spot_img
Homeຂ່າວການພັດທະນາເຂື່ອນໄຟຟ້ານ້ຳມັງ 1 ຄືບໜ້າ 99% ຄາດເດີນເຄື່ອງຜະລິດ ເດືອນຕຸລານີ້!

ເຂື່ອນໄຟຟ້ານ້ຳມັງ 1 ຄືບໜ້າ 99% ຄາດເດີນເຄື່ອງຜະລິດ ເດືອນຕຸລານີ້!

Published on

ຂປລ. ໂຄງ​ການກໍ່ສ້າງເຂື່ອນໄຟຟ້ານ້ຳມັງ 1 ຕັ້ງຢູ່ສາຍນ້ຳມັງ ເຂດບ້ານໂພນສະຫວັນ ເມືອງທ່າພະບາດ ແຂວງບໍ​ລິ​ຄຳ​ໄຊ ​ໂດຍ​ກວມ​​ເນື້ອ​ທີ່ ເມືອງ​ທ່າພະບາດ ແຂວງບໍລິຄຳໄຊ ແລະ ເມືອງຮົ່ມ ແຂວງໄຊສົມບູນ. ປັດຈຸ​ບັນການກໍ່ສ້າງສຳເລັດ​ 99% ຂອງໜ້າວຽກທັງໝົດ ພາຍຫລັງລົງມື​ການກໍ່ສ້າງມາແຕ່ຕົ້ນປີ 2013 ​ແລະ ຄາດວ່າຈະ​ເປີດ​ການຜະລິດ​​ໄຟຟ້າ​ ໃນເດືອນຕຸລາ 2016 ນີ້.

ທ່ານ ຄຳສິງ ສາຍພູວົງ ຮອງຫົວໜ້າພະແນກພະລັງງານ ແລະ ບໍ່ແຮ່ແຂວງບໍລິ​ຄຳ​ໄຊ ​​ໄດ້ໃຫ້​ສຳພາດ​ຕໍ່​ສື່​ມວນ​ຊົນ​ໃນ​ວັນ​ທີ 2 ສິງຫາ ​ນີ້ວ່າ: ໂຄງ​ການດັ່ງກ່າວ ​​ພາຍ​​ໃຕ້​ການ​ຄວບ​ຄຸມ​ການກໍ່​ສ້າງ ແລະ​ ດຳ​ເນີນ​ງານ​ຂອງ ບໍ​ລິສັດນ້ຳມັງ 1, ປະກອບມີ 4 ຂາຮຸ້ນໃຫຍ່ ຄື: ບໍລິສັດ ດົງຟ່າງ ສຈີນຖືຮຸ້ນ 75%, ລັດວິສາຫະກິດໄຟຟ້າລາວ ຖືຮຸ້ນ 10%, ບໍລິສັດເອຊີ (AC Industrial Ltd) ຖືຮຸ້ນ 10,75% ແລະ ບໍລິສັດ ສາຍທາ ກໍ່ສ້າງຈຳກັດຜູ້ດຽວ ຖືຮຸ້ນ 4,25%. ລວມູນຄ່າໃນການກໍ່ສ້າງທັງໝົດ 94,99 ລ້ານໂດລາສະຫະລັດ.

​​ເຂື່ອນດັ່ງກ່າວ ​ສ້າງດ້ວຍ​ບົບຄອນກຣີດ, ​ຄວາມສູງຂອງເຂື່ອນ 70 ​ແມັດ, ລະດັບສັນເຂື່ອນ EL 265 ​ແມັດ, ຄວາມຍາວຂອງສັນເຂື່ອນ 273 ​ແມັດ, ກວ້າງ 8 ​ແມັດ, ​ເນື້ອທີ່ອ່າງໂຕ່ງ 620.5 km2, ​ເນື້ອ​ທີ່ອ່າງເກັບນ້ຳ 0.32 km2, ມີກຳລັງຕິດຕັ້ງ 64 MW, ຈະສາມາດຜະລິດພະລັງງານ ໄດ້ 224.8 GWh/ປີ ແລະລະບົບສາຍສົ່ງ 115 kV ມີຄວາມຍາວ 6.64 km ເຊື່ອມຕໍ່ເຂົ້າສະຖານີ​​ໄຟຟ້າທ່າບົກ.​

 

ແຫລ່ງຂ່າວ:

ຂປລ

ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...