spot_img
Homeຂ່າວເຫດການເປີດຂະບວນການສັກຢາກັນພະຍາດແຫ່ງຊາດ!

ເປີດຂະບວນການສັກຢາກັນພະຍາດແຫ່ງຊາດ!

Published on

20141112150655

 

ກະຊວງ​ສາທາລະນະ​ສຸກ ໄດ້ເປີດ​ບັ້ນ​ປຸກລະດົມ​ຂະ​ບວນ​ການ ສຳລັບ​ວັນ​ສັກ​ຢາ​ກັນ​ພະຍາດແຫ່ງ​ຊາດ ເພື່ອ​ກຳ

ຈັດ​ພະຍາດໝາກ​ແດງ​ໃຫຍ່ ແລະ ໝາກແດງ​ນ້ອຍ ໃນ​ຕອນ​ເຊົ້າ​ວັນ​ທີ 12 ພະຈິກ 2014 ຢູ່​ທີ່​ຫໍ​ປະຊຸມ​ແຫ່ງຊາດ

(ຫຼັກ6) ນະຄອນຫຼວງ​ວຽງຈັນ ໃຫ້​ກຽດ​ເຂົ້າ​ຮ່ວມ​ງານ​ຂອງທ່ານ ຈູມ​ມາລີ ໄຊ​ຍະ​ສອນ ເລຂາ​ທິ​ການ​ໃຫຍ່ ຄະນະ​ບໍ

ລິຫານງານ​ສູນ​ກາງ​ພັກ ປະທານ​ປະເທດແຫ່ງ ​ສປປ ລາວ ທ່ານ ​ດຣ. ສິນລະ​ວົງ ຄຸດ​ໄພທູນ ເຈົ້າ​ຄອງ​ນະຄອນ​ຫຼວງ

ພ້ອມ​ດ້ວຍ​ບັນດາ​ລັດຖະ​ມົນຕີ​ວ່າການ-ຊ່ວຍ​ວ່າການ ຮອງ​ເຈົ້າ​ຄອງ​ນະຄອນຫຼວງ ຫົວໜ້າ​ກົມ ຫ້ອງການ ພະນັກ

ງານກ່ຽວຂ້ອງແລະ ຜູ້ຕາງໜ້າ​ຈາກອົງ​ການຈັດຕັ້ງ​ສາກົນ.

 

ທ່ານ ​ສຈ.​ດຣ. ເອກ​ສະຫວ່າງ ວົງ​ວິຈິດ ລັດຖະມົນຕີ​ວ່າການ​ກະຊວງ​ສາທາລະນະ​ສຸກ ກ່າວ​ວ່າ: ເປົ້າ​ໝາຍ​ການ​ປຸກ

ລະດົມ​ຂະບວນ​ການ​ສັກ​ຢາ​ຄັ້ງ​ນີ້ ເພື່ອ​ແນໃສ່​ຫັນ​ເອົາ​ຂະ​ບວນ​ການ​ກະກຽມ ແລະ ຈັດ​ຕັ້ງ​ປະຕິບັດ​ວັນ​ສັກ​ຢາກັນ​ພະ

ຍາດ​ແຫ່ງ​ຊາດ ໃຫ້​ກາຍເປັນ​ພາລະ​ໜ້າທີ່ ແລະ ຄວາມຮັບຜິດຊອບ​ຂອງ​ທົ່ວ​ພັກ-ລັດ ກໍ່ຄື​ທົ່ວ​ປວງ​ຊົນ ເພື່ອ​ສ້າງ

​ເງື່ອນໄຂໃຫ້ການ​ສັກ​ຢາ​ກັນ​ພະຍາດ​ແຫ່ງຊາດ ບັນລຸ​ໄດ້ 95% ຂຶ້ນ​ໄປ​ໃນຂອບ​ເຂດ​ທົ່ວ​ປະເທດ ເຊິ່ງ​ກະຊວງ​ສາທາລະ

ນະ​ສຸກ ໄດ້​ກຳນົດເອົາ​ລະຫວ່າງວັນ​ທີ 17-30 ພະຈິກ 2014 ເປັນ​ໄລຍະ​ການ​ສັກຢາ​ກັນ​ພະຍາດໝາກແດງ​ໃຫຍ່ ແລະ

ໝາກ​ແດງນ້ອຍ ເພື່ອ​ກຳຈັດ​ພະຍາດ​ດັ່ງກ່າວ​ໃຫ້​ໝົດ​ໄປ ໂອກາດ​ນີ້ ກໍ່​ຮຽກຮ້ອງ​ມາ​ຍັງ​ພໍ່ແມ່​ປະຊາຊົນ​ບັນດາເຜົ່າ

ໄດ້​ພ້ອມກັນ​ປະກອບສ່ວນ​ຢ່າງ​ຕັ້ງໜ້າ ​ເຂົ້າຮ່ວມ​ຂະ​ບວນ​ການ​ສັກ​ຢາ​ກັນ​ພະຍາດ​ໃຫ້​ເປັນ​ຂະ​ບວນ​ຟົດຟື້ນ ຜູ້​ປົກ

ຄອງ​ທີ່​ມີ​ເດັກນ້ອຍອາຍຸ​ແຕ່ 9 ເດືອນຫາ 10 ປີ ສາມາດ​ພາລູກ​ຫຼານ​ໄປ​ສັກ​ຢາ ແລະ ຢອດ​ຢາກັນ​ພະຍາດໝາກແດງ

​ໃຫຍ່ ແລະ ໝາກ​ແດງນ້ອຍ ໄດ້​ໂດຍ​ບໍ່ເສຍ​ຄ່າ.

 

ສຳລັບ​ບັ້ນ​ປຸກລະດົມ ​ຂະ​ບວນການ​ສັກ​ຢາ​ກັນ​ພະຍາດ​ໝາກແດງ​ໃຫຍ່ ແລະ ໝາກ​ແດງ​ນ້ອຍ ຈະ​ໄດ້​ສືບຕໍ່​ເປີດ​ຂະ

​ບວນ​ດັ່ງກ່າວ ຢູ່​ແຂວງ​ໄຊ​ສົມບູນ ຫົວພັນ ຊຽງຂວາງ ແລະ ແຂວງ​ບໍ​ລິ​ຄຳ​ໄຊ.

 

ແຫລ່ງຂ່າວ: ວຽງຈັນໃໝ່

 

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...