spot_img
Homeຂ່າວຕ່າງປະເທດເຮືອໂດຍສານຈີນຫລົ້ມກາງແມ່ນ້ຳແຢງຊີ ຜູ້ໂດຍສານຫລາຍກ່ວາ 400 ຄົນ ຍັງສູນຫາຍ!

ເຮືອໂດຍສານຈີນຫລົ້ມກາງແມ່ນ້ຳແຢງຊີ ຜູ້ໂດຍສານຫລາຍກ່ວາ 400 ຄົນ ຍັງສູນຫາຍ!

Published on

EyWwB5WU57MYnKOuXxyldEMnAHhL8jtyYSAiZkHgW6G4d0z56eaqpg

ສຳນັກຂ່າວຕ່າງປະເທດລາຍງານວ່າ ໃນເວລາປະມານ 21:30 ໂມງຂອງມື້ວານນີ້ (1 ມິຖຸນາ) ໄດ້ເກີດເຫດເຮືອໂດຍສານ Easter Star ເຊິ່ງບັນທຸກຜູ້ໂດຍສານ ຈຳນວນ 458 ຄົນ ຫລົ້ມລົງໃນແມ່ນ້ຳແຢງຊີ ໃນເຂດແຂວງເຫີເປີ່ຍ ຜູ້ໂດຍສານຫລາຍກ່ວາ 400​ ຄົນຍັງຄົງສູນຫາຍ.

ແຫລ່ງຂ່າວໄດ້ລາຍງານວ່າ ເຮືອລຳດັ່ງກ່າວນີ້ໄດ້ພາຜູ້ໂດຍສານເດີນທາງ ມາຈາກເມືອງນານຈິງ ແຂວງຈຽງສູ ໂດຍມີຈຸດໝາຍປາຍທາງທີ່ເມືອງສົງຊິ່ງ ແຕ່ລະຫວ່າງທາງ ໄດ້ເກີດພາຍຸພັດລົມແຮງ ເຮັດໃຫ້ເລືອລຳດັ່ງກ່າວເສຍການຊົງຕົວ ແລ້ວຈົມລົງໃນແມ່ນ້ຳຢ່າງວ່ອງໄວ ໂດຍພາຍໃນເຮືອລຳດັ່ງກ່າວ ແມ່ນປະກອບມີຜູ້ໂດຍສານ 405 ຄົນ, ເຈົ້າໜ້າທີ່ບໍລິສັດນຳທ່ຽວ 5 ຄົນ ແລະ ລູກເຮືອອີກ 47 ຄົນ ໂດຍເຈົ້າໜ້າທີ່ສາມາດຊ່ວຍເຫລືອຜູ້ໂດຍສານ ແລະ ລູກເຮືອໄດ້ພຽງແຕ່ 12 ຄົນ ພາຍໃນມື້ວານນີ້.

ລ່າສຸດໃນວັນທີ 2 ມິຖຸນານີ້ ເຈົ້າໜ້າທີ່ກູ້ໄພໄດ້ຢັ້ງຢືນວ່າ ໄດ້ພົບສົບຜູ້ເສຍຊີວິດແລ້ວ 1 ຄົນ ໃນຂະນະດຽວກັນກໍສາມາດຊ່ວຍເຫລືອຜູ້ລອດຊີວິດໄດ້ເພີ່ມເປັນ 20 ຄົນ ເຊິ່ງຜູ້ໂດຍສານຫລາຍກ່ວາອີກ 400​ ຄົນນັ້ນ ຍັງຄົງສູນຫາຍຢູ່.

ພາຍຫລັງເກີດເຫດ ທ່ານປະທານາທິບໍດີ ສີ ຈິ້ນຜິງ ແຫ່ງ ສປ.ຈີນ ໄດ້ສັ່ງການໃຫ້ເຈົ້າໜ້າທີ່ທີ່ກ່ຽວຂ້ອງ ສຸມຄວາມພະຍາຍາມໃນການຊ່ວຍເຫລືອຊີວິດຜູ້ໂດຍສານ ທີ່ຍັງຄົງຕິດຢູ່ພາຍໃນເຮືອລຳດັ່ງກ່າວ ໃນຂະນະທີ່ນາຍົກລັດຖະມົນຕີ ຫລີ່ ເຄີ່ສຽງ ໄດ້ເດີນທາງລົງໄປສັ່ງການໂດຍກົງດ້ວຍຕົນເອງ ຢູ່ໃນພື້ນທີ່ປະສົບເຫດແລ້ວ.

 

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...