ເມືອງ ໄຊພູທອງ ນໍ້າຖ້ວມໜັກເນື້ອທີ່ເສຍຫາຍ 451 ເຮັກຕາ

 ຈາກເຫດການ ພາຍຸຊົງກາ ພັດຜ່ານເຂົ້າມາໃນ ວັນທີ 23-27 ກໍລະກົດ 2017 ນີ້, ຝົນຕົກໜັກຖ້ວມກະທັນຫັນ ​ໃນ​ເນື້ອ​ທີ່ 451 ເຮັກຕາ, ມີ 254 ຄອບຄົວທີ່ໄດ້ຮັບ ຜົນກະທົບນໍ້າຖ້ວມ ໃນ 3 ກຸ່ມບ້ານຂອງເມືອງ ໄຊພູທອງ ແຂວງ ສະຫວັນນະເຂດ ຄື: ບ້ານພູມມະເຈດີ ຖ້ວມ 21 ເຮັກຕາ, ມີ 14 ຄອບຄົວ; ບ້ານໂພນທາດ ເນື້ອທີ່ຖ້ວມ 65 ເຮັກຕາ ມີ 25 ຄອບຄົວ; ບ້ານນາໝາກເກືອ ເນື້ອທີ 30  ເຮັກຕາ, ມີ 25 ຄອບຄົວ, ບ້ານໂພນສົ້ມໂຮງ ເນື້ອທີ່ 90 ເຮັກຕາ, ມີ 71 ຄອບຄົວ; ບ້ານດອນຕຸມ ເນື້ອທີ່ຖ້ວມ 50 ເຮັກຕາມີ 32 ຄອບຄົວ; ບ້ານມ່ວງໄຂ່ ເນື້ອທີ່ 12 ເຮັກຕາ ມີ 9 ຄອບຄົວ; ບ້ານນາຄໍາ ເນື້ອທີ່ຖ້ວມ 25 ເຮັກຕາ ມີ 14 ຄອບຄົວ ແລະ ບ້ານຕາດແດດ  ເນື້ອທີ່ຖ້ວມ 159 ເຮັກຕາ ມີ 64 ຄອບຄົວ.

ຈາກເຫດການນໍ້າຖ້ວມຄັ້ງນີ້ ເຮັດໃຫ້ເຂົ້ານາປີຂອງພໍ່ແມ່ປະຊາຊົນ ທີ່ກໍາລັງດໍາຫາກໍສໍາເລັດຖືກນໍ້າໄຫລເຂົ້າຖ້ວມ ເຄື່ອງປູກຂອງປະຊາຊົນອີກຈໍານວນໜຶ່ງ.
ແຫລ່ງຂ່າວ: ສຳນັກຂ່າວສານປະເທດລາວ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.