ເຈົ້າແຂວງຫຼວງພະບາງແຈ້ງການຍົກເລີກບາງກິດຈະກຳໃນງານປີໃໝ່ລາວ ຫຼຸດຜ່ອນຄວາມສ່ຽງ COVID-19

0
108
Luang Prabang Songkran
Luang Prabang Songkran

ທ່ານ ຄຳຂັນ ຈັນທະວີສຸກ ເຈົ້າແຂວງຫຼວງພະບາງໄດ້ອອກຈົດໝາຍລາຍງານຂໍທິດຊີ້ນຳກັບທ່ານນາຍົກລັດຖະມົນຕີ ເພື່ອຂໍໂຈະບາງກິດຈະກຳ ໃນການສະເຫຼີມສະຫຼອງບຸນປີໃໝ່ລາວ ພສ 2563 ເພື່ອເປັນການປ້ອງກັນ ຄວບຄຸມ ແລະ ຫຼຸດຜ່ອນຄວາມສ່ຽງຕໍ່ການຕິດເຊື້ອພະຍາດ COVID-19 ເຊັ່ນ: ການຈັດງານປະກວດນາງສັງຂານ ໃນວັນທີ 10 – 11 ເມສາ, ຕະຫຼາດນັດມວນຊົນ ຕາມເສັ້ນທາງກາງເມືອງ ໃນວັນທີ 13 ເມສາ, ການລົງຕົບພະທາດຊາຍ ທີ່ດອນຊາຍມຸງຄູນ ໃນວັນທີ 13 ເມສາ, ການແຫ່ວໍ່ທີ່ມີຂະບວນມວນຊົນເຂົ້າຮ່ວມຢ່າງຫຼວງຫຼາຍ ໃນວັນທີ່ 14 -15 ເມສາ

ສ່ວນກິດຈະກຳທີ່ກ່ຽວພັນເຖິງຮີດຄອງປະເພນີຕັ້ງແຕ່ດຶກດຳບັນເຊັ່ນ ພີທີອັນເຊີນພະບາງລົງສົງແລະການແຫ່ວໍ່ (ສົງນໍ້າຄູບາ ພະສົງໃນແຕ່ລະວັດ) ເຊິ່ງບໍ່ມີມວນຊົນຫຼືແຂກເຂົ້າຮ່ວມຫຼາຍ ແມ່ນຈະໄດ້ສືບຕໍ່ປະຕິບັດຄືເກົ່າ.

ຮຽບຮຽງໂດຍ ວະນິດາ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.