ຮ່ວມເຊຍ “ອອນອານົງ” Miss Universe Laos 2018 ໃນຮອບຕັດສິນ

0
6316

ປັດຈຸບັນການປະກວດເວທີ ນາງງາມຈັກກະວານ 2018 ຫຼື Miss Universe 2018 ທີ່ຈັດຂຶ້ນໃນບາງກອກ ປະເທດໄທ ກໍ່ໄດ້ດຳເນີນມາເຖິງຮອບຄັດເລືອກ ເປັນຮອບເກັບຄະແນນທີ່ສາວງາມຜູ້ເຂົ້າປະກວດທັງ 94 ປະເທດ ໄດ້ຂຶ້ນເວທີເພື່ອແນະນຳຕົວເອງ ແລະ ອວດຮູບຮ່າງໃນຊຸດລອຍນໍ້າ ແລະ ຊຸດຣາຕີຕໍ່ໜ້າຄະນະກຳມະການ.

ການປະກວດ Miss Universe 2018 ໃນປີນີ້ ປະເທດລາວເຮົາໄດ້ສົ່ງ ນາງ ອອນອານົງ ຫອມສົມບັດ Miss Universe Laos 2018 ເຂົ້າຮ່ວມ. ຕະຫຼອດໄລຍະເວລາໃນການເກັບຕົວ ແລະ ເຮັດກິດຈະກຳຕ່າງໆກັບທາງກອງປະກວດ “ອອນອານົງ” ກໍ່ມີຄວາມໂດດເດັ່ນບໍ່ວ່າຈະເປັນທາງດ້ານຮູບຮ່າງໜ້າຕາ, ຄວາມສາມາດ, ທັກສະດ້ານພາສາບໍ່ໜ້ອຍໜ້າສາວງາມຈາກຊາດໃດໃນໂລກ ໂດຍສະເພາະໃນຮອບປະກວດຊຸດປະຈຳຊາດ ເຊິ່ງ “ຊຸດກິນນະລີ” ຊຸດປະຈຳຊາດລາວ ໄດ້ຕິດ 1 ໃນ 10 ຊຸດປະຈຳຊາດທີ່ດີທີ່ສຸດ.

ເຖິງແມ່ນວ່າ ໃນຮອບຄັດເລືອກ ທີ່ຈັດຂຶ້ນໃນວັນທີ 13 ທັນວາ 2018 ທີ່ຜ່ານມາ “ອອນອານົງ” ຈະບໍ່ໄດ້ຕິດ 1 ໃນ 30 ສາວງາມ ແຕ່ແຟນໆຊາວລາວກໍ່ຢ່າຟ້າວໝົດຫວັງ ທຸກຄົນຍັງສາມາດສົ່ງກຳລັງໃຈໄປເຊຍ Miss Universe Laos 2018 ພ້ອມກັນໄດ້ໃນຮອບການຕັດສິນ (Final Round) ໃນວັນຈັນທີ 17 ທັນວາ 2018, ເວລາ 7:00 ໂມງ, ຖ່າຍທອດສົດທີ່ ອິມແພັດ ອາຣີນາ ເມືອງທອງທານີ ຜ່ານໂທລະພາບຊ່ອງ PPTV (ປະເທດໄທ).

ນ້ອງນາງສາວ ອອນອານົງ ຫອມສົມບັດ Miss Universe Laos 2018 ໃສ່ສຸດປະຈຳຊາດ ປະກວດເຖີງເວທີ ທີ່ Nice ສູນປະຊຸມນານາຊາດ ສວນນຸງນຸດ ທີ່ພັດທະຍາ ແຂວງຊົນບຸລີ ປະເທດໄທ, ນ້ອງ ອອນອານົງ ໃນເວລາໄດ້ເດີນອອກມາ ມີຜູ້ຊົມເຫັນ ກໍ່ໄດ້ຮັບສຽງເຊຍ ຮ້ອງຢ່າງສະນັ່ນຈາກຜູ້ເຂົ້າເບີ່ງໃນຫໍ, ສຸດປະຈຳຊາດໃນຄັ້ງນີ້ ໂດຍແຮງບັນດານໃຈຕ້ອງການ ສະແດງ ຄວາມຂອບໃຈຈາກນານາຊາດຫລາຍປະເທດ ທີ່ລົງມາຊ່ວຍເຫລືອລາວຈາກເຫດການເຂື່ອນແຕກທີ່ຜ່ານມາ.ຊ່ວຍເປັນກຳລັງໃຈ ນ້ອງນາງສາວ ອອນອານົງ ຫອມສົມບັດ Miss Universe Laos 2018 ໄປປະກວດທີ່ປະເທດໄທ ແລະ ກົດໄລກົດແຊ ໄດ້ທີ່: Miss Universe Laos ມີສຢູນີເວີຣສ ລາວ.CA Channel.

Posted by CA Channel on ວັນຈັນ ທີ 10 ທັນວາ 2018

#Laos Evening Gown Competition #MissUniverse2018

#Laos Evening Gown Competition #MissUniverse2018

Posted by BeautyQueen on ວັນພະຫັດ ທີ 13 ທັນວາ 2018

ນ້ອງນາງສາວ ອອນອານົງ ຫອມສົມບັດ ໃນຊຸດລອຍນ້ຳ ຮອບຂັດເລືອກເກັບຄະແນນ preliminarily ນ້ອງນາງສາວ ອອນອານົງ ຫອມສົມບັດ ເດັ່ນຫລາຍ ສົ່ງໃຫ້ກຳລັງໃຈ ຊ່ວຍກົດໄລກົດແຊ ນ້ອງ ອອນອານົງ ຫອມສົມບັດແນ່ເດີ້#MissUniverse2018 #MissUniverseLaos ມີສຢູນີເວີຣສ ລາວ.#CAChannel.

Posted by Miss Universe Laos ມີສຢູນີເວີຣສ ລາວ on ວັນພະຫັດ ທີ 13 ທັນວາ 2018

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: Miss Universe 2018

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.