ເມົາແລ້ວຂັບ ຕຳແລ້ວພະຍາຍາມໜີ ແຕ່ໄປບໍ່ລອດ

ຕອນແລງຂອງວັນທີ 23 ສິງຫາ 2016 ເກີດອຸບັດຕິເຫດຢູ່ບ້ານສະພັງເມິກ ເມືອງໄຊທານີ ນະຄອນຫຼວງວຽງຈັນ (ບໍລິເວນໜ້າສູນກູ້ໄພຈຸດປະຈຳການດົງໂດກ)

ຈາກຂໍ້ມູນທີ່ໄດ້ຮັບແຈ້ງເປັນອຸບັດຕິເຫດລົດໃຫຍ່ຕຳທ້າຍລົດຈັກເຮັດໃຫ້ມີຜູ້ເສຍຊີວິດຄາທີ່ 1 ຄົນ

ຈາກສະພາບຜູ້ປະສົບເຫດທີ່ເສຍຊີວິດ ໄດ້ຮັບການກະທົບຢ່າງໜັກບໍລິເວນຫົວ ຄໍຫັກ ຂາຊ້າຍຫັກ ຕີນຂວາຂາດຕົກໄກຫຼາຍແມັດ
ຈາກການບອກຂໍ້ມູນທີ່ທີມງານໄດ້ຮັບຮູ້ແມ່ນ ຜູ້ເສຍຊີວິດກຳລັງກັບຈາກການໄປເກັບເງິນຈາກລູກຄ້າ ສ່ວນລົດເກັງແມ່ນກຳລັງເດີນທາງກັບບ້ານຫຼັງມີການຊຸມແຊວນຳໝູ່ ຊຶ່ງຂັບມາດ້ວຍຄວາມໄວສູງ ເມື່ອມາເຖິງຈຸດເກີດເຫດ ລົດໃຫຍ່ໄດ້ເຈີດໄປຕຳເອົາຄູ່ກໍລະນີຈົນເຮັດໃຫ້ລົດຟົ້ງອອກຂ້າງທາງ

ຈາກນັ້ນຄົນຂັບລົດໃຫຍ່ກໍ່ໄດ້ພະຍາຍາມຂັບລົດຫຼົບໜີ ແຕ່ບາບໄລ່ເວນທັນ ຢູ່ບໍລິເວນໃກ້ຄຽງຍັງມີເຈົ້າໜ້າທີ່ຢູ່ບໍລິເວນດ່ັງກ່າວໄດ້ຂັບລົດໄລ່ນຳ ແລະ ຂັບລົດຕັດໜ້າລົດໃຫຍ່ຄັນດັ່ງກ່າວ ແລະ ຍັງສາມາດຄວບຄຸມຕົວຄົນຂັບລົດໃຫຍ່ໄວ້ໄດ້

ຮທ ແສງສະນະ ເທບວົງສັງ ຕຳຫຼວດທີ່ນຳຈັບຜູ້ຂັບຂີ່ທີ່ຕຳແລ້ວໜີ
ຜູ້ຂັບຂີ່ທີ່ຕຳແລ້ວໜີ
 

ຂໍຂອບໃຈພາບແລະຂ່າວຈາກ ຫນ່ວຍກູ້ໄພ 1623