ເມືອງໄກສອນ ພົມວິຫານ ຫາລືກຽມຕອບໂຕ້ ການລະບາດພະຍາດໄຂ້ຍຸງລາຍ

0
57

ຂປລ. ອຳນາດ​ການ​ປົກຄອງ ​ເມືອງ​ໄກສອນ ພົມວິຫານ ​ແຂວງ​ສະຫວັນ​ນະ​ເຂດ ຈັດ​ກອງ​ປະຊຸມ​ຮ່ວມ​ກັບພາກສ່ວນທີ່ກ່ຽວຂ້ອງ ຈາກແຂວງ, ສາທາລະນະສຸກເມືອງ ແລະ ອຳນາດການປົກຄອງ ທັງ 67 ບ້ານ ໃນເທສະບານເມືອງ ​ເພື່ອຂໍການສະໜັບສະໜູນ ການຮ່ວມມືປ້ອງກັນ ການລະບາດຂອງພະຍາດໄຂ້ຍຸງລາຍ ​ໃນ​ວັນ​ທີ 5 ກໍລະກົດ 2016 ນີ້. ພ້ອມທັງປຶກສາຫາລືແລກປ່ຽນບົດຮຽນ ໃນການວາງແຜນໂຕ້ຕອບ ແລະ ມາດຕະການຄວບຄຸມ ການລະບາດຂອງພະຍາດດັ່ງກ່າວ.

ທັງນີ້ ນັບແຕ່​ວັນ​ທີ 1 ມັງກອນ 2016 ​ເຖິງ​ປັດຈຸບັນ ທົ່ວ​ເມືອງ​ກວດ​ພົບໄຂ້ຍຸງລາຍ ທັງໝົດ 14 ບ້ານ ແລະ ມີຈຳນວນຄົນເຈັບ 35 ຄົນ ​ແຕ່ຍັງບໍ່ພົບຜູ້ເສຍຊີວິດ, ​ຂະນະ​ທີ່ ປີ 2013 ໄດ້ມີການລະບາດຂອງພະຍາດ ເຮັດໃຫ້ມີຄົນເຈັບ 2.200 ກວ່າຄົນ ແລະ ເສຍຊີວິດ 3 ຄົນ, ສ່ວນປີ 2014-2015 ແມ່ນບໍ່ມີການລະບາດ ຂອງພະຍາດໄຂ້ຍຸງລາຍ ທັງນີ້ກໍ່ແມ່ນຍ້ອນການຮ່ວມມືກັນທຸກພາກສ່ວນ ຈຶ່ງສາມາດຄວບຄຸມ ແລະ ຢັບຢັ້ງໄດ້.

 

ແຫລ່ງຂ່າວ:

ຂປລ

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.