ເມື່ອລົດຄັນເລັ່ງຄ້າງຈະເຮັດແນວໃດໃຫ້ລອດຕາຍ ຄວນອ່ານ!

1
2662

ໄລຍະນີ້ເປັນຊ່ວງຂອງການເດີນທາງ ມີຜູ້ຄົນຈຳນວນຫຼາຍທີ່ໃຊ້ລົດເດີນທາງກັບເມືອບ້ານເກີດເມືອງນອນ ເພາະເປັນຊ່ວງພັກຍາວປີໃໝ່ລາວ ແລະ ມັກຈະມີຂ່າວເກີດອຸບັດຕິເຫດຕາມທ້ອງຖະໜົນຫຼາຍກໍລະນີ ໃນຄໍລຳ ສາລະໜ້າຮູ້ ມື້ນີ້ ແອັດມິນເລີຍມີທັກສະການເອົາຕົວລອດກໍລະນີທີ່ລົດເກີດເຫດຂັດຂ້ອງທາງເທັກນິກ ເຊັ່ນ: ເມື່ອຜູ້ຂັບລົດຕ້ອງພົບກັບບັນຫາຄັນເລັ່ງລົດຄ້າງ ແລະ ບໍ່ສາມາຜ່ອນຄວາມໄວລົງໄດ້ ຜູ້ຂັບຂີ່ຄວນປະຕິບັດດັ່ງນີ້:

  • ຕັ້ງສະຕິໃຫ້ດີ ຢ່າຕົກໃຈເກີນເຫດ ຄວບຄຸມພວງມະໄລລົດ ແລະ ທິດທາງລົດໃຫ້ໄປໃນທາງທີ່ດີທີ່ສຸດ
  • ໃຫ້ເຂົ້າເກຍວ່າງໂດຍທັນທີເພື່ອຕັດກຳລັງການຂັບເຄື່ອນຂອງລົດລະຫວ່າງເກຍ ແລະ ເຄື່ອງຍົນ ຫາກເປັນເກຍລົດທຳມະດາຕອ້ງຢຽບຄາດປ່ຽນໄປເກຍວ່າງ
  • ຢຽບເບກຄ້າງໄວ້ເພື່ອຫລຸດຜ່ອນຄວາມໄວ ໂດຍສະເພາະລົດທີ່ມີລະບົບເບກ ABS ຫາກລົດທີ່ມີລະບົບເບກທຳມະດາໃຫ້ຢຽບແລ້ວປ່ອຍເພື່ອຫຼີກລ່ຽງລໍ້ລັອກ
  • ຫ້າມດັບເຄື່ອງກ່ອນເວລາເບກແຕກ ຍົກເວັ້ນຫາກບໍ່ສາມາດເຂົ້າເກຍວ່າງໄດ້
  • ຄວບຄຸມລົດໃຫ້ຫ່າງຈາກບ່ອນຈາລະຈອນທີ່ແອອັດ
  • ຫາກຕ້ອງດັບເຄື່ອງ ແຕ່ຫ້າມຖອກກະແຈລົດ ຫຼື ປິດໄຟທີ່ຕຳແໜ່ງ lock ເພາະພວງມະໄລຈະລັອກ ແລະ ລະບົບການຊ່ວຍເຫຼືອຕ່າງໆ ຈະບໍ່ທຳງານເຮັດໃຫ້ການຄວບຄຸມລົດເຮັດໄດ້ຍາກຂຶ້ນຕື່ມ
  • ຫາກເປັນລົດທີ່ໃຊ້ປຸ່ມ Start on/off ໃຫ້ກົດປຸ່ມຄ້າງໄວ້ 3 ນາທີ ຫ້າມກົດແລ້ວປ່ອຍ
  • ນຳລົດຈອດໃນສະຖານທີ່ປອດໄພຂ້າງທາງ ແລະ ໂທຫາຄົນມາຊ່ວຍ

ຂັບລົດຢ່າງມີສະຕິ ຂໍໃຫ້ທຸກຄົນເດີນທາງປອດໄພ ບໍ່ວ່າຈະເປັນໃນລະຍະປີໃໝ່ລາວ ຫຼື ຊ່ວງເວລາໃດກໍ່ຕາມ

1 ຄວາມ​ຄິດ​ເຫັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.