ແຊກະໜໍ່າ ຮູບໄຂ່ປິ້ງມີເສັ້ນດຳໆ ຢູ່ຂ້າງໃນ

0
946
ໄຂ່ປິ້ງ ອາຫານຍອດນິຍົມໃນການບໍລິໂພກ ແລະນິຍົມເຮັດຂາຍ ແຕ່ຮູບພາບນີ້ອາດຈະເຮັດໃຫ້ເສຍຄວາມຮູ້ສຶກດີໆ ຕໍ່ລົດຊາດໄຂ່ປິ້ງໄປເລີຍກໍໄດ້ (ຮູບຈາກ: ເວົ້າຈາພາສາລາວ)

ມື້ນີ້, ວັນທີ 3 ພຶດສະພາ 2017 ໜ້າເຟດສະບຸກທີ່ຊື່ ເວົ້າຈາພາສາລາວ ໄດ້ໂພດຮູບໄຂ່ປິ້ງທີ່ມີເສັ້ນສີດຳຢູ່ໃນ ພ້ອມຂໍ້ຄວາມ ”ຝາກໄປເຖິງພໍ່ຄ້າແມ່ຂາຍທຸກທ່ານ ກ່ອນສິເຮັດແນວກິນຂາຍ ໃຫ້ເກັບມັດໝxxໃຫ້ຮຽບຮ້ອຍ ບໍ່ຊັ່ນອາດມີການຫລົ່ນໃສ່ອາຫານ ເຮັດໃຫ້ອາຫານລົດຊາດປ່ຽນໄປໃດ້ ເຫັນໃຈຄົນບໍລິໂພກແດ“.

ໂພດດັ່ງກ່າວນັ້ນ ໄດ້ຖືກຜູ້ອ່ານເຂົ້າປະກອບຄຳເຫັນໄປຕ່າງໆນານາ ພ້ອມທັງແຊຕໍ່ຢ່າງຫຼວງຫຼາຍ. ໃນຂະນະທີ່ຜູ້ໂພດຮູບດັ່ງກ່າວກໍບໍ່ໄດ້ບອກທີ່ມາວ່າ ເຫດການດັ່ງກ່າວນັ້ນເກີດຂຶ້ນຢູ່ບ້ານໃດ ເມືອງໃດກັນແທ້.

ຜູ້ມີປະສົບການໃນການເຮັດໄຂ່ປິ້ງໃຫ້ທັດສະນະວ່າ ເຫດການດັ່ງກ່າວເບິ່ງແລ້ວບໍ່ໜ້າເຊື່ອວ່າເປັນໄປໄດ້ ເວັ້ນເສຍແຕ່ວ່າເປັນການຕັ້ງໃຈເຮັດ ເພາະຂັ້ນຕອນການເຮັດໄຂ່ປິ້ງນັ້ນ ພາຍຫຼັງທີ່ຖອກໄຂ່ອອກມາປຸງລົດແລ້ວ ຈະໃຊ້ບ່ວງຕັກໃສ່ໜ່ວຍໄຂ່ຄືນ ຫຼື ໃຊ້ຊີແຣງ (ເຄື່ອງມືສັກຢາ) ດູດສີດໃສ່ຄືນ ເຊິ່ງຖ້າມີວັດຖຸແປກປອມໃດທີ່ມີຂະໜາດໃຫຍ່ ຫຼືຈຳນວນຫຼາຍຂະໜາດທີ່ເຫັນນັ້ນ ກໍຄົງຈະເຫັນຕັ້ງແຕ່ຕອນເຮັດພຸ້ນແລ້ວ.

ແນວໃດກໍຕາມ ເຫດການດັ່ງກ່າວໄດ້ເປັນສິ່ງເຕືອນໃຈ ໃຫ້ພໍ່ຄ້າແມ່ຂາຍທັງຫຼາຍຕ້ອງໄດ້ຕື່ນໂຕເອົາໃຈໃສ່ ທັງເລື່ອງຄວາມສະອາດ, ຄວາມປອດໄພ, ຄຸນປະໂຫຍດ ແລະຄວາມສວຍງາມຂອງ ສິນຄ້າຂອງຕົນໃຫ້ຫຼາຍຂຶ້ນຕື່ມ.

ໄຂ່ປິ້ງເປັນອາຫານຊະນິດໜຶ່ງທີ່ຖືກວາງຂາຍຫຼາຍຕາມຮ້ານຂາຍຂອງກິນສຸກແຄມທາງ ຫຼືໃນເທດສະການງານບຸນຕ່າງໆ ມື້ນີ້ ມີຮູບພາບເສັ້ນສີດຳຄ້າງຢູ່ຂ້າງໃນ ເບິ່ງແລ້ວເສຍລົດຊາດໄປເລີຍ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.