ອາເມລິກາເປັນປະເທດທີ່ມີຜູ້ຕິດເຊື້ອໂຄວິດ-1ຫຼາຍທີສຸດໃນໂລກ ແຊງໜ້າອິຕາລີແລະຈີນ

0
2283
ຮູບຈາກ Michael Nagle/Xinhua

ຈາກສະຖິຕິ ທີ່ເກັບກຳໂດຍສູນ Center for Systems Science and Engineering (CSSE) ໃນວັນທີ 26 ມີນາ ຂອງມະຫາວິທະຍາໄລ Johns Hopkins ເຜີຍວ່າ ປະເທດ ສະຫະລັດອາເມລິກາ ມີກໍລະນີຜູ້ຕິດເຊື້ອພະຍາດໄວຣັສໂຄວິດ-19 ເພີ່ມຂຶ້ນເປັນ 82,404 ກໍລະນີ, ຈຳນວນກໍລະນີຜູ້ຕິດເຊື້ອເພິ່ມຂຶ້ນເປັນ 10,000 ກໍລະນີ ພາຍໃນ 5 ຊົ່ວໂມງ, ເຮັດໃຫ້ອາເມລິກາເປັນປະເທດທີ່ມີກໍລະນີຜູ້ຕິດເຊື້ອຫຼາຍທີ່ສຸດໃນໂລກ ແຊງປະເທດ ອິຕາລີ ແລະ ຈີນ. ລັດນິວຍອກ (New York) ກາຍເປັນສູນກາງຂອງການແຜ່ລະບາດໃນປະເທດ ໂດຍມີຜູ້ຕິດເຊື້ອ 37,802 ກໍລະນີ ສ່ວນລັດຄາລິໂຟເນຍ (Califonia) ມີຜູ້ຕິດເຊື້ອ 6,876 ກໍລະນີ, ລັດນິວເຈີຊີ (New Jersey) ມີ 3,802 ກໍລະນີ. ຈຳນວນກໍລະນີຜູ້ເສຍຊີວິດທັ້ງໝົດໃນອາເມລິກາຕອນນີ້ມີ 1,178 ກໍລະນີ.

ຈຳນວນກໍລະນີຜູ້ຕິດເຊື້ອໄວຣັສໂຄວິດ-19 ທົ່ວໂລກຕອນນີ້ມີ 526,044 ກໍລະນີ, ເສຍຊີວິດ 23,709 ກໍລະນີ ໂດຍອ້າງອີງຈາກສູນ CSSE.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.