spot_img
Homeຂ່າວທ້ອງຖິ່ນແຂວງວຽງຈັນ ໄຂກອງປະຊຸມໃຫຍ່ ຄັ້ງທີ VI ຜູ້ແທນແນວລາວສ້າງຊາດ ຢ່າງເປັນທາງການ

ແຂວງວຽງຈັນ ໄຂກອງປະຊຸມໃຫຍ່ ຄັ້ງທີ VI ຜູ້ແທນແນວລາວສ້າງຊາດ ຢ່າງເປັນທາງການ

Published on

VT

ຂປລ. ກອງ​ປະຊຸມ​ໃຫຍ່ ຄັ້ງ​ທີ VI ຂ​ອງ​ຜູ້​ແທນ​​ແນວ​ລາວ​ສ້າງ​ຊາດ ​ແຂວງ​ວຽງ​ຈັນ​​ ​ໄຂ​ຂຶ້ນ​ຢ່າງ​ເປັນ​ທາງ​ການ ​ຢູ່​ທີ່​ສະ​ໂມ​ສອນ ​ເຂື່ອນ​ໄຟຟ້າ​ນ້ຳງື່ມ I ​ໃນ​ວັນ​ທີ 29-30 ຕຸລາ ນີ້, ​ໂດຍ​​ເປັນ​ປະທານ​ຂອງ ​ສະຫາຍ ​ເຂົາ​ແກ້ວ​ ສົມ​ຈັນ​ມະ​ວົງ ​ປະທານ​ອົງການ ແນວ​ລາວ​ສ້າງ​ຊາດ ​ແຂວງວຽງ​ຈັນ, ມີ​ສະຫາຍ ​ຕົງ​ ເຢີ​ທໍ່ ​ກຳມະການ​ສູນ​ກາງ​ພັກ ​ຮອງ​ປະທານ​ຜູ້​ປະຈຳ​ການ ສູນ​ກາງແນວ​ລາວ​ສ້າງ​ຊາດ, ສະຫາຍນາງ ບຸ​ນເພັງ ​ສາຍນໍລະ​ດີ ຮອງ​ເລຂາ​ພັກ​ແຂວງ, ມີ​ບັນດາ​ເຈົ້າ​ເມືອງ, ປະທານ​ແນວ​ລາວ​ສ້າງ​ຊາດ​ເມືອງ, ພ້ອມ​ດ້ວຍ​ບັນດາ​ຜູ້​ແທນ​ສົມບູນ ​ເຊິ່ງ​ເປັນ​ຕົວ​ແທນ​ ໃຫ້​ແກ່​ອົງການ​ແນວ​ລາວ​ສ້າງ​ຊາດ​ ຂັ້ນ​ທ້ອງ​ຖິ່ນ ​ແລະ ​ຮາກ​ຖານ​​ເຂົ້າ​ຮ່ວມ ຈຳນວນ 119 ສະຫາຍ, ຍິງ14 ສະຫາຍ.

