spot_img
Homeຂ່າວຕ່າງປະເທດເກົາຫຼີເໜືອຂູ່ຈະກັບມາທົດສອບນິວເຄຣຍອີກຄັ້ງຖ້າສະຫະລັດບໍ່ຢຸດການຄວ້ຳບາດ

ເກົາຫຼີເໜືອຂູ່ຈະກັບມາທົດສອບນິວເຄຣຍອີກຄັ້ງຖ້າສະຫະລັດບໍ່ຢຸດການຄວ້ຳບາດ

Published on

ຄັ້ງທຳອິດທີ່ລັດຖະບານປຽງຢາງຂູ່ຈະກັບໄປທົດສອບອາວຸດນິວເຄຍອີກຄັ້ງ ແລະ ຈະເດີນໜ້າພັດທະນາໂຄງການອື່ນໆ ຖ້າສະຫະລັດຍັງບໍ່ຢຸດຄວ້ຳບາດທາງເສດຖະກິດຢ່າງເຂັ້ມງວດຕໍ່ເກົາຫຼີເໜືອ.

ສຳນັກຂ່າວຕ່າງປະເທດລາຍງານເມື່ອວັນທີ 4 ພະຈິກ 2018 ວ່າ ກະຊວງການຕ່າງປະເທດເກົາຫຼີເໜືອໄດ້ອອກຖະແຫຼງການໃນແລງຂອງວັນທີ 2 ພະຈິກ 2018ທີ່ຜ່ານມາ ລະບຸວ່າ ເກົາຫຼີເໜືອຈະກັບໄປໃຊ້ນະໂຍບາຍ “ພະຍອງຈິນ” ເຊິ່ງເປັນນະໂຍບາຍຂອງການພັດທະນາຄວບຄູ່ກັນໄປລະຫວ່າງຄວາມສາມາດດ້ານນິວເຄຣຍກັບການພັດທະນາເສດຖະກິດຂອງປະເທດ ຫາກສະຫະລັດອາເມລິກາບໍ່ຍອມປ່ຽນແປງທ່າທີທີ່ມີຢູ່ຕໍ່ເກົາຫຼີເໜືອໃນປັດຈຸບັນ.

“ຄຳວ່າພະຍອງຈິນອາດຈະກັບຄືນມາອີກຄັ້ງ ແລະ ອາດມີການທົບທວນກັນຢ່າງຈິງຈັງກ່ຽວກັບການປ່ຽນແປງທີ່ຈະເກີດຂຶ້ນ”  ຄຳຖະແຫຼງການທີ່ສຳນັກຂ່າວ KCNA ຂອງເກົາຫຼີເໜືອນຳອອກມາເຜີຍແຜ່ລະບຸ ແລະ ຍັງກ່າວວ່າ ສະຫະລັດບໍ່ຍອມເຮັດຕາມຄຳໝັ້ນທີ່ມີຂຶ້ນໃນລະຫວ່າງການພົບປະກັນຂອງທ່ານ ຄິມ ຈອງ ອຶນ ຜູ້ນຳເກົາຫຼີເໜືອ ກັບ ປະທານາທິບໍດີ ໂດນັລ ທຣ້ຳ ຂອງສະຫະລັດ ເມື່ອເດືອນມິຖຸນາ 2018 ທີ່ສິງກະໂປ ໃນການເດີນໜ້າວຽກງານເພື່ອໃຫ້ແຫຼມເກົາຫຼີປອດໄພຈາກນິວເຄຣຍ ແຕ່ກັບມີຄວາມຄືບໜ້າໜ້ອຍຫຼາຍ ແລະ ລັດຖະບານວໍຊິງຕັນຍັງເດີນໜ້າມາດຕະການຄວ້ຳບາດຕໍ່ເກົາຫຼີເໜືອ ແລະ ລະບຸວ່າ “ການຍົກລະດັບຄວາມສຳພັນ ກັບການຄວ້ຳບາດມັນເຂົ້າກັນບໍ່ໄດ້”.

 

ຮຽບຮຽງຂ່າວ: ບຸດສະດີ ສາຍນ້ຳມັດ
ແຫຼ່ງຂໍ້ມູນ: matichonthairath
ຮູບປະກອບ: 
sootinclaimon.wordpress.com

 

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...