spot_img
Homeຂ່າວການພັດທະນາເຊກອງຕ້ອງການງົບ 1 ພັນກວ່າຕື້ແກ້ທຸກຍາກປະຊາຊົນ

ເຊກອງຕ້ອງການງົບ 1 ພັນກວ່າຕື້ແກ້ທຸກຍາກປະຊາຊົນ

Published on

ເພື່ອສ້າງພື້ນຖານບາດລ້ຽວໃໝ່ແກ່ການພັດທະນາຊົນນະບົດ, ຮັບປະກັນໃຫ້ແກ່ສະຖຽນລະພາບທາງດ້ານການເມືອງ, ສັງຄົມມີຄວາມເປັນລະບຽບຮຽບຮ້ອຍ, ຄວາມທຸກຍາກຂອງປະຊາຊົນໄດ້ຮັບການແກ້ໄຂຢ່າງທົ່ວເຖິງ ແລະພັດທະນາແຂວງເຊກອງຫຼຸດພົ້ນອອກຈາກຄວາມທຸກຍາກ ໃນປີ 2020 ທັງນີ້ໃນ 5 ປີຕໍ່ໜ້າ ແຂວງມີຄວາມຕ້ອງການທຶນຈຳນວນ 1 ພັນກວ່າຕື້ກີບ ເພື່ອນຳໃຊ້ເຂົ້າໃນວຽກງານພັດທະນາ ຊົນນະບົດ ແລະລົບລ້າງຄວາມ ທຸກຍາກລວມທັງແກ້ໄຂບັນຫາ ລະເບີດບໍ່ທັນແຕກ.

ຕາມຂໍ້ມູນລາຍງານຈາກພະແນກແຜນການ ແລະການລົງທຶນ  ແຂວງເຊກອງໃຫ້ຮູ້ວ່າ: ທິດທາງລວມ ແລະຄາດໝາຍສູ້ຊົນ ຂອງແຂວງເຊກອງໃນແຜນພັດທະນາເສດຖະກິດສັງຄົມ 5 ປີຄັ້ງທີ VIII (2016-2020) ແມ່ນຈະສູ້ຊົນເຮັດໃຫ້ອັດຕາການເຕີບໂຕ ຂອງລວມຍອດຜະລິດຕະພັນພາຍໃນ ຫຼື GDP ເພີ່ມຂຶ້ນກວ່າ 10% ຕໍ່ປີ ແລະຮອດປີ 2020 ສະເລ່ຍ GDP ຕໍ່ຫົວຄົນໃຫ້ບັນລຸ 20 ລ້ານກວ່າກີບ.

ໃນຂະນະດຽວກັນດ້ານວຽກງານແກ້ໄຂຄວາມທຸກຍາກແມ່ນ ຈະສືບຕໍ່ສ້າງເງື່ອນໄຂອັນຈຳເປັນໃຫ້ທ້ອງຖິ່ນຮາກຖານໄດ້ຮັບການພັດທະນາຢ່າງວ່ອງໄວ, ໝັ້ນທ່ຽງ ແລະຍືນຍົງ ໂດຍຖືເອົາການຊຸກຍູ້ສົ່ງເສີມການຜະລິດເປັນສິນຄ້າ, ສ້າງໃຫ້ໄດ້ສິນຄ້າຕົວແບບ ແລະສິນຄ້າປາຍແຫຼມຢູ່ທ້ອງຖິ່ນຕ່າງໆ ເພື່ອແນໃສ່ລົບລ້າງບ້ານ, ຄອບຄົວ ແລະຄົນທຸກຍາກໃຫ້ຫຼຸດເປັນກ້າວໆ ໃນນີ້ບ້ານທຸກຍາກໃຫ້ຍັງເຫຼືອບໍ່ ເກີນ 5% ເທົ່າກັບ 4 ບ້ານຂອງ ຈຳນວນບ້ານທັງໝົດ, ຄອບຄົວ ທຸກຍາກໃຫ້ຍັງເຫຼືອຕ່ຳກວ່າ 5% ເທົ່າກັບ 9 ຮ້ອຍກວ່າຄອບຄົວ ແລະປະຊາກອນທີ່ຍັງທຸກຍາກໃຫ້ຍັງເຫຼືອຢູ່ປະມານ 10%.

ເພື່ອບັນລຸເປົ້າໝາຍດັ່ງກ່າວ ແຂວງມີຄວາມຕ້ອງການທຶນນຳໃຊ້ເຂົ້າໃນການປະຕິບັດໂຄງການພັດທະນາຊົນນະບົດ, ລົບລ້າງຄວາມທຸກຍາກ ແລະແກ້ໄຂລະເບີດບໍ່ທັນແຕກທັງໝົດສູງເຖິງພັນຕື້ກວ່າກີບ ໃນນີ້ຮ່ວງພັດທະນາຊົນນະບົດ ແລະລົບລ້າງຄວາມທຸກຍາກຂັ້ນກຸ່ມບ້ານຕ້ອງການ 590 ຕື້ກີບ, ຮ່ວງຈັດສັນພູມລຳເນົາ ແລະຈັດສັນບ່ອນທຳມາຫາກິນໃຫ້ປະຊາຊົນ 360 ຕື້ກີບ, ຮ່ວງຮ່ວມມືພັດທະນາຊາຍແດນລາວ-ຫວຽດນາມ 20 ຕື້ກີບ.

ແນວໃດກໍດີ ຂໍ້ມູນຍັງໃຫ້ຮູ້ອີກວ່າ: ໃນ 5 ປີຜ່ານມາພັກລັດຖະບານກໍຄືສະພາແຫ່ງຊາດໄດ້ຈັດສັນງົບເຂົ້າໃນການພັດທະນາຊົນນະບົດຢູ່ແຂວງເຊກອງທັງໝົດກວ່າ 60 ຕື້ກີບ ໃສ່ 77 ໂຄງການ ໂດຍສ່ວນໃຫຍ່ແມ່ນສຸມໃສ່ການພັດທະນາພື້ນຖານໂຄງລ່າງເປັນຕົ້ນແມ່ນ ເສັ້ນທາງຄົມມະນາຄົມ, ໂຮງຮຽນ, ສຸກສາລາ ແລະອື່ນໆທັງໝົດເຫຼົ່ານີ້ປະກອບສ່ວນສຳຄັນເຂົ້າໃນການແກ້ໄຂຄວາມທຸຍາກຂອງປະຊາຊົນ.

ໂດຍປະຈຸບັນແຂວງເຊກອງມີ ທັງໝົດ 200 ບ້ານ 19 ພັນກວ່າ ຄອບຄົວ, ມີພົນລະເມືອງ 1 ແສນກວ່າຄົນ ຊຶ່ງໃນນີ້ມີບ້ານທຸກຍາກ 89 ບ້ານກວມເອົາກວ່າ 40% ທຽບໃສ່ປີ 2010 ບ້ານທຸກຍາກຫຼຸດລົງ 62  ບ້ານ ຄອບຄົວທຸກຍາກ  1.772 ຄອບຄົວ ກວມເອົາ 11,9% ຫຼຸດລົງ 3.651 ຄອບຄົວ ແລະອັດຕາປະຊາກອນທຸກຍາກຫຼຸດລົງຈາກ 34% ໃນປີ 2010 ຍັງເຫຼືອ 18,41% ໃນປີ 2015.

ທີ່ມາ: ໜັງສືພິມເສດຖະກິດ-ສັງຄົມ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...