spot_img
Homeຂ່າວຕ່າງປະເທດເຈົ້າຂອງຫົວເຫວີ່ຍກ່າວ ສະຫະລັດບໍ່ສາມາດກຳຈັດຫົວເຫວີ່ຍໄດ້

ເຈົ້າຂອງຫົວເຫວີ່ຍກ່າວ ສະຫະລັດບໍ່ສາມາດກຳຈັດຫົວເຫວີ່ຍໄດ້

Published on

ສຳນັກຂ່າວຕ່າງປະເທດລາຍງານ ເມື່ອວັນທີ 19 ກຸມພາ 2019 ວ່າ ສະຖານີໂທລະທັດບີບີຊີຂອງອັງກິດເຜີຍແຜ່ບົດສຳພາດຂອງທ່ານ ເຫຼິນ ເຈິ້ງຟູ ໄວອາຍຸ 74ປີ ອະດີດນັກວິເຄາະຂອງກອງທັບປົດປ່ອຍປະຊາຊົນຈີນ ແລະ ຍັງເປັນຜູ້ກໍ່ຕັ້ງບໍລິສັດ ຫົວເຫວີ່ຍ ເຕັກໂນໂລຢີ ຜູ້ຜະລິດອຸປະກອນສື່ສານໂທລະຄົມຂະໜາດໃຫຍ່ທີ່ສຸດຂອງໂລກຈາກຈີນ ນີ້ເປັນຄັ້ງທຳອິດໃນຮອບຫຼາຍປີທີ່ທ່ານ ເຫຼິນ ສົນທະນາກັບຜູ້ສື່ຂ່າວຕ່າງຊາດ ແລະ ສຳພາດຄັ້ງນີ້ໄດ້ມີການບັນທຶກໄວ້ຕັ້ງແຕ່ກາງເດືອນມັງກອນ 2019 ທີ່ຜ່ານມາ ແລະ ເປັນຄັ້ງດຽວທີ່ທ່ານ ເຫຼິນ ອອກມາຖະແຫຼງການກັບສື່ຕ່າງຊາດຫຼາຍສຳນັກກ່ຽວກັບສະຖານະການຂອງບໍລິສັດ.

ທ່ານ ເຫຼິນ ໄດ້ກ່າວວ່າ ຕໍ່ກັບຄະດີຄວາມຂອງທາຍາດຫົວເຫວີ່ຍ ນາງ ເມິ່ງ ຫວ່ານໂຈ ທີ່ຖືກທາງການການາດາຈັບກຸມຕົວໃນວັນທີ 1 ທັນວາ 2018ທີ່ຜ່ານມາ ແລະ ກຳລັງລໍຖ້າການພິຈາລະນາຈາກສານວ່າຈະສົ່ງຕົວໄປທີ່ສະຫະລັດ ຫຼື ບໍ່ນັ້ນ ຄິດວ່າເປັນຄະດີທາງການເມືອງ ທີ່ຕົວເຂົາບໍ່ສາມາດຍອມຮັບໄດ້ ແລະ ມີຄວາມວິຕົກກັງວົນຢ່າງຍິ່ງຕໍ່ຊີວິດການເປັນຢູ່ຂອງລູກສາວນັບຕັ້ງແຕ່ຮັບຮູ້ຂ່າວ ພ້ອມທັງຢືນຢັນວ່າຫົວເຫວີ່ຍ ບໍ່ເຄີຍມີສວ່ນກ່ຽວຂ້ອງກັບການເຮັດກິດຈະກຳສອດແນມເອົາຄວາມລັບໃດໆທັງນັ້ນ.

ທັງນີ້, ທ່ານ ເຫຼິນໄດ້ກ່າວຕື່ມອີກວ່າ ໂລກບໍ່ສາມາດຫັນຫຼັງໃຫ້ກັບຫົວເຫວີ່ຍໄດ້ ເພາະຕອນນີ້ບໍລິສັດໄດ້ພັດທະນາເຕັກໂນໂລຢີດ້ານນີ້ໄປໄກຫຼາຍແລ້ວ ເຖິງແມ່ນວ່າສະຫະລັດຈະພະຍາຍາມ ເກ້ຍກ່ອມໃຫ້ປະເທດພັນທະມິດລະງັບ ຫຼື ຢຸດຕິຄວາມສຳພັນກັບຫົວເຫວີ່ຍ ແຕ່ບໍລິສັດສາມາດຫາທາງເພື່ອຮັບມືກັບສະຖານະການໄດ້ ຫາກລັດຖະບານສະຫະລັດຍັງບໍ່ມີຄວາມເຊື່ອໃຈຕໍ່ຫົວເຫວີ່ຍ ເຂົາຈະສາມາດຍ້າຍການລົງທຶນຂອງບໍລິສັດໄປທີ່ປະເທດອື່ນ “ສະຫະລັດບໍ່ມີທາງທຳລາຍຫົວເຫວີ່ຍໄດ້” ແລະ ສະຫະລັດເປັນພຽງສ່ວນໜຶ່ງຂອງໂລກນີ້ ບໍ່ແມ່ນຕົວແທນຂອງໂລກນີ້.

 

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...