spot_img
Homeຂ່າວທ້ອງຖິ່ນແຈ້ງການ! ເຝົ້າລະວັງພະຍາດໝາກແດງໃຫຍ່ ໂດຍສະເພາະປະຊາຊົນເມືອງໄຊທານີ

ແຈ້ງການ! ເຝົ້າລະວັງພະຍາດໝາກແດງໃຫຍ່ ໂດຍສະເພາະປະຊາຊົນເມືອງໄຊທານີ

Published on

ກະຊວງສາທາລະນະສຸກ, ກົມຄວບຄຸມພະຍາດຕິດຕໍ່ ໄດ້ອອກແຈ້ງການ ສະບັບເລກທີ: 193/ກຄພຕ, ລົງວັນທີ 05 ມີນາ 2019 ເຖິງພະແນກສາທາລະນະສຸກນະຄອນຫຼວງ ແລະ ແຂວງ ໃຫ້ເອົາໃຈໃສ່ເຝົ້າລະວັງ ແລະ ສະກັດກັ້ນພະຍາດໝາກແດງໃຫຍ່.

ເນື່ອງຈາກຫຼາຍປະເທດໃນພາກພື້ນ ແລະ ອາຊີຕາເວັນອອກມີການລະບາດຂອງພະຍາດດັ່ງກ່າວ ເຊິ່ງປັດໄຈພື້ນຖານຍ້ອນອັດຕາສັກຢາກັນພະຍາດໝາກແດງໃຫຍ່ຍັງຕ່ຳ; ປະເທດຟິລິບປິນມີລາຍງານພະຍາດໝາກແດງໃຫຍ່ຫຼາຍກວ່າ 12.000 ກໍລະນີ, ເສຍຊີວິດ 203 ກໍລະນີ; ປະເທດໄທລາຍງານການລະບາດຂອງພະຍາດໝາກແດງຢູ່ພາກໃຕ້ຂອງປະເທດ ພົບຫຼາຍກວ່າ 1.000 ກໍລະນີ, ເສຍຊີວິດ 12 ກໍລະນີ, ປະເທດຍີ່ປຸ່ນ ມີລາຍງານຄົນເຈັບພະຍາດໝາກແດງ ຫຼາຍ ກວ່າ 170 ກໍລະນີ ນອກນັ້ນຍັງພົບວ່າພະຍາດໝາກແດງໃຫຍ່ມີທ່າອ່ຽງເພີ່ມຂຶ້ນຢູ່ເມືອງໄຊທານີ, ນະຄອນຫຼວງວຽງຈັນ. 

ກົມຄວບຄຸມພະຍາດຕິດຕໍ່ ກະຊວງສາທາລະນະສຸກແຈ້ງການມາຍັງພະແນກສາທາລະນະສຸກນະຄອນຫຼວງ ແລະ ແຂວງທົ່ວປະເທດ ໃຫ້ເອົາໃຈໃສ່ເຝົ້າລະວັງ ແລະ ລາຍງານໝວດອາການໄຂ້ ແລະ ອອກຕຸ່ມທຸກກໍລະນີຢ່າງໃກ້ຊິດ, ເພີ່ມທະວີເອົາໃຈໃສ່ຕິດຕາມເຝົ້າລະວັງ, ລາຍງານ ແລະ ຄົ້ນຫາ ກໍລະນີສົງໄສພະຍາດໝາກແດງໃຫຍ່ຢູ່ໂຮງໝໍເມືອງ ແລະ ໂຮງໝໍແຂວງ ພິເສດນະຄອນຫຼວງວຽງຈັນ, ແຂວງວຽງຈັນ ແລະ ບໍລິຄຳໄຊ, ປະສານສົມທົບກັບອຳນາດການປົກຄອງທ້ອງຖິ່ນ, ພະແນກສຶກສາ ແລະ ກິລາແຂວງ, ພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວໃຫ້ສຸຂະສຶກສາວິທີປ້ອງກັນ ແລະ ຕິດຕາມເຝົ້າລະວັງພະຍາດໝາກແດງໃຫຍ່ຢ່າງໃກ້ຊິດ; ເອົາໃຈໃສ່ເພີ່ມທະວີວຽກງານໂຄສະນາສຸຂະສຶກສາແກ່ປະຊາຊົນ ເນັ້ນໜັກການປ້ອງກັນການແຜ່ເຊື້ອພະຍາດເຊັ່ນ: ອັດປາກເວລາໄອ ຫຼື ຈາມ, ລ້າງມືໃສ່ສະບູທຸກຄັ້ງເມື່ອສຳພັດກັບຄົນເຈັບພະຍາດໝາກແດງ, ກິນອາຫານທີ່ປຸງແຕ່ງສຸກດີ; ເອົາໃຈໃສ່ກວດກາຄືນອັດຕາການໃຫ້ວັກຊີນກັນພະຍາດ, ສ້າງຂະບວນການໃຫ້ວັກຊີນກັນພະຍາດ ແລະ ແນະນຳໃຫ້ປະຊາຊົນໃຫ້ພາລູກຫຼານໄປຮັບວັກຊີນກັນພະຍາດໃຫ້ຄົບ.

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ແຈ້ງການ ກະຊວງສາທາລະນະສຸກ ກົມຄວບຄຸມພະຍາດຕິດຕໍ່

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...