສະໜອງຕາມການເຊື້ອເຊີນຂອງ ທ່ານ ດາໂຕະ ເອີຣິວານ ເປຮິນ ຢູສອບ (Dato Erywan Pehin Yusof) ລັດຖະມົນຕີກະຊວງການຕ່າງປະເທດ ຜູ້ທີ 2 ແຫ່ງ...

ຖືກສົ່ງກັບປະເທດ! ພົນລະເມືອງ ສ.ເກົາຫຼີ 64 ຄົນ ທີ່ຕ້ອງສົງໃສມີສ່ວນກ່ຽວຂ້ອງກັບແກ້ງຄໍເຊັນເຕີ ໃນປະເທດ ກຳປູເຈຍ

ພົນລະເມືອງ ສ.ເກົາຫຼີ 64 ຄົນ ຖືກສົ່ງຕົວກັບປະເທດ ເນື່ອງຈາກເປັນເປັນຜູ້ຕ້ອງສົງໃສມີສ່ວນກ່ຽວຂ້ອງກັບແກ້ງຄໍເຊັນເຕີໃນປະເທດ ກຳປູເຈຍ. ອີງຕາມສຳນັກຂ່າວ AFP ລາຍງານໃນວັນທີ 18 ຕຸລາ 2025 ຜ່ານມາ, ຈາກກໍລະນີປະຊາຊົນ...