ອິນເດຍ-ບັງກາລາເທດສັ່ງອົບພະຍົບປະຊາຊົນຈາກເສັ້ນທາງຂອງພາຍຸຊຸບເປີໄຊໂຄນອຳພັນ

ອີງຕາມການລາຍງານຂ່າວຈາກເວັບໄຊຂ່າວ dailynews ໃຫ້ຮູ້ວ່າ ລັດຖະບານອິນເດຍ ແລະ ບັງກາລາເທດ ໄດ້ອົບພະຍົບປະຊາຊົນອອກຈາກເສັ້ນທາງຂອງພາຍຸຊຸບເປີໄຊໂຄນອຳພັນ ທີ່ມີຄວາມຮຸນແຮງຫຼາຍທີ່ສຸດໃນຮອບທົດສະວັດ.

ສຳນັກຂ່າວຣອຍເຕີລາຍງານ ເມື່ອວັນທີ 20 ພຶດສະພານີ້ວ່າ ຊຸບເປີໄຊໂຄນອຳພັນ ເຄື່ອນຕົວຈາກອ່າວເບງກໍ ເຄື່ອນຕົວໄປທາງຂອງອິນເດຍ ແລະ ທາງໃຕ້ຂອງບັງກາລາເທດ ດ້ວຍຄວາມໄວລົມຕໍ່ເນື່ອງສູງສຸດ 240 ກິໂລແມັດຕໍ່ຊົ່ວໂມງ ຖືວ່າມີຄວາມຮຸນແຮງທຽບເທົ່າພາຍຸເຮີລິເຄນລະດັບ 5.

ທາງການລັດເບງກໍ ດ້ານຕະເວັນຕົກຂອງອິນເດຍເລັ່ງອົບພະຍົບປະຊາຊົນຫຼາຍກວ່າ 200,000 ຄົນ ທີ່ອາໃສໃນພື້ນທີ່ສ່ຽງ ໃນຂະນະທີ່ທາງການລັດໂອຣິສາກຽມພື້ນທີ່ພາຍໃນສູນອົບພະຍົບຊົ່ວຄາວໄວ້ຮອງຮັບປະຊາຊົນໄດ້ກວ່າ 1.1 ລ້ານຄົນ.

ທາງດ້ານລັດຖະບານບັງກາລາເທດປະກາດໃຫ້ປະຊາຊົນໃນເຂດສ່ຽງໄພອົບພະຍົບອອກຈາກພື້ນທີ່ຕັ້ງແຕ່ວັນທີ 19 ພຶດສະພາ ເຊິ່ງມີການປະເມີນວ່າອາດສົ່ງຜົນກະທົບກັບປະຊາຊົນຫຼາຍເຖິງ 2 ລ້ານຄົນ ແລະ ເຕືອນວ່າອິດທິພົນຂອງພາຍຸອຳພັນອາດຮຸນແຮງທີ່ສຸດ.

 

ຮຽບຮຽງຂ່າວ: ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.