spot_img
Homeຂ່າວຕ່າງປະເທດເກີດເຫດເຮືອຈົມຢູ່ອັງກິດ ມີຜູ້ເສຍຊີວິດເຖິງ 31 ຄົນ

ເກີດເຫດເຮືອຈົມຢູ່ອັງກິດ ມີຜູ້ເສຍຊີວິດເຖິງ 31 ຄົນ

Published on

ວັນທີ 25 ພະຈິກ 2021 ສໍານັກຂ່າວ mgronline ລາຍງານວ່າ ມີຜູ້ເສຍຊີວິດ 31 ຄົນ ໃນນັ້ນມີຜູ້ຍິງ 5 ຄົນ ຫຼັງຈາກເຮືອຢາງຂອງພວກເຂົາເກີດເຫດຈົມລະຫວ່າງຂ້າມຊ່ອງແຄບອັງກິດ ຈາກຝຣັ່ງໄປຍັງອັງກິດ ເປັນການເກີດເຫດທີ່ຮ້າຍແຮງທີ່ສຸດໃນປະຫວັດສາດທີ່ກ່ຽວຂ້ອງກັບຜູ້ລີ້ໄພທີ່ກັ້ນກາງລະຫວ່າງສອງປະເທດ.

ຊ່ອງແຄບຂອງອັງກິດ ເປັນໜຶ່ງໃນເສັ້ນທາງການເດີນເຮືອທີ່ນໍາໃຊ້ຫຼາຍທີ່ສຸດຂອງໂລກ ມີກະແສນໍ້າທີ່ຮຸ່ນແຮງ ຫຼາຍຄັ້ງເຮືອຢາງທີ່ບັນທຸກເຄື່ອງຈໍານວນຫຼາຍຍັງສວດມົນພາວະນາຂໍຄວາມເມດຕາຈາກຄື້ນນໍ້າ ໃນຂະນະທີ່ພວກເຂົາພະຍາຍາມມຸ້ງໜ້າໄປໃຫ້ເຖິງແຄມຝັ່ງຂອງອັງກິດ.

ມີລາຍງານລະບຸວ່າ ມີຄົນຢູ່ໃນເຮືອ 34 ຄົນ ໃນນັ້ນເສຍຊີວິດ 31 ຄົນ, ມີ 2 ຄົນ ໄດ້ຮັບຄວາມຊ່ວຍເຫຼືອແລ້ວ ແລະ ມີອີກ 1 ຄົນຍັງສູນຫາຍ ສ່ວນຜູ້ທີ່ລອດຊີວິດ 2 ຄົນນັ້ນ ກໍຍັງບໍ່ພົ້ນຂີດອັນຕະລາຍ ເພາະພວກເຂົາຍັງມີອາການອຸນຫະພູມຮ່າງກາຍຕໍ່າຮຸ່ນແຮງ.

ພວກຊາວປະມົງເລົ່າວ່າ ຮອບນີ້ມີຜູ້ອົບພະຍົບຫຼາຍກວ່າປົກກະຕິ ອອກເດີນທາງຂ້າມຊ່ອງແຄບຈາກແຄມຝັ່ງຂອງຝຣັ່ງ ເຖິງນໍ້າຈະມີອຸນຫະພູມເຢັນກໍຕາມ. ນາຍົກລັດຖະມົນຕີຂອງອັງກິດກ່າວ່າ ເຂົາຮູ້ສຶກຕົກໃຈ ແລະ ເສຍໃຈຕໍ່ກັບເຫດການດັ່ງກ່າວທີ່ເກີດຂຶ້ນນີ້ ພ້ອມທັງສົ່ງຄວາມຫ່ວງໃຍໃຫ້ກັບບັນດາຄອບຄົວທີ່ປະສົບໄພດັ່ງກ່າວ.

ກ່ອນໜ້ານີ້ ເຄີຍມີຜູ້ລີ້ໄພ 14 ຄົນຈົມນໍ້າເສຍຊີວິດຂະນະທີ່ພະຍາຍາມເດີນທາງໄປຍັງອັງກິດ ໃນປີ 2020 ມີຜູ້ເສຍຊີວິດລວມ 7 ຄົນ ແລະ ສູນຫາຍ 2 ຄົນ, ປີ 2019 ມີຜູ້ເສຍຊີວິດ 4 ຄົນ.

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...