spot_img
Homeຂ່າວຕ່າງປະເທດເກົາຫຼີເໜືອຈະບໍ່ຍອມເຈລະຈາກັບລັດຖະບານສະຫະລັດອີກແລ້ວ

ເກົາຫຼີເໜືອຈະບໍ່ຍອມເຈລະຈາກັບລັດຖະບານສະຫະລັດອີກແລ້ວ

Published on

ສຳນັກຂ່າວຕ່າງປະເທດລາຍງານຈາກນະຄອນຫຼວງຮ່າໂນ້ຍ ປະເທດຫວຽດນາມ ເມື່ອວັນທີ 1 ມີນາ 2019 ທີ່ຜ່ານມາວ່າ ທ່ານ ນາງ ໂຊ ຊອນ ຮີ ລັດຖະມົນຕີກະຊວງການຕ່າງປະເທດເກົາຫຼີເໜືອກ່າວວ່າ ຈາກທ່າທີຂອງທ່ານ ຄິມ ຈອງ ອຶນ ຜູ້ນຳສູງສຸດຂອງປະເທດ “ໝົດອາລົມ” ໃນການເຈລະຈາກັບສະຫະລັດ ເນື່ອງຈາກ “ເປັນເລື່ອງຍາກທີ່ຈະເຂົ້າໃຈ”.

ຄຳກ່າວຂອງທ່ານ ນາງ ໂຊ ຊອນ ຮີ ເປັນການເພີ່ມນໍ້າໜັກໃຫ້ກັບຄຳຖະແຫຼງການຂອງທ່ານ ຣີ ຢອງ ໂຮ ລັດຖະມົນຕີກະຊວງການຕ່າງປະເທດຂອງເກົາຫຼີເໜືອ ເຊິ່ງກ່າວກ່ອນໜ້ານີ້ບໍ່ພໍເທົ່າໃດຊົ່ວໂມງ ວ່າສະຫະລັດ ເປັນຝ່າຍຖິ້ມໂອກາດທີ່ອາດຈະບໍ່ເກີດຂຶ້ນອີກ ໂດຍທ່ານ ຣີ ຍອງ ໂຮ ກ່າວວ່າລັດຖະບານເກົາຫຼີເໜືອຍື່ນຂໍ້ສະເໜີເປັນລາຍລັກອັກສອນໃນເລື່ອງການລະງັບທົດສອບອາວຸດນິວເຄຣຍ ແລະ ຂີປະນາວຸດຂ້າມທະວີບ ເພື່ອແລກກັບການຜ່ອນມາດຕະການຄວໍ້າບາດໃນສ່ວນທີ່ສົ່ງຜົນກະທົບຕໍ່ຄຸນນະພາບຊີວິດຂອງພົນລະເມືອງເກົາຫຼີເໜືອ ບໍ່ແມ່ນການຮຽກຮ້ອງໃຫ້ລັດຖະບານສະຫະລັດຍົກເລີກການຄວໍ້າບາດທັງໝົດ ຕາມທີ່ປະທານາ ທິບໍດີ ໂດນັລ ທຣໍ້າ ກ່າວອ້າງ ແລະ ຜູ້ນຳສະຫະລັດຍອມຮັບວ່າ ຜູ້ນຳທັງສອງປະເທດມີວິໄສທັດເລື່ອງໂຄງການນິວເຄຣຍທີ່ “ແຕກຕ່າງກັນ”.

ທ່ານ ໄມ ປອມເປໂອ ລັດຖະມົນຕີກະຊວງການຕ່າງປະເທດສະຫະລັດກ່າວວ່າ ລັດຖະບານສະຫະລັດຈະພະຍາຍາມເດີນໜ້າຕໍ່ທັນທີເພື່ອຈັດການພົບປະຫາລືຄັ້ງໃໝ່ກັບລັດຖະບານເກົາຫຼີເໜືອ ດ້ານທຳນຽບປະທານປະເທດເກົາຫຼີໃຕ້ອອກຖະແຫຼງການຍອມຮັບວ່າ “ຜິດຫວັງ” ກັບການປະຊຸມທີ່ຮ່າໂນ້ຍທີ່ຈົບລົງດ້ວຍການປາສະຈາກການລົງນາມຂໍ້ຕົກລົງໃດໆ ແຕ່ກໍ່ເຊື່ອໝັ້ນວ່າທັງສອງປະເທດຈະສາມາດກັບມາພົບປະຫາລືກັນໄດ້ອີກຄັ້ງ.

 

 

 

 

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...