spot_img
Homeຂ່າວຕ່າງປະເທດເກີດເຫດປະທ້ວງທີ່ກາຊັກສະຖານ ຍ້ອນລັດຖະບານຂຶ້ນລາຄາແກັສນໍ້າມັນເຮັດໃຫ້ປະຊາຊົນເດືອດຮ້ອນ

ເກີດເຫດປະທ້ວງທີ່ກາຊັກສະຖານ ຍ້ອນລັດຖະບານຂຶ້ນລາຄາແກັສນໍ້າມັນເຮັດໃຫ້ປະຊາຊົນເດືອດຮ້ອນ

Published on

ວັັນທີ 6 ມັງກອນ 2022 ສໍານັກຂ່າວ CNN ໄດ້ລາຍງານກ່ຽວກັບເຫດປະທ້ວງຮຸນແຮງທີ່ເກີດຂຶ້ນຢູ່ທີ່ເມືອງອັນມາດີ ເມືອງທີ່ໃຫຍ່ທີ່ສຸດຂອງປະເທດກາຊັກ ຕັ້ງແຕ່ວັນທີ 1 ມັງກອນ 2022 ເຮັດໃຫ້ມີຜູ້ເສຍຊີວິດແລ້ວຫຼາຍສິບຄົນ, ບາດເຈັບລວມພັນຄົນ ໂດຍໃນຈໍານວນດັ່ງກ່າວ ແມ່ນມີຕໍາຫຼວດທີ່ເສຍຊີວິດຢ່າງໜ້ອຍ 13 ຄົນ, ມີຜູ້ບາດເຈັບຈົນໄດ້ເຂົ້າໂຮງໝໍເກືອບ 400 ຄົນ ແລະ 62 ຄົນແມ່ນກໍາລັງປິ່ນປົວໃນຫ້ອງໄອຊີຢູ.

ການປະທ້ວງຢູ່ທີ່ກາຊັກສະຖານ ເລີ່ມຕົ້ນຂຶ້ນຫຼັງຈາກລັດຖະບານໄດ້ຂຶ້ນລາຄາແກັສນໍ້າມັນ (LPG) ໃນຊ່ວງຕົ້ນເດືອນທີ່ຜ່ານມາ ສົ່ງຜົນໃຫ້ປະຊາຊົນທີ່ຈໍາເປັນຕ້ອງໃຊ້ແກັສນໍ້າມັນດັ່ງກ່າວ ຮູ້ສຶກບໍ່ພໍໃຈ ແລະ ອອກມາປະທ້ວງຢ່າງຮຸນແຮງ ກ່ອນຈະເກີດແຮງຈຸງໃຈໃຫ້ເກີດການປະທ້ວງໃຫຍ່ ແລະ ລຸກລາມໄປຍັງເລື່ອງການເມືອງອື່ນໆ.

ການປະທ້ວງຍັງເກີດຂຶ້ນຢ່າງຕໍ່ເນື່ອງ ຫຼັງຈາກທີ່ຜ່ານໄປຫຼາຍມື້ ກຸ່ມທີ່ຕໍ່ຕ້ານລັດຖະບານກໍໄດ້ກໍ່ເຫດເຂົ້າໄປຍັງທີ່ພັກປະທານາທິບໍດີ ພ້ອມທັງຈູດໄຟເຜົາສໍານັກງານຢູ່ທີ່ເມືອງອັນມາຕິ ແລະ ຍັງຈຸດໄຟເຜົາລົດອີກຫຼາຍຄັນ ນອກຈາກນັ້ນຍັງໄດ້ພາກັນເຂົົ້າໄປກໍ່ເຫດພາຍໃນສະໜາມບິນອີກດ້ວຍ, ຂະນະ​ທີ່​ລັດຖະບານ ​ພະຍາຍາມ​ເຮັດ​ໃຫ້​ການ​ປະ​ທ້ວງ​ສະຫງົບ​ລົງ ໂດຍການປະກາດລາຄາແກັສ (LPG) ອີກຄັ້ງ ເປັນເວລາ 6 ເດືອນ ກ່ອນທີ່ລັດຖະບານຈະລາອອກທັງກຸ່ມ ແຕ່ກໍບໍ່ໄດ້ຜົນ.

ວັນທີ 6 ມັງກອນ ທີ່ຜ່ານມາ ຍັງມີການປະທະກັນລະຫວ່າງກຸ່ມຄົນປະທ້ວງກັບເຈົ້າໜ້າທີ່ເຊິ່ງໄດ້ໃຊ້ປືນຍິງເຂົົ້າໃສ່ຜູ້ທີ່ຊຸມນຸມ ແລະ ເກີດມີສຽງລະເບີດດັາງຂຶ້ນຫຼາຍຄັັ້ງ.

ອົງກອນສົນທິສັນຍາຄວາມໝັ້ນຄົງຮ່ວມ (Collective Security Treaty Organization: CSTO) ເຊິ່ງເປັນກຸ່ມພັນທະມິດທາງທະຫານລະຫວ່າງ ລັດຖະບານລັດເຊຍ, ເບລາລຸສ, ອາເມເນຍ, ກາຊັກສະຖານ, ສີກີສສະຖານ ແລະ ທາຈິກິສະຖານ ເປີດເຜີຍ ວັນທີ 6 ມັງກອນ ວ່າ ພວກເຂົາໄດ້ສົ່ງເຈົ້າໜ້າທີ່ຮັກສາຄວາມສະຫງົບຈາກລັດເຊຍໄປທີ່ກາຊັກສະຖານແລ້ວ ຕາມຄໍາຮຽກຮ້ອງຂອງປະທານາທິບໍດີ ຄັດຊິມ ໂຈມາດ ໂຕຄາເຢ ເພື່ອຄຸ້ມຄອງລັດຖະບານ

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...