spot_img
Homeຂ່າວພາຍ​ໃນແຂວງວຽງຈັນ ສະເໜີພາກລັດ ແກ້ບັນຫາຂາດງົບລົງທຶນ ແລະ ຕະຫລາດຈໍາໜ່າຍສິນຄ້າ

ແຂວງວຽງຈັນ ສະເໜີພາກລັດ ແກ້ບັນຫາຂາດງົບລົງທຶນ ແລະ ຕະຫລາດຈໍາໜ່າຍສິນຄ້າ

Published on

ຂປລ. ອໍານາດ​ການ​ປົກຄອງ​ ແຂວງ​ວຽງ​ຈັນ ​ສະ​ເໜີ​ໃຫ້​ກະຊວງ ​ອຸດສາຫະກໍາ ​ແລະ ການ​ຄ້າ​ ຊ່ວຍ​ແກ້​ບັນຫາ​ການ​ຂາດ​ເຂີນ​ ງົບປະມານ​ລົງທຶນ​ ໃນ​ຂະ​ແໜງ​ການ​ຜະລິດ ​ແລະ ທຸລະ​ກິດ​ຂະໜາດ​ນ້ອຍ​ທີ່​ເປັນ​ຮາກ​ເຫງົ້າ​ ຂອງ​ການ​ສ້າງ​ລາຍ​ຮັບ​ ໃຫ້​ປະຊາຊົນ​ທ້ອງ​ຖິ່ນ​ພົ້ນ​ທຸກ ພ້ອມ​ນີ້​ ກໍ​ໃຫ້​ພິຈາລະນາ​ທົບ​ທວນ ​ແລະ ຄົ້ນຄວ້າ​ຕະຫລາດຮອງ​ຮັບ ​ເພື່ອ​ຈໍາໜ່າຍ​ສິນຄ້າ ອອກ​ສູ່​ຕະຫລາດ ​ຢ່າງ​ເປັນ​ລະບົບ.

ລະຫວ່າງວັນ​ທີ 27 ກໍລະກົດທີ່ຜ່ານມານີ້ ​ທ່ານ​ ນາງເຂັມມະນີ ​ພົນເສນາ ​ລັດຖະມົນຕີ ກະຊວງອຸດສາຫະກຳ ແລະ ການຄ້າ ພ້ອມ​​ດ້ວຍຄະນະ ​ໄດ້ລົງເຄື່ອນໄຫວຢ້ຽມຢາມ ​ແລະ ຊີ້ນຳ ​ໃຫ້ພະແນກ ອຸດສາຫະກຳ​ ແລະ ການຄ້າ​ ແຂວງວຽງຈັນ ​ໃນ​ນີ້​ໃຫ້ເອົາໃຈໃສ່ຫລາຍບັນຫາ ເປັນຕົ້ນແມ່ນກໍ່ສ້າງພັກພະນັກງານໃຫ້​​ເປັນລະບົບຕໍ່ເນື່ອງ ດ້ານໂຄງປະກອບພະນັກງານ ໃຫ້​ໄດ້ 3 ລຸ້ນພ້ອມທັງຈັດຕັ້ງບຳລຸງ ທິດສະດີກາເມືອງ​-ການປົກຄອງ ​ແລະ​ ດ້ານວິຊາສະເພາະ​​ ໃຫ້​ແກ່​ພະນັກງານ. 

ສຳລັບການຈັດ​ຕັ້ງສາຍກວດ ຂອງ​ເຈົ້າ​ໜ້າ​ທີ່​ກວ​ດກາ​ການ​ຄ້າ​​​ ຕ້ອງໃຫ້​ແທດ​ເໝາະ​ກັບ ຄວາມ​ເປັນຈິງປັບປຸງຂອດການປະສານ ສົມທົບກັນຢ່າງກົມກຽວລະຫວ່າງ ບັນດາກົມ​​ໃນ​ຂັ້ນ​ກະຊວງ​ ກັບແຂວງຕື່ມອີກບັນດາຂະແໜງການຕ້ອງກຳໃຫ້ໄດ້ ບັນດານິຕິກຳທີ່ກ່ຽວຂ້ອງຂອງ​ຕົນ,​ ທັງເອົາໃຈໃສ່ ຕິດຕາມການຂຶ້ນທະບຽນ ແລະ ສົມທົບ​ ກັບຂະແໜງການເງິນ ໃນການເກັບຄ່າອາກອນຊກຍູ້ສົ່ງເສີມ ​ແລະ ພັດທະນາ ສິນຄ້າໂອດັອບ​ ເພື່ອກາຍເປັນສິນຄ້າທີ່​ມີ​ຊື່ສຽງ ໃນ​ຕໍ່ໜ້າ​​.

