spot_img
Homeຂ່າວ​ໄອ​ທີເຟສບຸກຈະຕັ້ງສູນຂໍ້ມູນທີ່ທັນສະໄໝທີ່ສຸດໃນ ອາຊີ

ເຟສບຸກຈະຕັ້ງສູນຂໍ້ມູນທີ່ທັນສະໄໝທີ່ສຸດໃນ ອາຊີ

Published on

ເມື່ອວັນທີ 6 ກັນຍາທີ່ຜ່ານມານີ້ ເຟສບຸກໄດ້ອອກມາເປີດເຜີຍວ່າຈະມີການສ້າງສູນຂໍ້ມູນ ທີ່ມີມູນຄ່າ 1,4 ຕື້ ໂດລາສະຫະລັດ ໃນປະເທດ ສິງກະໂປ ເຊິ່ງນັບເປັນສູນຂໍ້ມູນແຫ່ງທໍາອິດຂອງເຟສບຸກໃນອາຊີ ແລະ ເປັນແຫ່ງທີ 15 ຂອງໂລກ.

ແຫຼ່ງຂ່າວຕ່າງປະເທດລາຍງານວ່າ: ສູນຂໍ້ມູນແຫ່ງນີ້ ຈະຕັ້ງຢູ່ໃນເຂດຕັນຈົງກະລິງ ທີ່ຮູ້ຈັກກັນໃນຊື່ເດີມວ່າ: ດາຕ້າ ເຊັນເຕີພາກ ຈະສະໜັບສະໜູນວຽກງານໄດ້ຫຼາຍນັບຮ້ອຍຕໍາແໜ່ງ ແລະ ສົ່ງເສີມອັດຕາການເຕີບໂຕສ່ວນໜຶ່ງຂອງເຟສບຸກໃນສິງກະໂປ ແລະ ໃນພາກພື້ນ, ເຊິ່ງສູນຂໍ້ມູນແຫ່ງນີ້ມີເປົ້າໝາຍວ່າຈະເລີ່ມດໍາເນີນງານໃນປີ 2022 ໂດຍຈະໃຊ້ເວລາໃນການກໍ່ສ້າງປະມານ 2-3 ປີ.

ເຟສບຸກໄດ້ລະບຸວ່າ: ສູນຂໍ້ມູນຂອງເຮົາເປັນສິ່ງປຸກສ້າງທີ່ທັນສະໄໝທີ່ສຸດທີ່ຈະຊ່ວຍໃຫ້ແອັບ ແລະ ບໍລິການຕ່າງໆຂອງເຟສບຸກເຂົ້າເຖິງບຸກຄົນທົ່ວໂລກໃນທຸກໆມື້. ເມື່ອກໍ່ສ້າງສໍາເລັດຈະເປັນອາຄານ 11 ຊັ້ນທີ່ມີພື້ນທີ່ 170.000 ຕາແມັດຊຶ່ງປະກອບໄປດ້ວຍ ສະຖາປັດຕະຍະກໍາທີ່ໃຊ້ອຸປະກອນນໍ້າໜັກເບົາເປັນຊ່ອງແບບໂລ່ງເພື່ອໃຫ້ອາກາດໝູນວຽນໄດ້ດີ ແລະ ສາມາດເບິ່ງເຫັນກົນໄກທີ່ຢູ່ພາຍໃນ.

ທ່ານ ໂທມັສ ເຟີລອງ ຮອງປະທານດ້ານໂຄງສ້າງພື້ນຖານຂອງເຟສບຸກເປີດເຜີຍວ່າ: ບໍລິສັດມີພະນັກງານຢູ່ໃນສິງກະໂປປະມານ 1.000 ຄົນ ແລະ ໄດ້ມີການສະໜັ້ບສະໜູນໂຄງການທີ່ຊ່ວຍໃຫ້ທຸລະກິດ Start Up ໃນທ້ອງຖິ່ນເຕີບໂຕຂຶ້ນລວມທັງມີສ່ວນຮ່ວມໃນການສົ່ງເສີມການຮູ້ທັນສື່ໃຫ້ຫຼາຍກວ່າເກົ່າ.

 

 

 

 

 

ແຫຼ່ງຂໍ້ມູນຈາກ: ໜັງສືພິມ ເສດຖະກິດ-ສັງຄົມ

ຮູບພາບຈາກ: wallstreetjournal, Marketingland

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...