ເງິນໂດລາແຂງຄ່າສວນທາງເສດຖະກິດໂລກປັດຈຸບັນ

ເວັບໄຊ bangkokbiznews ລາຍງານເມື່ອເວລາ 23:24 ນາທີ ຂອງວັນທີ 21 ກັນຍາ 2020 ວ່າ ເງິນໂດລາແຂງຄ່າ 0.15% ສູ່ລະດັບ 104.71 ເຢນ ໃນຂະນະທີ່ເງິນເອີໂຣປັບຕົວລົງ 0.76% ສູ່ລະດັບ 122.91 ເຢນ ແລະ ອ່ອນຄ່າລົງ 0.84% ສູ່ລະດັບ 1.1740 ໂດລາ ສ່ວນດັດຊະນີໂດລາບວກ 0.86% ສູ່ລະດັບ 93.73%.

ນັກລົງທຶນໄດ້ຕິດຕາມເບິ່ງຖະແຫຼງການຂອງເຈົ້າໜ້າທີ່ທະນາຄານກາງອາເມລິກາ (ເຟດ) ເພື່ອຫາສັນຍານບົ່ງບອກການອອກມາດຕະການກະຕຸ້ນເສດຖະກິດຮອບໃໝ່ ໂດຍເຈົ້າໜ້າທີ່ທະນາຄານກາງຫຼາຍທ່ານລວມເຖິງທ່ານ ເຈີໂຣມ ພາວເວລ ປະທານທະນາຄານກາງ ມີກຳນົດຈະອອກຖະແຫຼງການຕໍ່ຄະນະກຳມະການໃນກອງປະຊຸມໃນອາທິດນີ້.

ນອກຈາກນີ້, ຕະຫຼາດຍັງມີຄວາມວິຕົກກັງວົນຕໍ່ຄວາມຂັດແຍ້ງລະຫວ່າງສະພາຄອງເກຣສ ແລະ ທຳ ນຽບຂາວໃນການອອກມາດຕະການກະຕຸ້ນເສດຖະກິດຄັ້ງໃໝ່ ເພື່ອຊ່ວຍເຫຼືອຜູ້ທີ່ໄດ້ຮັບຜົນກະທົບຈາກໂຄວິດ-19.

ຮຽບຮຽງຂ່າວ: ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.