ສະຫາຍ ຊາວລໍ່ ຕົ່ງເຊັ່ງ ຮອງປະທານອົງການແນວລາວສ້າງຊາດ ແຂວງ​ວຽງຈັນ, ກ່າວໃນຮ່າງລາຍງານການເມືອງ ຂອງອົງການແນວລາວສ້າງຊາດ ແຂວງວຽງຈັນວ່າ: ດ້ວຍການຊີ້ນຳໆພາຢ່າງ​ໃກ້ຊິດ ຂອງສູນກາງແນວລາວສ້າງຊາດແລະ ຄະນະປະຈຳພັກແຂວງ, ​ອົງການແນວລາວສ້າງຊາດ ແຂວງວຽງຈັນ ໄດ້​​ເອົາໃຈສ່ເຕົ້າໂຮມ ຄວາມສາມັກຄີບັນດາເຜົ່າ ທຸກຊັ້ນຄົນແລະສາສະໜາ ເຮັດໃຫ້ປະຊາຊົນລາວ ບັນດາ​​ເຜົ່າ ພາຍໃນແຂວງມີຄວາມສາມັກຄີອັນແໜ້ນແກ່ນ ເປັນພື້ນຖານອັນດີ​​ ເຮັດໃຫ້​​ແຂວງວຽງຈັນ ມີຄວາມສະຫງົບປອດໄພ​, ​​ປະຊາຊົນຍຸ​ທ່າ​ງສ້າງສາ​​ ພັດທະນາບ້ານຊ່ອງຂອງຕົນ ໃຫ້ຈະເລີນສີວິໄລຂຶ້ນເລື້ອຍໆ, ນຳພາສ້າງຕັ້ງກອງທຶນ ພັດທະນາຂັ້ນບ້ານ, ​ຮອດປັດຈຸບັນ ມີ​ 38 ກອງທຶນ,​ ມີສະມາຊິກ 5.500 ກວ່າຄົນ,​ ມີທຶນເກືອບ14 ຕື້ກີບ,​ ນຳພາປະຊາຊົນຮັກສາ ແລະ ສົ່ງເສີມວັດທະນະທຳ ອັນດີງາມຂອງແຕ່ລະເຜົ່າ ບໍ່ໃຫ້ເຄື່ອນໄຫວ ແລະ ເຊື່ອຖືງົມງວາຍ, ລາມົກອານາຈານ, ປະກອບສ່ວນສ້າງບ້ານ ວັດທະນະທຳໄດ້ 244 ບ້ານ, ບ້ານພັດທະນາໄດ້ 190 ບ້ານ, ບ້ານສາທາລະນະສຸກ 322  ບ້ານ, ປຸກລະດົມປະຊາຊົນປະກອບສ່ວນ ເຂົ້າໃນວຽກງານສຶກສາ ແລະ ການກໍ່ສ້າງອາຄານຮຽນ, ຫໍພັກຄູ, ປຸກລະດົມປະຊາຊົນ ນຳເອົາລູກ​​ໃນເກນອາຍຸ ເຂົ້າຮຽນໄດ້100%​ ແລະສາມາດປະກາດຈົບຊັ້ນ ປະຖົມບຳລຸງທົ່ວແຂວງ​​ ໄດ້ໃນທ້າຍປີ 2014 ທີ່ຜ່ານມາ, ​ເອົາໃຈໃສ່ປັບປຸງກົງຈັກການຈັດຕັ້ງ ໃຫ້ເຂັ້ມແຂງໜັກແໜ້ນ. ພ້ອມ​ນີ້ ອົງການແນວລາວສ້າງຊາດ ແຂວງວຽງຈັນຍັງໄດ້ເອົາໃຈໃສ່ຍົກລະດັບ ຄຸນນະພາບວຽກງານຂອງຕົນ ດ້ວຍການນຳສົ່ງພະນັກງານ ໄປຍົກລະດັບທິດສະດີ ກາເມືອງການປົກຄອງແລະ ອົບຮົມຢູ່ສສ ຫວຽດນາມ ເພື່ອເຮັດໃຫ້ພະນັກງານ ມີຄວາມຮູ້, ຄວາມສາມາດດີຂຶ້ນກ່ວາເກົ່າ.

ໃນກອງປະຊຸມ ບັນດາຜູ້ແທນສົມບູນ ຍັງຈະໄດ້ນຳໃຊ້ສິດ ປະຊາທິປະໄຕ ຂອງຕົນປ່ອນຮັບຮອງ ເອົາປະທານ, ຮອງປະທານ ແລະ ຄະນະ ກຳມະການ ແນວລາວສ້າງຊາດ ແຂວງວຽງຈັນ ເພື່ອສືບຕໍ່ຊີ້ນຳໆພາ ວຽກງານແນວລາວສ້າງຊາດ ແຂວງວຽງຈັນ ໃນ 5 ປີຕໍ່ໜ້າ ອີກດ້ວຍ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...