spot_img
Homeຂ່າວເຫດການຮອງນາຍົກລັດຖະມົນຕີ ສົມສະຫວາດ ເລັ່ງສະຫວັດ ສຳເລັດການຢ້ຽມຢາມ ສປ ຈີນ

ຮອງນາຍົກລັດຖະມົນຕີ ສົມສະຫວາດ ເລັ່ງສະຫວັດ ສຳເລັດການຢ້ຽມຢາມ ສປ ຈີນ

Published on

 

ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ, ຜູ້ຊີ້ນຳເສດຖະກິດການຜະລິດ ແລະ ການຈໍລະຈອນ ແລະ

ຄະນະ ໄດ້ສຳເລັດການເຂົ້າຮ່ວມການວາງສະແດງສາກົນ ຄັ້ງທີ 18 ແລະ ກອງປະຊຸມເສວະນາສາກົນດ້ານການລົງທຶນ

ແລະ ການຄ້າ ປີ 2014 ຢູ່ນະຄອນເຊຍເມິນ ແຂວງຟູຈ້ຽນ ສປ ຈີນ ຕາມຄຳເຊີນ ຂອງທ່ານ ຊູ ຊູ ລິນ ເຈົ້າແຂວງຟູຈ້ຽນ

ສປ ຈີນ ໂດຍມີຜູ້ເຂົ້າຮ່ວມທີ່ມາຈາກ 110 ປະເທດ ແລະ ເຂດແຄວ້ນ ພ້ອມອົງການຈັດຕັ້ງສາກົນຈຳນວນໜຶ່ງເຊັ່ນ:

UNIDO, IFC.

 

ກອງປະຊຸມດັ່ງກ່າວຈັດຂຶ້ນ ເພື່ອແລກປ່ຽນຄຳຄິດຄຳເຫັນ ແລະ ປະສົບການກ່ຽວກັບການພັດທະນານິຄົມເສດຖະກິດ

ເພື່ອແນໃສ່ຊຸກຍູ້ການພັດທະນາເສດຖະກິດຂອງປະເທດຕ່າງໆໃຫ້ໄວ ແລະ ໄດ້ຮັບໝາກຜົນຫລາຍກວ່າເກົ່າ ແລະ ແນ

ໃສ່ສົ່ງເສີມການພົວພັນຮ່ວມມື, ການລົງທຶນ ແລະ ການຄ້າລະຫວ່າງແຂວງຟູຈ້ຽນກັບຕ່າງປະເທດ. ໃນໂອກາດນີ້,

ທ່ານ ສົມສະຫວາດ ເລັ່ງສະຫວັດ ໄດ້ມີຄຳເຫັນຕໍ່ກອງປະຊຸມຮ່ວມກັບຮອງນາຍົກລັດຖະມົນຕີ ວັງຢາງ ຂອງ ສປ ຈີນ

ເຊິ່ງທ່ານໄດ້ກ່າວຍ້ອງຍໍຊົມເຊີຍແຂວງຟູຈ້ຽນ ທີ່ໄດ້ຮັບຜົນສຳເລັດອັນໃຫຍ່ຫລວງ ໃນການຈັດຕັ້ງປະຕິບັດນະໂຍບາຍ

ປະຕິຮູບ ແລະ ການເປີດປະຕູສູ່ໂລກພາຍນອກ ພຽງໄລຍະ 30 ກວ່າປີມານີ້, ແຕ່ໄດ້ເຮັດໃຫ້ເສດຖະກິດຂອງແຂວງມີ

ການເຕີບໃຫຍ່ຂະຫຍາຍຕົວຢ່າງວ່ອງໄວ ຢູ່ໃນແຖວໜ້າຂອງ ສປ ຈີນ ໂດຍມີລາຍຮັບສະເລ່ຍຕໍ່ຫົວຄົນຫລາຍເຖິງ

10.000 ໂດລາສະຫະລັດຕໍ່ປີ.

 

ພ້ອມດຽວກັນນັ້ນ, ທ່ານຮອງນາຍົກ ສົມສະຫວາດ ເລັ່ງສະຫວັດ ຍັງໄດ້ຍົກໃຫ້ເຫັນແນວທາງ ແລະ ຜົນສຳເລັດແຫ່ງ

ການປ່ຽນແປງໃໝ່ທາງເສດຖະກິດ ແລະ ການເປີດກວ້າງການຮ່ວມມືກັບຕ່າງປະເທດຂອງ ສປປ ລາວ ຕະຫລອດໄລ

ຍະ 20 ກວ່າປີຜ່ານມາ. ທ່ານຮອງນາຍົກ ກໍໄດ້ຍົກໃຫ້ເຫັນເຖິງທ່າໄດ້ປຽບທາງທີ່ຕັ້ງຂອງປະເທດທີ່ຢູ່ໃຈກາງຂອງອະນຸ

