spot_img
Homeຂ່າວຕ່າງປະເທດຮປພ ຈີນຮັບໂອບາມາ ເຂັ້ມງວດ ຈົນຜິດກັນກັບ ຮປພ ສະຫະລັດ ໃນໂອກາດຮ່ວມປະຊຸມ G20

ຮປພ ຈີນຮັບໂອບາມາ ເຂັ້ມງວດ ຈົນຜິດກັນກັບ ຮປພ ສະຫະລັດ ໃນໂອກາດຮ່ວມປະຊຸມ G20

Published on

ສຳນັກຂ່າວເອເອຟພີລາຍງານວ່າ ເກີດເຫດການບໍ່ຄາດຄິດຂຶ້ນ ເມື່ອປະທານາທິບໍດີບາຣັກ ໂອບາມາຂອງສະຫະລັດອາເມລິກາ ເດິນທາງເຖິງປະເທດຈີນ ເພື່ອເຂົ້າຮ່ວມໃນການປະຊຸມສຸດຍອດຜູ້ນຳກຸ່ມປະເທດເສດຖະກິດຂະໜາດໃຫຍ່ 20 ຊາດ ຫຼື G20 ເມື່ອວັນທີ 3 ກັນຍາ ວານນີ້ ທີ່ນັບເປັນການເດິນທາງຢ້ຽມຢາມຄັ້ງສຸດທ້າຍ ໃນຖານະຜູ້ນຳສະຫະລັດອາເມລິກາ ແຕ່ໂອກາດພິເສດນີ້ ພັດເກີດເຫດອັນບໍ່ຄາດຄິດຂຶ້ນຈາກການຕ້ອນຮັບທີ່ເຂັ້ມງວດຂອງເຈົ້າໜ້າທີ່ຈີນ.

ຂ່າວແຈ້ງວ່າ ທາງການຈີນໄດ້ໃຊ້ມາຕະການເຝົ້າລະວັງດ້ານຄວາມປອດໄພໃນລະດັບສູງສຸດສຳລັບການປະຊຸມ ຈີ20 ແລະບໍ່ມີການຍົກເວັນແມ່ນແຕ່ນາງຊູຊານ ໄຣຊ໌ ທີ່ປຶກສາດ້ານຄວາມໝັ້ນຄົງແຫ່ງຊາດຂອງສະຫະລັດ ແລະກອງທັບສື່ຂອງທຳນຽບຂາວ ເມື່ອແອຟອດວັນ ເຮືອບິນປະຈຳຕຳແໜ່ງຂອງໂອບາມາ ລຸ້ນໂບອິ້ງ 747 ລົງຈອດທີ່ສະໜາມບິນໃນເມືອງຫາງໂຈວ ມົນທົນເຈີ້ຈຽງ.

ໂອບາມາເຖິງສະໜາມບິນ ເມືອງຫາງໂຈວ ສປຈີນ ເພື່ອເຂົ້າຮ່ວມກອງປະຊຸມ ຈີ20  AFP PHOTO / NICOLAS ASFOURI
ໂອບາມາເຖິງສະໜາມບິນ ເມືອງຫາງໂຈວ ສປຈີນ ເພື່ອເຂົ້າຮ່ວມກອງປະຊຸມ ຈີ20 AFP PHOTO / NICOLAS ASFOURI

ຕາມປົກກະຕິແລ້ວ ເມື່ອໂອບາມາເດິນທາງ ນັກຂ່າວທີ່ຕິດຕາມໄປນັ້ນຈະໄດ້ຮັບການຈັດໃຫ້ມາຢືນຖ້າຢູ່ບໍລິເວນກ້ອງປີກຂອງເຮືອບິນເພື່ອຖ່າຍຮູບຂະນະທີ່ໂອບາມາກ້າວຂາອອກຈາກເຮືອບິນ ແລະຍ່າງລົງຂັ້ນໄດມາ ແຕ່ວ່າເທື່ອນີ້ ທາງການຈີນໄດ້ເອົາເຊືອກສີຟ້າມາເນັ່ງຂັ້ນໄວ້ບໍ່ໃຫ້ຄະນະເຈົ້າໜ້າທີ່ສະຫະລັດເຂົ້າເຖິງໂຕໂອບາມາໄດ້ ແລະເຈົ້າໜ້າທີ່ຈີນຜູ້ໜຶ່ງໄດ້ຮ້ອງບອກໃຫ້ບັນດານັກຂ່າວຂອງສະຫະລັດອອກຈາກພື້ນທີ່ໄປ.

ເຈົ້າໜ້າທີ່ຍິງຂອງທຳນຽບຂາວຜູ້ໜຶ່ງຈຶ່ງຮ້ອງໄປໃສ່ເຈົ້າໜ້າທີ່ຈີນຄົນດັ່ງກ່າວວ່າ ນີ້ເປັນເຮືອບິນຂອງສະຫະລັດແລະຂອງປະທານາທິບໍດີສະຫະລັດ ແຕ່ເຈົ້າໜ້າທີ່ຈີນຄົນດັ່ງກ່າວກໍຮ້ອງເປັນພາສາອັງກິດມາໃສ່ຄືນວ່າ “ນີ້ຄືປະເທດຂອງເຮົາ ນີ້ຄືສະໜາມບິນຂອງເຮົາ…”.

ແລະເມື່ອ ນາງໄຣຊ໌ ກັບ ທ້າວ ໂຣດສ໌ ເຈົ້າໜ້າທີ່ທຳນຽບຂາວພະຍາຍາມຍົກເຊືອກທີ່ກັ້ນໄວ້ຂຶ້ນ ເພື່ອເຂົ້າໄປຫາໂອບາມາ ພັດຖືກເຈົ້າໜ້າທີ່ຈີນພະຍາຍາມເຂົ້າຂວາງທາງຈົນເກີດການຜິດຖຽງກັນ ກ່ອນທີ່ເຈົ້າໜ້າທີ່ໜ່ວຍອາລັກຂາປະທານາທິບໍດີສະຫະລັດຈະເຂົ້າມາພານາງໄຣຊ໌ອອກໄປ.

ຂ່າວ: ມະຕິຊົນ / ຮູບ: ເອເອຟພີ

ບົດຄວາມຫຼ້າສຸດ

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...