​ໂອກາດ​ດຽວກັນ, ທ່ານ ​ພູວົງ ​ສີຫອມວົງ ຫົວໜ້າພະແນກ ອຸດສາຫະກຳ​ ແລະ ການຄ້າ​ ແຂວງວຽງຈັນ ​​ໄດ້ນຳສະເໜີບາງບັນຫາຕໍ່ ກະຊວງອຸດສາຫະກໍາ ​ແລະ ການ​ຄ້າ ຄວນ​​ປະສານງານກັນຢ່າງກົມກຽວ ເປັນຕົ້ນແມ່ນ ການສົ່ງນິຕິກຳ ​ແລະ ​ແຈ້ງ​ການກ່ຽວກັບການ ປັບລາຄານ້ຳມັນມາໃຫ້ ແຂວງຮັບ​ຊາບ, ​ບັນດາຫົວໜ່ວຍທຸລະ​ກິດ​ ຂະໜາດ​ນ້ອຍ (SME) ຢູ່ຂັ້ນແຂວງ ຍັງບໍ່ຮູ້ວິທີ​​ເຂົ້າຫາແຫລ່ງທຶນ​ ສະ​ນັ້ນ ​ເພື່ອ​ແກ້ໄຂບັນຫາ​ນີ້ ສະເໜີໃຫ້ກະຊວງ ຂະຫຍາຍກອງທຶນ ລົງມາຂັ້ນແຂວງສ່ວນການສົ່ງເສີມການຄ້າ 1​ ເມືອງ ຜະລິດຕະພັນ​ ພົບຄວາມຫຍຸ້ງຍາກ ເພາະຂາດງົບປະມານນອກນີ້ ສະເໜີໃຫ້ກະຊວງ ຊ່ວຍຊອກຕະຫລາດຈຳໜ່າຍສິນຄ້າ ກະສິກຳຕາມລະດູການ, ພ້ອມ​ທັງ ສະເໜີຍົກລະດັບດ່ານບ້ານວັງ ໃຫ້ເປັນດ່ານສາກົນ​ໃນຕໍ່ໜ້າ.

ສຳລັບ​ໃນ 6​ ເດືອນຕົ້ນປີ 2017 ແຂວງວຽງຈັນ ມີການນຳເຂົ້າສິນຄ້າ ເປັນມູນຄ່າ 2,8 ລ້ານກວ່າໂດລາສະຫະລັດ​ ທຽບໃສ່ແຜນການປີລື່ນ 28%​, ໃນນີ້​ ບໍລິສັດນຳເຂົ້າ 2,6 ລ້ານກ່ວາໂດລາ​ ເປັນຕົ້ນແມ່ນ ​​ອຸປະກອນຮັບໃຊ້ຂອງ ບໍລິສັດເອຊຍການກະເສດອິນຊີ, ​​ອຸປະກອນເຄື່ອງຈັກ ຂອງໂຮງງານຫົວເຊັ້ຍ, ​ເຄື່ອງຈັກຂອງໂຮງງານ ຢາສູບລາວສາກົນພາຫານະກົນຈັກນັກ ແລະ​ ລົດບັດ 25-45 ບ່ອນນັ່ງສ່ວນປະເພດສິນຄ້າ ນຳເຂົ້າໃນແຜນມີ​ມູນ​ຄ່າ 283.934​ ໂດລາສະຫະລັດເຊັ່ນ: ​ເຄື່ອງຜະລິດນ້ຳກ້ອນຊີມັງ,​ ເຫລັກເສັ້ນສັງກະສີ, ໝໍ້ແປງໄຟຟ້າ, ອາຫານສັດ​​ ແລະ ອື່ນໆສ່ວນດ້ານການສົ່ງອອກບັນລຸ 11 ລ້ານກ່ວາໂດລາສະຫະລັດທຽບໃສ່ແຜນປີປະຕິບັດໄດ້ 75% ສາເຫດຍ້ອນສິນຄ້າ ພືດກະສິກຳເພີ່ມຂຶ້ນ ເປັນຈຳນວນຫລາຍເທົ່າຕົວ​ ຈາກປີຜ່ານມາ ເປັນຕົ້ນແມ່ນໝາກເດືອຍແຫ້ງມັນຕົ້ນໝາກເດືອຍສີ​ ແລະ ໝາກກ້ວຍນ້ຳ

 

ແຫລ່ງຂ່າວ: ຂປລ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...