ພາກພື້ນ, ການສ້າງສະພາບແວດລ້ອມທີ່ອຳນວຍແກ່ການລົງທຶນ, ການສ້າງເຂດເສດຖະກິດພິເສດ ແລະ ເຂດເສດ

ຖະກິດສະເພາະທີ່ມີຫລາຍຮູບແບບຕ່າງກັນ, ພ້ອມທັງໄດ້ເນັ້ນເຖິງຄວາມສຳຄັນຂອງການເປັນຄູ່ຮ່ວມມືຍຸດທະສາດ

ລະຫວ່າງ ສປປ ລາວ ແລະ ສປ ຈີນ ໂດຍສະເພາະການກະກຽມສ້າງເຂດພັດທະນາເສດຖະກິດຊາຍແດນຮ່ວມກັນຢູ່

ຈຸດດ່ານບໍ່ເຕ່ນ ແຂວງຫລວງນ້ຳທາ ກັບຈຸດດ່ານບໍ່ຫານ ແຂວງຢຸນນານ ແລະ ເຂດພັດທະນາ ກວມລວມໄຊເສດຖາ

ຢູ່ນະຄອນຫລວງວຽງຈັນ ກໍຄືການນຳໃຊ້ເສັ້ນທາງຄຸນມິງ-ບາງກອກ ທີ່ຜ່ານດິນລາວ ແລະ ໂຄງການເສັ້ນທາງລົດໄຟ

ລາວ-ຈີນ ເຊິ່ງຖ້າສ້າງສຳເລັດຈະປະກອບສ່ວນສຳຄັນເຂົ້າໃນການເຊື່ອມໂຍງລະຫວ່າງ ລາວ ກັບ ຈີນ ແລະ ອາຊຽນ.

 

ໃນໄລຍະຢູ່ຢ້ຽມຢາມເຊຍເມິນຄັ້ງນີ້, ຮອງນາຍົກສົມສະຫວາດ ເລັ່ງສະຫວັດ ແລະ ຄະນະຍັງໄດ້ ໄປຢ້ຽມຢາມຫ້ອງການ

ເຂດພັດທະນາເສດຖະກິດຢູ່ຮາຍຊາງ ເຊິ່ງມີຜົນສຳເລັດອັນໃຫຍ່ຫລວງ ໃນການປະຕິບັດນະໂຍບາຍສ້າງເຂດເສດຖະ

ກິດພິເສດ ແລະ ຕົວເມືອງໃໝ່ທັນສະໄໝທີ່ເປັນມິດກັບສິ່ງແວດລ້ອມ; ຢ້ຽມຢາມໂຮງງານຜະລິດເກີບ ຟູກຸຍນຽວ ເຊິ່ງ

ເປັນວິສາຫະກິດເອກະຊົນໃໝ່ທີ່ສຸດຢູ່ນະຄອນສວນໂຈວ ແລະ ພົບປະກັບທ່ານ ເຈິງ ຊິນຈົ່ງ ເຈົ້າຄອງນະຄອນສວນໂຈວ

ເຊິ່ງທັງສອງຝ່າຍໄດ້ເຫັນດີເປັນເອກະພາບໃຫ້ມີການເສີມຂະຫຍາຍການໄປມາຫາສູ່ກັນ, ການສ້າງເມືອງແຮກສ່ຽວ,

ການເປີດຖ້ຽວບິນໂດຍກົງ ແລະ ຊຸກຍູ້ການຮ່ວມມືດ້ານທຸລະກິດນຳກັນ ໂດຍຝ່າຍນະຄອນສວນໂຈວໃຫ້ຄວາມສົນໃຈ

ຕໍ່ການຮ່ວມມືດ້ານກະສິກຳ ເປັນຕົ້ນການປູກເຂົ້າ ແລະ ພືດຜັກປອດສານພິດ ເພື່ອສົ່ງປ້ອນຕະຫລາດ ຢູ່ແຂວງຟູ

ຈ້ຽນ ກໍຄືຄວາມອາດສາມາດໃນການພັດທະນາເຂດເສດຖະກິດຮ່ວມກັນຢູ່ ສປປ ລາວ ເຊິ່ງແຂວງຟູຈ້ຽນມີບົດຮຽນ

ແລະ ປະສົບການສູງໃນດ້ານນີ້ ເພາະເປັນແຂວງໜຶ່ງທີ່ທາງລັດຖະບານຈີນໄດ້ຄັດເລືອກ ໃຫ້ເປັນບ່ອນທົດລອງພັດທະ

ນາເຂດເສດຖະກິດພິເສດຢູ່ທາງພາກຕາເວັນອອກຂອງປະເທດຈີນ, ພາຍຫລັງມີການດຳເນີນນະໂຍບາຍປະຕິຮູບ

ແລະ ການເປີດປະຕູສູ່ພາຍນອກກ່ອນໜ້ານີ້ 30 ກວ່າປີ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...