spot_img
Home​ຂ່າວທ່ອງທ່ຽວເທດສະການຜີໂຂນທີ່ເມືອງ ປາກລາຍ ແຂວງ ໄຊຍະບູລີ

ເທດສະການຜີໂຂນທີ່ເມືອງ ປາກລາຍ ແຂວງ ໄຊຍະບູລີ

Published on

ານເທດສະການບຸນຜີໂຂນຕິດພັນກັບການເປີດປີທອ່ງທ່ຽວປີ 2018 ທີ່ເມືອງປາກລາຍ ແຂວງໄຊຍະບູລີຈະຈັດຂຶ້ນໃນວັນທີ 27 ກຸມພາ ຫາ 2 ມີນາ 2018 ທີ່ຈະມາເຖິງນີ້ ພໍ່ແມ່ພີ່ນ້ອງຜູ້ທີ່ມີເງື່ອນໄຂ, ສົນໃຈເຂົ້າຮ່ວມເຊີນໄດ້ເດີ.

ທ່ານ ນາງ ພິມປະໄພ ສຸຂະລາດ ຮອງເຈົ້າເມືອງໆ ປາກລາຍ ສະມາຊິກສະພາ ປະຊາຊົນແຂວງ ປະຈຳເມືອງປາກລາຍ ທັງເປັນປະທານຈັດເທດສະການດັ່ງກ່າວໄດ້ຖະແຫ່ລງຂ່າວຕໍ່ສື່ມ່ວນຊົນໃຫ້ພວກເຮົາຮູ້ວ່າ: ສໍາລັບເທດສະການ ບຸນຜີໂຂນ ຢູ່ເມືອງປາກລາຍ ແມ່ນຈະໄດ້ຈັດຂື້ນໃນລະຫວ່າງເດືອນ 4 ລາວຂອງແຕ່ລະປີ ແຕ່ລະບ້ານຂອງເມືອງໄດ້ຜັດປ່ຽນ ກັນເປັນເຈົ້າພາບ ຈັດບຸນພະເວດແຫ່ຜີໂຂນນີ້ຂື້ນ ເປັນງານບຸນປະເພນີໜຶ່ງທີ່ເປັນເອກະລັກຂອງເມືອງ ສະເພາະປີ 2018 ນີ້ອົງການປົກຄອງເມືອງໄດ້ຕົກລົງ ຈັດເທດສະການບຸນຜີໂຂນ ຕິດພັນກັບການເປີດ ປີທ່ອງທ່ຽວລາວ ຊື່ງພາຍໃນງານປະກອບມີຫຼາຍກິດຈະກໍາ, ຫຼາຍສີສັນ ທີ່ສະແດງໃຫ້ເຫັນເຖິງວິຖີຊີວິດ ຮີດຄອງປະເພນີ ແລະ ວັດທະນະທໍາຂອງຊາວເມືອງປາກລາຍ.

ສໍາລັບກິດຈະກໍາພາຍໃນງານປະກອບມີ ວັນທີ 27 ກຸມພາ 2018 ແມ່ນມື້ພິທີປ່ອຍຂະບວນຜີໂຂນ, ເປີດງານຕະຫຼາດນັດຊົມຮ້ານວາງສະແດງສິນຄ້າ, ຊົມການແຂ່ງຂັນເຮືອແຈັດສະກີ່ ຈາກສະຫະພັນແຈັດສະກີລາວ, ຕອນຄໍ່າມີການເດີມແບບອາພອນເທບຊົງລາວ, ການເດີນແບບເດັກໜ້າຮັກ ແລະ ການປະກວດທິດາພະເຫວດສັນດອນ.

ມື້ວັນທີ 28 ກຸມພາ 2018 ແມ່ນເປີດງານເທດສະການບຸນຜີໂຂນຢ່າງເປັນທາງການ, ແຫ່ພະເຫວດສັນດອນເຂົ້າເມືອງ, ຂີ່ເຮືອທ່ອງທ່ຽວຊົມທິວທັດສອງຝາກຝັ່ງແມ່ນໍ້າຂອງ, ຕອນຄໍ່າມີການສະແດງສິນລະປະວັນນະຄະດີ, ຈູດບັ້ງໄຟດອກຂອງແຕ່ລະບ້ານ ແລະ ປ່ອຍໂຄມໄຟ.

ວັນທີ 1 ມີນາ 2018 ແມ່ນພິທີກໍາທາງສາສະໜາ, ແຂ່ງຂັນຊ່ວງເຮືອ 12 ສີພາຍຕາມລຳແມ່ນໍ້າຂອງ ຕອນຄໍ່າມີງານຄອນເສີດຈາກນັກຮອ້ງຊື່ດັງຂອງສປປລາວ ແລະ ວັນທີ 2 ມີນາ 2018 ຕອນເຊົ້າມີການຕັກບາດ ຖະຫວາຍ ສັງຄະທານແດ່ພະສົງສາມາເນນຖືວາຈົບພິທີ.

ໂອກາດດັງກ່າວທ່ານ ພິມປະໄພ ສຸຂະລາດ ຍັງໄດ້ແຈ້ງຂ່າວເຊີນຊວນ ເຖີງອົງການຈັດຕັ້ງທຸກພາກສ່ວນ ທັງພາກລັດ ແລະ ເອກະຊົນ, ປະຊາຊົນລາວບັນດາເຜົ່າທັງພາຍໃນ ແລະ ຕ່າງປະເທດ ພ້ອມດ້ວຍພໍ່ແມ່ປະຊາຊົນ ໃນທົ່ວເມືອງປາກລາຍ ເພື່ອມາທ່ຽວຊົມເທດສະການບຸນຜີໂຂນ ຕິດພັນກັບງານເປີດປີທອ່ງທ່ຽວລາວ 2018 ໃນທ້າຍເດືອນກຸມພາ-ຕົ້ນເດືອນມີນາ 2018 ທີ່ຈະມາເຖິງນີ້.

 

ແຫລ່ງຂ່າວ: ລາວອັບເດດ.

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...