spot_img
Homeຂ່າວຕ່າງປະເທດເມິ່ງ ຫວ່ານໂຈ ຍື່ນຄຳຟ້ອງການາດາກັບຖານລະເມີດສິດທິ ແລະ ເສລີພາບ

ເມິ່ງ ຫວ່ານໂຈ ຍື່ນຄຳຟ້ອງການາດາກັບຖານລະເມີດສິດທິ ແລະ ເສລີພາບ

Published on

ສຳນັກຂ່າວຕ່າງປະເທດລະບຸວ່າ ນາງ ເມິ່ງ ຫວ່ານໂຈ ຫົວໜ້າຝ່າຍການເງິນ ແລະ ເປັນລູກສາວຂອງຜູ້ກໍຕັ້ງບໍລິສັດ ຫົວເຫວີ່ຍ ໄດ້ໃຫ້ທະນາຍຍື່ນຟ້ອງຕໍ່ສານສູງສຸດລັດບຣິຕິຊໂຄລຳເບຍຂອງການາດາ ເມື່ອວັນທີ 1 ມີນາ 2019 ທີ່ຜ່ານມາ ເຊິ່ງເປັນມື້ດຽວກັນທີ່ກະຊວງຍຸດຕິທຳການາດາເລີ່ມຂະບວນການສົ່ງຕົວຜູ້ຮ້າຍຂ້າມແດນຢ່າງເປັນທາງການ ເພື່ອສົ່ງຕົວນາງ ເມິ່ງ ໃຫ້ກັບສະຫະລັດ.

ໃນຄຳຟ້ອງຄະດີແພ່ງ ທະນາຍຂອງນາງ ເມິ່ງ ກ່າວວ່າ ພຶດຕິກຳຂອງເຈົ້າໜ້າທີ່ທາງການການາດາເພື່ອໃຫ້ໄດ້ຫຼັກຖານ ແລະ ຂໍ້ມູນຈາກຕົວຂອງນາງໃນລະຫວ່າງການຄວບຄຸມຕົວທີ່ສະໜາມບິນລະຫວ່າງປະເທດເວນຄູເວີ ເມື່ອວັນທີ 1 ທັນວາ 2018ທີ່ຜ່ານມານັ້ນ ເປັນການລະເມີດຢ່າງຮ້າຍແຮງຕໍ່ບົດບັນຍັດວ່າດ້ວຍສິດທິ ແລະ ເສລີພາບຕາມລັດຖະທຳມະນູນຂອງການາດາ.

ທະນາຍຄວາມຂອງນາງ ເມິ່ງ ໄດ້ກ່າວເຖິງການດຳເນີນການທີ່ບໍ່ເໝາະສົມຂອງເຈົ້າໜ້າທີ່ການາດາລະຫວ່າງທີ່ເຈົ້າໜ້າທີ່ກວດຄົນເຂົ້າເມືອງການາດາສອບປາກຄຳນາງດົນເຖິງ 3 ຊົ່ວໂມງ ກ່ອນທີ່ຈະຈັບກຸມຕົວຢ່າງເປັນທາງການ ໃນຊ່ວງເວລານັ້ນ ເຈົ້າໜ້າທີ່ກວດຄົນເຂົ້າເມືອງໄດ້ລະເມີດສິດທິຂອງນາງ ເມິ່ງ ດ້ວຍການກວດຄົ້ນໂທລະສັບ ແລະ ຄອມພິວເຕີຂອງນາງ ລວມເຖິງກະເປົາເດີນທາງ ເພື່ອຫາຫຼັກຖານຈາກຕົວນາງ ເຊິ່່ງເປັນການລະເມີດສິດທິສ່່ວນບຸກຄົນຂອງນາງ.

 

 

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: sanook

ບົດຄວາມຫຼ້າສຸດ

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...