spot_img
Homeຂ່າວການພັດທະນາເອ­ກະ​ຊົນ​ລົງທຶນ​ຢູ່​ຈຳ­ປາ​ສັກ​ແລ້ວ 33 ໂຄງການ

ເອ­ກະ​ຊົນ​ລົງທຶນ​ຢູ່​ຈຳ­ປາ​ສັກ​ແລ້ວ 33 ໂຄງການ

Published on

ການລົງ­ທຶນໃນຂະ­ແໜງ­ການຕ່າງໆຢູ່ແຂວງຈຳ­ປາສັກ ຍັງສືບ­ຕໍ່ຂະ­ຫຍາຍ­ຕົວຢ່າງຕໍ່ເນື່ອງນັບເປັນແຂວງລະ­ດັບຕົ້ນໃນພາກກາງ ແລະພາກໃຕ້ທີ່ນັກ­ທຸ­ລະ­ກິດທັງພາຍໃນ ແລະຕ່າງ­ປະ­ເທດໃຫ້ຄວາມສົນ­ໃຈເຂົ້າລົງ­ທຶນຫຼາຍກວ່າໝູ່ສະ­ເພາະໃນ 9 ເດືອນຜ່ານມາຢູ່ແຂວງ ດັ່ງ­ກ່າວມີການລົງ­ທຶນເອ­ກະຊົນທັງໝົດ 33 ໂຄງ­ການລວມມູນຄ່າເກືອບ 5 ແສນຕື້ກີບ,  ຂະ­ນະທີ່ທາງແຂວງໄດ້ຕັ້ງເປົ້າສູ້ຊົນດຶງດູດການລົງ­ທຶນ 3 ເດືອນ ທ້າຍປີໃຫ້ບັນ­ລຸ 1.905 ຕື້ກີບ.

ທ່ານ ສາຍ­ທອງ ໄຊຍະວົງ ຫົວ­ໜ້າພະແນກແຜນ­ການ ແລະການລົງ­ທຶນ ແຂວງຈຳ­ປາສັກ, ໄດ້ເປີດ­ເຜີຍຕໍ່ກອງປະຊຸມລົງເຜີຍ­ແຜ່ກ່ຽວກັບການສະ­ຫຼຸບການ­ຈັດ­ຕັ້ງປະ­ຕິ­ບັດແຜນພັດ­ທະ­ນາເສດຖະກິດ-ສັງ­ຄົມ 9 ເດືອນ, ຄາດຄະ­ເນການຈັດຕັ້ງປະ­ຕິ­ບັດໝົດສົກປີ 2015-2016  ແລະການສ້າງແຜນພັດ­ທະ­ນາເສດຖະກິດ-ສັງ­ຄົມ ປະ­ຈຳປີ 2017 ທີ່ໄດ້ຈັດຂຶ້ນທີ່ແຂວງຈຳ­ປາສັກເມື່ອບໍ່ດົນມານີ້ໃຫ້ຮູ້ວ່າ: ການລົງ­ທຶນພາກເອ­ກະຊົນພາຍໃນ ແລະຕ່າງ­ປະ­ເທດ ໃນ 9 ເດືອນຜ່ານມາ, ແຂວງຈຳ­ປາສັກໄດ້ອອກອະ­ນຸ­ຍາດການລົງ­ທຶນແລ້ວທັງໝົດ 33 ໂຄງ­ການ, ມີມູນຄ່າການລົງ­ທຶນ 4,885,63 ຕື້ກີບຫຼື ເທົ່າກັບ 610,7 ລ້ານໂດລາສະ­ຫະ­ລັດ, ໃນນັ້ນການລົງ­ທຶນໃນກິດ­ຈະ­ການທົ່ວໄປມີ 17 ໂຄງ­ການ, ມູນຄ່າຕາມການອະ­ນຸ­ຍາດ 189,08 ຕື້ກີບ, ຊຶ່ງເປັນການລົງ­ທຶນຂອງນັກ­ທຸ­ລະ­ກິດພາຍໃນທັງໝົດ, ການລົງ­ທຶນໃນກິດ­ຈະ­ການສຳ ປະ­ທານມີ 12 ໂຄງ­ການ, ມີມູນຄ່າຕາມການອະ­ນຸ­ຍາດ 4.692,06 ຕື້ກີບ, ໃນນັ້ນ ເປັນການລົງ­ທຶນພາຍໃນ 4 ໂຄງ­ການ, ມີມູນຄ່າການລົງ­ທຶນ 166,37 ຕື້ກີບ ແລະເປັນການລົງ­ທຶນຂອງຕ່າງ­ປະ­ເທດ 8 ໂຄງ­ການ, ມີມູນຄ່າການລົງ­ທຶນ 4.525,68 ຕື້ກີບ ແລະມີການລົງ­ທຶນໃນເຂດເສດ­ຖະ­ກິດສະ­ເພາະ 4 ໂຄງ­ການ, ມີມູນຄ່າການລົງ­ທຶນ 4,49 ຕື້ກີບ.

ສຳ­ລັບໃນ 3 ເດືອນທ້າຍສົກປີ 2015-2016 ແຂວງຈຳ­ປາສັກແມ່ນຈະໄດ້ສືບ­ຕໍ່ຈັດຕັ້ງປະ­ຕິ­ບັດລະ­ດົມການລົງ­ທຶນຈາກແຫຼ່ງຕ່າງໆເຂົ້າໃສ່ການພັດ­ທະ­ນາເສດຖະກິດ-ສັງ­ຄົມ ໃຫ້ໄດ້ທັງໝົດ 2.148  ຕື້ກີບ, ໃນນັ້ນການລົງ­ທຶນຂອງລັດໃຫ້ ໄດ້ 59,2 ຕື້ກີບ, ດຶງດູງການລົງ­ທຶນພາກເອ­ກະຊົນພາຍໃນ ແລະ ຕ່າງ­ປະ­ເທດໃຫ້ໄດ້ 1.905 ຕື້ກີບ.

ທີ່ມາ: ເສດຖະກິດ-ສັງຄົມ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...