spot_img
Homeຂ່າວການພັດທະນາແຂວງໄຊຍະບູລີ ຕ້ອງການທຶນຫລາຍກວ່າ 100 ຕື້ກີບ ເພື່ອພັດທະນາຊຸມຊົນ!

ແຂວງໄຊຍະບູລີ ຕ້ອງການທຶນຫລາຍກວ່າ 100 ຕື້ກີບ ເພື່ອພັດທະນາຊຸມຊົນ!

Published on

ຂປລ. ທ່ານ ພູວັງ ກອງຊັບ ຫົວໜ້າຫ້ອງການຄະນະກຳມະການຄຸ້ມຄອງ ແລະ ນຳໃຊ້ເງິນທຶນພັດທະນາຊຸມຊົນ ໂຄງການພະລັງຄວາມຮ້ອນຫົງສາ ໃຫ້ຮູ້ວ່າ: ​ໃນ​ສົກ​ປີ 2016 ນີ້ ​ແຂວງ​ໄຊ​ຍະ​ບູລີ ​ໄດ້​ມີ​ແຜນພັດທະນາຊຸມຊົນ ​ໃນ 3 ​ເມືອງ​ເປົ້າ ໝາຍ ແລະ ເທສະບານແຂວງ ຄື: ເມືອງຫົງສາ, ເມືອງເງິນ, ເມືອງຊຽງຮ່ອນ ແລະ ເທສະບານແຂວງໄຊຍະບູລີ ຈຳນວນ 10 ໂຄງການ, ມີ​ມູນ​ຄ່າທັງໝົດ 100 ຕື້ກ່ວາກີບ ​ເຊິ່ງ​ເຫັນ​ວ່າ ມີມູນຄ່າລື່ນແຜນງົບປະມານ ທີ່ທາງໂຄງການໄຟຟ້າ ພະລັງງານ ຄວາມຮ້ອນຫົງສາ ກຳນົດ​ໃຫ້ ​ເຊິ່ງມີພຽງແຕ່ 10 ຕື້ກວ່າກີບຕໍ່​ປີ.

ສະນັ້ນ, ​ໃນ​ທ້າຍ​ເດືອນ​ຜ່ານ​ມາ​ຢູ່​ທີ່​ແຂວງ​ໄຊ​ຍະ​ບູລີ ຈຶ່ງ​ໄດ້​ຈັດ​ກອງ​ປະຊຸມປຶກສາ​ຫາລື ກັບ​ບັນດາ​ເມືອງ​ເປົ້າໝາຍດັ່ງກ່າວ ກ່ຽວ​ກັບ​ການ​ນຳ​ໃຊ້​ທຶນ​ພັດທະນາ​ຊຸມ​ຊົນ ທີ່​ທາງ​ໂຄງການ​ພະລັງງານ​ຄວາມ​ຮ້ອນ​ຫົງ​ສາ ຈະ​ສະໜອງ​ໃຫ້ ​ໂດຍ​ການ​ເປັນປະທານຂອງທ່ານ ພົງສະຫວັນ ສິດທະວົງ ເຈົ້າແຂວງໆໄຊຍະບູລີ. ​ໃນ​ໂອກາດ​ນີ້ ທ່ານ​ໄດ້ຮຽກຮ້ອງໃຫ້ບັນດາເມືອງ ພິຈາລະນາຄືນວ່າ ເມືອງຂອງຕົນເອງມີ​ຄວາມ​ຕ້ອງການ​ອັນ​ໃດ ​ເປັນ​ບູລິ​ມະສິດ​ຕົ້ນຕໍ ​ແລ້ວ​ຈັດ​ລຽນ​ຕາມ​ລຳດັບ ເພາະທຶນ​ຂອງ​ໂຄງການດັ່ງກ່າວ ມີອາຍຸສຳປະທານ​ເຖິງ 25 ປີຈຶ່ງຈະສິ້ນສຸດ.

ບັນດາໂຄງການພັດທະນາທີ່ ​ເມືອງ​ເປົ້າໝາຍ​ມີ​ຄວາມ​ຕ້ອງການ​ນັ້ນ ລວມມີ: ​ໂຄງການປູຢາງອັດສະຟານ ໃນເທສະບານເມືອງໄຊຍະບູລີ ລວມມີ 3 ໂຄງການມູນຄ່າ 55 ຕື້ກ່ວາກີບ, ເມືອງຫົງສາ ມີ 4 ໂຄງການ ຄື: ກໍ່ສ້າງເສັ້ນທາງເທສະບານເມືອງ, ກໍ່ສ້າງຕ້ານຕະຝັງເຈື່ອນ, ປັບປຸງເດີນກິລາ, ກໍ່ສ້າງສະໜາມເກັບຂີ້ເຫຍື້ອ, ມູນຄ່າ 38 ຕື້​ກວ່າກີບ, ເມືອງເງິນ ມີໂຄງການກໍ່ສ້າງຫ້ອງວ່າການປົກຄອງເມືອງ ມູນຄ່າ 1 ຕື້ກວ່າກີບ, ເມືອງຊຽງຮ່ອນ ມີ 2 ໂຄງການ, ມູນຄ່າ 14 ຕື້ກ່ວາກີບ ​ໃນ​ນັ້ນ ມີ​ໂຄງການຕັດຜັງບ້ານ ໂຮມໄຊ, ທະລຸເສັ້ນທາງປາກເປັດ ຫາ ຄົກເມີຍ ແລະ ເສັ້ນທາງຊ່ອຍບ້ານດອນປຸງຫາຊ່ອຍຜັ້ງບ້ານປາກເປັດ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...